Шоу биз

Се степаа сестрите Кардашијан- тупаници , крвави гребаници и навреди (ВИДЕО)

Милиони гледачи ширум светот го следат американското реално шоу Keeping Up With The Kardashians од 2007 година, а тековната сезона започна да ги разоткрива расипаните семејни односи во кланот.

Секој што барем малку е запознаен со животот на главните ликови во популарното ТВ-шоу, одамна знае дека 40-годишната Кортни е еден вид „црна овца“ меѓу сестрите - таа е единствената која не сака да ја покаже интимноста пред камерите, поради што честопати се кара со доминантна Ким (39) но и Клое (35) и мајка Крис Џенер (64), која со години управува со своите деца.

И повеќемесечната расправија меѓу сестрите сега кулминираше - и, се разбира, на најлош можен начин - пред телевизиските камери. Изнервирана дека Кортни помалку и помалку се вклучила во снимањето на шоуто, Ким и рекла едноставно - да замине.

- Не секој ** ден ќе дојде во ова негативно опкружување! Не сакам да бидам никаде близу твојот ** не масен задник ! вели Кортни, видно вознемирена и на работ на солзи.

Наскоро, следува мала физичка пресметка - тупаници летаа,а во еден момент Ким дури и заврши на подот, Клое се обиде да ги раздели дивите сестри, а Кендал гледаше во шок и неверување што се случува околу неа.

Шоу биз

Бразилка ќе оди во затвор, зашто на познат пејач за еден месец му испратила 8.000 писма

Бразилката Мира Карваљо (35) е толку опседната со британскиот пејач, Хари Стајлс (поранешен член на групата „One Direction“) што го оставила партнерот дома и го пропатувала целиот пат до Лондон.

Но, тоа не е сѐ, Мира му испраќала на Хари писма, свадбени честитки, а бидејќи за само еден месец испратила дури повеќе од 8.000 писма, Бразилката завршила во затвор, пишува „The Sun“.

Таа е осудена на 14 недели затвор и се изјаснила за виновна за следење.

- Хари беше навистина потресен. Тој само сака да продолжи нормално, но секако дека е загрижувачки за него, неговото семејство и неговиот тим“, изјави извор близок до Стајлс.

Нејзе ѝ е забрането да се приближува до Стајлс дури 10 години и да присуствува на кој било настан, односно концерт, каде што е тој.

Да потсетиме, фановите на споменатата група некогаш беа познати по претерувањето кое се граничело со демнење, па еднаш ги хакираа и безбедносните камери на лондонскиот аеродром за да ги видат своите идоли.

Македонија

Пендаровски: Понудата на Мицкоски за коалицирање е знак на слабост

Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира со кого сака.

Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.

„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски, соопштуваат од неговиот тим.

Македонија

Портокалова велосипедска тура, изложба на карикатури и холандски пазар на Деновите на Холандија

По повод националниот ден на Холандија – Денот на Кралот, Амбасадата заедно со своите партнери го отвори второто издание на „Денови на Холандија“ во Ист Гејт Мол во Скопје.

Амбасадорот Дирк Јан Коп и извршниот директор на Ист Гејт Мол Игор Давков ги пречекаа посетителите со посебно искуство кое вклучуваше портокалова велосипедска тура, изложба на декорирани велосипеди, филмови во виртуелна реалност и холандски пазар.

Настанот започна со симболична портокалова велосипедска тура и изложба на велосипеди декорирани од средношколци од Скопје во организација на Гоу грин – Биди зелен. Покрај автентичните холандски производи во понудата на холандскиот пазар беа вклучени и локални продукти произведени со холандска технологија.

Во рамките на отворањето амбасадорот Коп ги објави и победниците на регионалниот натпревар за карикатури организиран од холандското Министерство за надворешни работи и организацијата Картун мувмент. Независно жири составено од претставници од сите шест држави од Западен Балкан ја додели првата награда на Душан Перишиќ од Србија а втората награда на Арменд Ајредини од Македонија.