Се распадна ли бракот на Џенифер Лопез и Бен Афлек- тој веќе се иселил од куќата

Џенифер Лопез и Бен Афлек наводно се разведуваат.

Како што пишува In Touch Weekly, на актерот му „дошло преку глава“ и решил да се разведе од пејачката, а наводно веќе се иселил од куќата што ја делат. Ова го потврди извор близок до парот. „Готово е, тие се разведуваат, а овој пат Бен не треба да се обвинува за тоа“, тврди инсајдерот.

Обожавателите претходно забележаа дека парот со недели не поминува време заедно. Актерот не беше на Мет Гала со неговата сопруга на 6 мај и покрај нејзината важна позиција како копретседавач на настанот.

Официјалното оправдување на Бен за неприсуството на Мет Гала беше дека бил зафатен со снимањето на Сметководител 2, но изворот на In Touch тврди дека тој одлучил да се разведе.

"Сега тој е фокусиран на работата и неговите деца. Бен веќе се исели и веројатно ќе ја продаде нивната куќа од соништата, која ја бараа цели две години. Тие никогаш нема да престанат да се сакаат, но таа не може да го контролира и тој не може да ја промени. Немаше шанси ова да потрае“, тврди изворот.

Парот, кој некогаш се забавуваше, но ја раскина свршувачката во 2003 година, а потоа се обедини речиси 20 години подоцна, претходно имаа проблеми во врската бидејќи се справуваа со славата на различни начини.

Џенифер многу подобро се справуваше со медиумското внимание, додека Бен секогаш бегаше од неа. Во документарниот филм The Greatest Love Story Never Told, пејачката откри и дека тешко се справуваат со вниманието на јавноста и дека таму мора да прават компромиси.

„Мислам дека на Бен не му е удобно да го правам ова, но не може да ме спречи“, рекла Џенифер. „Бен никогаш не сакал да ѝ ги уништи соништата на Џенифер или да ѝ каже дека не може да направи нешто за да ѝ помогне во кариерата, иако таа прилично го контролира“, тврди изворот.

„Тие чекаа речиси две децении за повторно да бидат заедно, но на крајот едноставно не им успеа“, додава изворот и продолжува: „Двајцата рекоа дека созреале и научиле од своите грешки, но некои од поголемите проблеми што ги предизвикале првиот пат кога се разделија, останаа исти“.

Инаку, познато е дека Лопез и Афлек почнаа да се забавуваат во 2002 година, а се верија подоцна истата година. Сепак, парот се раздели во 2004 година, откако ја одложи својата венчавка една година претходно. По неколку години разделени, Лопез и Афлек конечно се обединија во 2021 година и се венчаа во 2022 година.

Паандов: Изборен инжињеринг е кога на референдумот некаде се гласаше за две секунди

„Верувам дека под притисок на ДУИ „Вреди“ даваа порадикални изјави за време на изборите“

Изборен инжињеринг е кога на референдумот на некои избирачки места две секунди беа потребни за да се гласа. Сега луѓето си гласаа и се гледа кој има полн легитимитет. Девет партии беа во коалиција меѓу кои има и неалбански партии, да не говориме власта како власт за две децении колку клиентелистички гласови има добиено ДУИ. „Вреди“ има полн легитимитет, има повеќе Албански гласови од ДУИ.

Во Бугарија и Грција реториката е таква каква што е, верувам дека под притисок на ДУИ „Вреди“ даваа порадикални изјави за време на изборите. Ние правиме чекори и ги доживуваме како понижување. Се додека историските прашања се на маса и ако ние Македонците сме коминтерновска твобра или не и ако тие се услови за преговори со ЕУ, нема да ги почнеме, рече Александар Пандов во Само Вистина.

Мистериозни „светлосни столбови“ се појавика на небото над Јапонија (ФОТО)

Жителите на мало рибарско гратче во Јапонија беа сведоци на необичен спектакл, а фотографиите ги преплавија мрежите и предизвикаа различни реакции.

Сè се случи на 11 мај над Дејзен во префектурата Тотори и се гледаат „столбови на светлина“ како висат низ облачното небо.

Мештаните биле збунети, а на небото изброиле девет „столбови“, пренесува Метро.

„Излегов од куќата и видов неверојатна работа“, изјави Хинт Пот за локалните медиуми.

И додека корисниците на социјалните мрежи шпекулираа за каков феномен се работи, експертите се огласија. Тие веруваат дека тоа е најобичен одраз на светлата на рибарските чамци во морето.

„Ова се случува кога светлината се прекршува од облаците и се снима еднаш на неколку години. Феноменот има свое име - Исариби Кочу.“

Авио компанија е казнета со 300.000 долари - ги држеле патниците во авион и по 4 часа

Американското Министерство за транспорт го казни Воларис со 300.000 долари за кршење на федералните закони за одложување на летовите.

Авиокомпанијата мора да плати казна од 150.000 долари сега, со можност да се соочи со дополнителни 150.000 долари доколку има слични прекршоци во следната година.

Според прописите, меѓународните летови не можат да останат на платформата на аеродромот повеќе од четири часа без да им дозволат на патниците да излезат од авионот.

Воларис во текот на 2021 и 2022 година дозволи два лета да ја надминат оваа граница без да им даде можност на патниците да ги напуштат авионите.

Летот на Воларис 5892 од Гвадалахара до Далас Форт Ворт бил пренасочен кон меѓународниот аеродром Џорџ В. Буш на 17 август 2021 година и имало доцнење од пет часа и 32 минути.

Летот 826 од Мексико Сити до Чикаго О'Харе бил пренасочен кон Сент Луис на 23 јули 2022 година и имал четири часа и 35 минути доцнење на пистата.

Управата за заштита на потрошувачите во воздухопловството на Министерството за транспорт извршиле истрага и утврдиле дека ниту еден од исклучоците од т.н. Правилата за одложување на пистата не биле применливи за овие летови, објави денеска Транспорт.

Одделот наложи повеќе од 164 милиони долари казни против авиокомпании за кршење на правата на потрошувачите за време на администрацијата на Бајден.

притисни ентер