Се отвара ли нова дискусија во Брисел за идниот модел за проширување на ЕУ? - Канал 5

Македонија

Се отвара ли нова дискусија во Брисел за идниот модел за проширување на ЕУ?

Новиот бран на предлози за промена на процесот на проширувањето е добар знак дека Брисел наместо декларативно, веќе во детали ја дискутира идната генерација на пристапни договори со земјите кандидатки.

Се отвара ли нова дискусија во Брисел за идниот модел за проширување на ЕУ?

Новиот бран на предлози за промена на процесот на проширувањето е добар знак дека Брисел наместо декларативно, веќе во детали ја дискутира идната генерација на пристапни договори со земјите кандидатки, оценува шпанскиот аналитичар Виктор Бургете Видал за германско-францускиот нон-пејпер како и идејата на еврокомерската Кос, Унијата да имплементира заштитни мерки меѓудругото и во вид на забрана на употреба на вето за идните членки во првите пет до петнаесет години од приемот.

-Беше добро прифатен во повеќето главни градови, но сè уште е почетна дебата и ќе го видиме во следните месеци, Комисијата треба да го разгледа предлогот и сега ја имаме оваа отворена идеја на Кос која се обидува да се справи со една од главните загрижености во европските главни градови, а тоа е прашањето за управување во рамките на ЕУ. Не станува збор само за проширување – ЕУ има 27 членки, тоа се многу членови и поради тоа начинот на кој функционира управувањето со ЕУ, некогаш е многу е тешко да се донесат одредени одлуки,- - Виктор Бургете Видал, виш истражувач за геополитика и безбедност во Центарот за меѓународни односи во Барселона.

Тоа што вчера Украина и Молдавија ги отворија пристапните поглавја, според Бургете Видал, не значи дека ќе имаат полесен прием во ЕУ, бидејќи како што вели, секоја од земјите кандидатки има свои сложености според кои имаат поинакви услови од ЕУ при преговорите, а во минатото тоа се случи и со Бугарија и Романија посочува тој.

-Нема споредба кога се анализира влијанието од приклучувањето на Украина кон ЕУ и Македонија - според популација, големина на земјоделскиот пазар, влијанието што ќе го има врз европскиот буџет, земјоделските фондови, но и кохезионите фондови. Мислам дека во предлогот на Мерц е сосема јасно дека Украина треба да се третира поинаку, но тоа не значи дека ќе биде полесен или ист пат (како Западен Балкан) кон интеграција во ЕУ,- - Виктор Бургете Видал, виш истражувач за геополитика и безбедност во Центарот за меѓународни односи во Барселона.

На настанот посветен на 40 годишнината од влезот на Шпанија во ЕУ, Бургете Видал посочи дека Шпанија го поддржува проширувањето со нови членки но и напомена дека шпанските пристапни преговори се одвивале преку тежок реформски процес на политичка стабилизација и економски раст, но и соочување со големи ограничувања од ЕУ, конкретно во областа на нејзината рибарска флота.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ракетен напад на финансискиот центар во Ријад- оштетена е зградата на нафтениот гигант „Армико“ (ВИДЕО)

Финансискиот центар на Ријад, главниот град на Саудиска Арабија, беше погоден од ракетен напад, а инцидентот ја оштети зградата на нафтената компанија Сауди Арамко.

Ракетен напад на финансискиот центар во Ријад- оштетена е зградата на нафтениот гигант „Армико“ (ВИДЕО)

Според информациите што ги објавија странските медиуми, прозорците на зградата биле скршени на неколку ката, додека дел од фасадата е оштетен, објави Лориент.

Нападот се случил денес, откако воената коалиција предводена од Саудиска Арабија објави дека пресретнала ракети лансирани од Јемен, за кои се вели дека им припаѓаат на јеменските бунтовници Хути.

Сведоци потврдија за АФП дека бил погоден деловниот комплекс на Финансискиот округ Крал Абдула (КАФД), во кој се наоѓа и кулата Арамко. Според нив, штетата била видлива на неколку ката од зградата, вклучувајќи скршени прозорци и оштетување на фасадата.

Сепак, првичните извештаи не беа јасни дали зградата била директно погодена од ракета или штетата е предизвикана од остатоци од ракета што претходно била пресретната од воздушната одбрана.

Саудиското Министерство за енергетика подоцна соопшти дека административната зграда на Арамко била цел на обидот за напад, но дека штетата била ограничена на остатоци. Според официјалните информации, немало повредени или смртни случаи во инцидентот.

Воената коалиција соопшти дека воздушната одбрана пресретнала и уништила две крстосувачки ракети насочени кон Ријад и јужните делови на кралството.

Нападот врз финансискиот центар предизвика особена загриженост бидејќи е еден од најпрепознатливите симболи на економските и социјалните реформи на Саудиска Арабија. Комплексот KAFD вклучува бројни канцелариски згради, финансиски институции, станбени згради, продавници и метро станица што ја користат многу луѓе секој ден.

Инцидентот претставува нова ескалација во конфликтот меѓу Саудиска Арабија и Хутите, кои ги интензивираа меѓусебните напади во последните месеци. Тензиите дополнително се зголемија откако Хутите ги обвинија саудиските сили за смртоносни напади врз цивили во Јемен.

Засега нема потврда дека нападот предизвикал прекини во работата на „Арамко“ или на неговите нафтени постројки. Властите продолжуваат да ја проценуваат штетата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АД ЕСМ со демант до СДСМ: Нема доцнење на платите во ЕСМ, компанијата ги осудува обидите за внесување немир кај вработените

Платата за вработените во АД ЕСМ ќе биде исплатена во законскиот рок. 

АД ЕСМ со демант до СДСМ: Нема доцнење на платите во ЕСМ, компанијата ги осудува обидите за внесување немир кај вработените

Тековните административни усогласувања во компанискиот систем за исплата на личниот доход, се должат на едновремените барања од над 140 вработени за ажурирање и промена на нивните лични податоци, што наметна потреба од дополнително време за нивна техничка обработка и верификација до 06.11., со цел да се обезбеди сигурна и точна распределба на средствата.

Работењето на АД ЕСМ, кое изминатите две години минува низ интензивен процес на финансиска и техничко-технолошка консолидација, не треба во ниту еден случај да се поврзува со државниот Буџет, затоа што средствата за плати компанијата самостојно ги обезбедува без субвенции, за разлика од периодот 2021-2024 година.

Компанијата најостро ги осудува обидите на одредени политички партии за саботажа на енергетскиот сектор односно преку тенденциозно и лицемерно користење на вонредните административни прилагодувања - да создаваат лажен наратив и да внесуваат немир помеѓу вработените.

Во контекст на платите и надоместоците за вработените, би сакале да потсетиме дека е почнат процесот за зголемување на платите во АД ЕСМ согласно неодамна потпишаниот Колективен договор со репрезентативните синдикати. Исто така, на почетокот на јули е исплатен регресот за годишен одмор за 2026 година во 100% вредност, а последните две години вработените ја добиваат декемвриската плата пред почетокот на Новогодишните празници.

АД ЕСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прогласена е вонредна состојба: Над 8.000 мигранти пристигнаа на шпански остров

Советот на шпанскиот остров Ел Иеро соопшти дека прогласил вонредна состојба за справување со миграциската криза, откако повеќе од 8.000 мигранти пристигнале на островот во Канарскиот архипелаг во последните пет недели.

Прогласена е вонредна состојба: Над 8.000 мигранти пристигнаа на шпански остров

Со декретот се бара и од владата на Канарските Острови и од шпанската држава да обезбедат дополнителен персонал и да спроведат систем на ротација за да им овозможат на членовите на Поморската служба за спасување, Здравствената служба на Канарските Острови, Државните безбедносни сили и Црвениот крст да бидат соодветно одморени, објави RTVE.

Претседателот на островскиот совет, Кабилдо, Алпидио Армас, рече дека вонредната состојба е прогласена за да „гарантира рамка за соработка со институциите за обезбедување на основните права“ и за пристап до буџетските ресурси потребни „за справување со овие непредвидени ситуации“.

Армас рече дека практично сите мигранти на островот доаѓаат од Сенегал.

Претседателот на Канарските Острови, Фернандо Клавихо, рече дека шпанскиот премиер Педро Санчез се обврзал итно да свика Комисија за имиграција и да ги зајакне ресурсите за здравствена заштита преку Државниот секретаријат за миграција. Декларацијата, исто така, предвидува воспоставување протоколи за координиран трансфер на мигранти на други острови со поголем капацитет и зајакнување на објектите за првичен прием на мигранти на островот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер