Се менува внатрешноста на автомобилите, се воведува „паметна“ шофершајбна - Канал 5

Автомобилизам

Се менува внатрешноста на автомобилите, се воведува „паметна“ шофершајбна

Германскиот Zeiss, познат по леќите за очила, и корејскиот автомобилски гигант Hyundai овој месец се договорија за стратешко партнерство.

Се менува внатрешноста на автомобилите, се воведува „паметна“ шофершајбна

Нивната цел е да го создадат првиот проѕирен холографски дисплеј на автомобилскиот пазар, пишува Форбс.

Идејата е да се постават сите клучни информации за возењето на проѕирни екрани на исто ниво со долниот дел од шофершајбната за да може возачот да ги види информациите без да го тргне погледот од патот. Во исто време, некои видео содржини како филмови или видео повик може да се прикажат на шофершајбната од совозачката страна.

Таков дисплеј ќе биде овозможен со конвергенција на автомобилските електронски системи и ултра прецизната оптичка технологија. Со оглед на тоа дека некои информации ќе бидат преместени од таблата со инструменти на стаклото, ова на крајот би требало да резултира со нов дизајн на кокпитот.

Таквиот дисплеј може да резултира со отстранување на различни екрани на допир и враќање на физичките копчиња на таблата со инструменти. И покрај многуте поплаки дека навигацијата со такви екрани го одвлекува вниманието на возачот од возење, тие сè уште се вообичаени кај модерните автомобили.

Се чини дека Hyundai, односно компанијата Hyundai Mobis и ZEISS не планираат да го развијат споменатото решение само за возилата на Hyundai, туку за сите заинтересирани производители на автомобили. Нивниот производ ќе се вика „Transparent Windscreen Displays“, а клучот за проектирање на содржината на шофершајбната ќе биде проектор и функционален филм.

Hyundai Mobis ќе го надгледува развојот на системот и ќе биде одговорен за развојот на проекторот што ќе ја прикажува содржината на стаклото користејќи леќи и рефлектори. Оваа технологија бара решенија за минијатуризација, намалување на шумот, намалување на топлината и термичко управување оптимизирани за патнички возила.

За да се прикаже содржината на проѕирната шофершајбна од светлината што ја емитува проекторот, потребен е проѕирен, тенок филм што применува холографска технологија. Овој филм создава различни обрасци користејќи фотохемиски својства кога влегува светлината, создавајќи видеа и слики. Дебелината на филмот е помала од 100 микрометри или околу 0,1 милиметар, што значи дека е едвај подебел од човечко влакно.

Во своите соопштенија за медиумите, Hyundai и ZEISS не нудат одговори на прашањата дали забавните содржини на совозачката страна на стаклото ќе го одвлечат вниманието на возачот и дали информациите ќе можат добро да се видат дури и во најсончевиот ден.

Двете компании веќе започнаа со развој на производи со комбинирање на специјализирани технички способности, а минатиот месец развиле прототип. Тие планираат да започнат со масовно производство во 2027 година.

Според предвидувањата на меѓународната компанија за истражување на пазарот OMDIA Research, светскиот холографски пазар на вакви решенија се очекува да порасне на околу седум милиони единици до 2030 година, поставувајќи се како нов тренд во областа на дисплеите од следната генерација, според Форбс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода арачиновец во Липково, превезувал огревни дрва без документација (ВИДЕО)

Против него ќе следува соодветна пријава.

Лишен од слобода арачиновец во Липково, превезувал огревни дрва без документација (ВИДЕО)

На 05.10.2026 во 18:00 часот, полициски службеници од СВР Куманово го лишија од слобода Џ.А.(65) од село Арачиново. Тој во село Липково управувал товарно возило во кое превезувало дрва без жиг и не застанал на даден знак стоп од полициски службеници и се обидел да побегне.

Џ.А. бил приведен во полициска станица и по целосно документирање на случајот против него ќе следува соодветна пријава.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По 11 години – Охрид конечно ќе добие затворен базен!

По речиси 11 години застој, затворениот базен во Охрид конечно ќе биде завршен и ставен во функција.

По 11 години – Охрид конечно ќе добие затворен базен!

Владата на Република Македонија на денешната седница ја усвои точката со која се овозможува продолжување и конечно завршување на затворениот базен во Охрид.

Обезбедени се 470 милиони денари за негово целосно завршување.

Ова за мене е многу повеќе од уште еден инфраструктурен проект. Ова е инвестиција во младите, во спортистите, во пливањето. Во иднината на спортот во Охрид и во целата држава.

Со завршувањето на базенот, спортистите ќе добијат современи услови за тренинг, младите категории ќе добијат простор за развој, а Охрид ќе добие услови за организирање натпревари и за понатамошен развој на спортот.

Како Влада и како Министерство за спорт не сакаме капитални спортски објекти да стојат со години и да чекаат. Сакам да ги гледаме завршени и ставени во функција.

Токму затоа ова е еден од проектите на кои сме посебно посветени и драго ми е што денес можеме да кажеме дека по 11 години – конечно се движиме кон неговата реализација.

Голема благодарност до претседателот на Владата, Христијан Мицкоски, и до Владата за поддршката и за јасната определба да инвестираме во спортот и во спортската инфраструктура.

Охрид заслужува затворен базен. Охрид ќе го добие.

Продолжуваме со работа, се наведува во соопштението на Влада на Македонија/Министерство за спорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерката за енергетика Божиновска во Белград: Се гради посигурен и поврзан енергетски регион

Министерката за енергетика, рударство и минерални суровини Сања Божиновска присуствува на Вториот министерски самит на Србија, Македонија, Грција и Бугарија, кој се одржува во Белград, во организација на Србија.

Министерката за енергетика Божиновска во Белград: Се гради посигурен и поврзан енергетски регион

Во фокусот на самитот се сигурноста на снабдувањето, развојот на Вертикалниот гасен коридор, пристапот до LNG капацитетите преку Александруполи, диверзификацијата на изворите и правците на снабдување, како и унапредувањето на регионалната соработка во електроенергетиката.

Самитот следува по првата министерска средба во Атина во мај и го продолжува дијалогот за заеднички регионален пристап кон енергетската сигурност и отпорноста на системите.

Во македонската делегација се и заменик-генералниот директор на МЕПСО, Александар Пауноски, како и претставници на НОМАГАС.

Во рамки на посетата, министерката Божиновска ќе оствари и билатерална средба со бугарскиот министер за енергетика, со фокус на понатамошното унапредување и проширување на веќе воспоставената соработка..

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер