Поради вештачката интелигенција, бројот на вработени е намален за околу илјада за краток временски период, а Кларна повеќе нема намера да вработува нови луѓе, освен некои инженери повремено. Причината за тоа е што вештачката интелигенција денес лесно може да ја заврши оваа работа.
Намалувањето на бројот на вработени ги намали и трошоците на компанијата, а Сиемијатковски претходно изјави дека од ова ќе имаат бенефит и останатите вработени кои треба да добијат зголемување на платата. Според него, големата база на знаење за вештачката интелигенција, во комбинација со нејзината способност за расудување, значи дека оваа технологија може да носи одлуки за таа компанија.
Извршниот директор на Кларна викендов напиша подолг статус на социјалната мрежа Х за вештачката интелигенција и нејзината закана за работните места и конкретно нагласи дека неговата е меѓу загрозените работни места.
Тоа го објасни на интересен начин. Затоа што нашата работа е едноставно размислување во комбинација со знаење/искуство. А најважниот чекор, размислувањето, е веќе зад нас. Она што сè уште не е решено е како овие блокови на размислување и знаење може да се комбинираат за да се изврши работата што ја работат денес луѓето, но Сиематковски нагласува дека сите можеме да се согласиме дека не зборуваме за период од стотици години.
Значи, вештачката интелигенција, покрај тоа што може да замени здодевни и повторувачки задачи, веќе е доволно интелигентна и разумна за да преземе други, многу посложени задачи, вклучувајќи ги и оние на извршните директори. Тој призна дека не бил воодушевен од таквата ситуација и фактот дека еден ден би можел да биде заменет со алгоритам.
Објасни дека работата му е исклучително важна и е клучен дел од тоа што е, а чувството дека еден ден може да стане неважен во работата го опиша како - мрачно. Но, тој исто така верува дека треба да бидеме искрени за тоа што мислиме дека ќе се случи. „И повеќе би сакал да учам и да истражувам отколку да се преправам дека не постои“, го опиша својот став кон влијанието на вештачката интелигенција во иднина, што, очигледно, значително ќе го промени пазарот на трудот.