Се отвора онлајн музеј на мобилни телефони со модели од 1984. до денес

Новиот онлајн музеј посветен на историјата на мобилниот телефон треба да се отвори во ноември и ќе содржи повеќе од 2.000 уникатни мобилни телефони од 200 различни производители.

Музејот ќе го прикаже развојот на мобилниот телефон од 1984 година до денес.

Музејот е создаден од експертот за мобилни телефони, Бен Вуд, кој исто така е главен аналитичар во CCS Insight, и неговиот колега, ветеранот на мобилната индустрија, Мет Чатрли, со цел да се создадат изложби на мобилни со физичко присуство во иднина, за повеќе луѓе да можат да ја видат колекцијата.

Во музејот ќе се најдат првите мобилни телефони, честопати големи, тешки уреди кои биле едвај преносливи, заедно со најновите паметни телефони со преклопување на екрани што можат да се преклопат на половина, како и најсовремените фото-видео камери.

"Собирам телефони повеќе од 25 години. Во последните три децении, мобилниот телефон стана дел од социјалното ткиво, а разновидноста на дизајните, од првите мобилни телефони до најновите паметни телефони со флексибилни екрани, е нешто што треба да се види “, рече Вуд.

„Кога ќе започне онлајн музејот подоцна оваа година, сакаме да биде богат ресурс за учење и начин да ги инспирираме младите луѓе да продолжат да создаваат свои неверојатни иновации во мобилната телефонија во иднина“, додава тој.

Макс Тејлор, директор на британски потрошувачи во Водафон, изјавил: „Пред повеќе од 35 години, Водафон го оствари првиот мобилен телефонски повик во Велика Британија преку Vodafone Transportable VT1, телефон што беше со големина на батерија на автомобил и уште потежок. "

"Овие рани уреди и се` што дојде подоцна е фасцинантна приказна, не само за самата технологија и начинот на кој таа се разви, туку и за начинот на кој комуницираме. Нашите паметни телефони сега се во срцето на нашиот свет и ова е соодветна прослава на улогата што ја играат „Се надеваме дека со поддршка на уникатната музејска колекција на Бен и Мет, најсеопфатната колекција некаде во светот, ќе можеме да им помогнеме на луѓето да се сетат на уредите што ги имаа низ годините и да се возбудиме што би можеле да направат уредите за нив во иднина. “вели Тејлор.

Шилегов: Скопје е жртва на ГУП од 2012 на Вмро-Дпмне, да не дозволиме да го носат и во 2022

Според Шилегов, носењето на нов ГУП е вистинска можност градот да се врати онаму каде што треба.

Во одговор на новинарско прашање на денешната прес-конференција по повод отпочнување на асфалтирањето на булеварот „Киро Глигоров“ во општина Гази Баба, градоначалникот Петре Шилегов истакна дека хаосот во урбанистичкото планирање, урбанистичките девијации и нарушувањето на јавниот простор и животната средина кои се случуваат во Скопје се резултат на генералниот урбанистички план донесен во 2012 година од страна на ВМРО-ДПМНЕ.

„Скопје е жртва на генералниот урбанистички план донесен од партијата на госпоѓа Арсовска во 2012 година. Ако дозволиме повторно таа структура да го донесе генералниот урбанистички план, ќе продолжиме да живееме во хаос“, изјави Шилегов.

Тој додаде дека е важно пред вториот круг на локалните избори да се соочат и концептите за облагородување и хуманизација на јавниот простор, а кандидатката поддржана од ВМРО-ДПМНЕ јасно да го изнесе својот став за целосната дислокација на тешката индустрија од градот Скопје, како што е предвидено во новиот генерален урбанистички план.

Според Шилегов, носењето на нов ГУП е вистинска можност градот да се врати онаму каде што треба.

Бочварски: Преку транспарентен начин носиме нов Закон за градење

Министерот за транспорт и врски, Благој Бочварски, на покана на Комората на овластени архитекти и овластени инженери, денеска се обрати на стручната расправа по однос на текстот за новиот предлог Закон за градење.

Текстот на новиот Закон за градење е веќе изготвен и доставен до сите заинтересирани страни за што Министерството за транспорт и врски во овој период прибира предлози и идеи за негово подобрување.

„Реформските процеси ги продолжуваме за да изградиме праведно општество кое ќе се темели на сигурност за сите чинители во оваа дејност, граѓани, инвеститори, интитуции. Се определивме да креираме комплетно нов Закон за градење кој ќе има за цел да ги забрза процедурите и ќе го стимулира просторниот и економски развој во државата.

Со новиот предлог Закон се уредува материјата на проектирање, на издавање на акти за градење, подготвителни работи, уредување на градилиште. Дополнително, се уредува категоризацијата на градби, а го зајакнуваме и инспекцискиот надзор над градењето со тоа што општинските инспектори стануваат дел од Државниот инспекторат за урбазниам и градежништво, преку оформување на Регионални подрачни единици.“ – изјави министерот за транспорт и врски, Бочварски.

Тој во продолжение истакна дека со Предлог на Законот за градење ќе се овозможи и стимулира просторниот и економскиот развој, ќе се стимулира инвестирањето во градење, ќе се зајакне улогата на стручната јавност и правата на странките и на крајот, ќе се овозможи разрешување на наталожените проблеми што постојното се јавуваат во оваа област.

Министерот Бочварски во своето обраќање потенцираше дека Министерството за транспорт и врски ја продолжува праксата за транспарентно носење на реформските закони, со комплетно вклучување на стручната фела, на институциите, бизнис коморите, асоцијациите и сите заинтересирани во оваа дејност.

Свое обраќање на стручната расправа имше и Кристина Радевски, претседател на Комората на овластени архитекти и овластени инжењери.

Министерство за транспорт и врски

Мицкоски: Работиме на носење на голема странска инвестиција во Битола

Идната Влада предводена од ВМРО-ДПМНЕ и идниот градоначалник Тони Коњановски ќе донесат голема странска, мултинационална компанија, вели Мицкоски.

Почитувани,

Да ми дозволите да се заблагодарам на битолчани за големиот успех во првиот круг, за мнозинството советници во Советот на Општина Битола кои што доаѓаат од коалицијата за „Обнова на Македонија" предводена од ВМРО-ДПМНЕ. ВМРО-ДПМНЕ недвосмилено победи, освои најголем број гласови во Советот на Општина Битола. ВМРО-ДПМНЕ победи во првиот круг овдека во Битола и во трката за градоначалник, Тони Коњановски победи во првиот круг и ќе победи во вториот круг за тоа што на битолчани им е преку глава веќе од лаги, криминал, предавства, од корупција, од неуспеси во здравството, од нереформирано образование, од сето она што се случуваше изминативе 52 месеци во Македонија, но и сето она што се случуваше изминативе четири години овдека во Битола.

Денеска сме овдека во Битола и симболично овде во „Жабени", ја даваме оваа изјава во индустриската зона „Жабени", да ги охрабриме битолчани да им кажеме дека идната Влада која што ќе ја предводи ВМРО-ДПМНЕ и идниот градоначалник Тони Коњановски заедно сериозно работат на една голема странска инвестиција. Ќе ве молам да оставите на времето да покаже која ќе биде таа голема странска инвестиција, која што во наредниот период ќе дојде и ќе инвестира овдека во Битола. Да не бидеме како тоа што го правеше Зоран Заев и Владата на СДСМ, лиферувајќи имиња од типот на голем германски инвеститор во автомобилската индустрија, па Фејсбук, па Гугл, па последно на едно наше заедничко соочување ИКЕА ја споменуваше, и уште ред други имиња кои што ги споменуваше. Не би сакал да наликувам на човек што споменува имиња бидејќи и самите тие нормално дека не би сакале да се открие тоа име.

Но, јас сакам да откријам и со сигурност да кажам дека во периодот кој што следи идната Влада предводена од ВМРО-ДПМНЕ и идниот градоначалник Тони Коњановски ќе донесат голема странска, мултинационална компанија која што ќе инвестира и ќе обезбеди во почеток неколку стотици, а во подоцнежна фаза и повеќе од неколку илјади нови работни места овде за Битола и за битолчани, и за Пелагонија, она што е за нас многу важно. Бидејќи ние сме Влада и во минатото, но и така ќе биде во иднината како Влада, пробизнис Влада, Влада која што ќе се занимава за решавање на проблемите на граѓаните, Влада која што ќе создава услови за инвестиции, Влада која што ќе ја развива Македонија. А, не Влада која што ќе ја краде, која што ќе ја предава, Влада која што ќе ја срамоти, Влада која што ќе ја понижува Македонија.

Христијан Мицкоски, претседател на ВМРО-ДПМНЕ

притисни ентер