Македонија

СДСМ утре на онлајн Конгрес избира нови партиски органи

СДСМ утре бира заменик претседател на партијата, членови на Централниот и Надзорниот одбор, а после тоа следуваат состаноците на кои ќе се бираат потпретседателите на партијата..

Социјалдемократите утре на дигитален конгрес ќе бираат нови органи. Делегатите треба да изберат 120 нови членови на Централниот одбор и девет членови на Надзорниот одбор, со мандат од 4 години. Премиерот и лидер на СДСМ Зоран Заев денеска не ги откри своите адути за новото раководство. Кажа дека предлозите ќе бидат познати во текот на утрешниот ден.

На конгресот треба да се избере и нов заменик-претседател на партијата, функција на која до сега и припаѓаше на министерката за одбрана Радмила Шекеринска, а која денеска уште еднаш повтори дека не размислува да биде дел од раководната структура на СДСМ во следниот период.

Дали би ја прифатил потпретседателската функција ако му биде понудена на местото на Шекеринска не откри ни министерот Филипче. Вели дека до сега не разговарал на таа тема со Заев, но изрази уверување дека како што кажа, тој повторно ќе го направи најдобриот тим.

Според партиските процедури, по Конгресот лидерот на партијата Заев треба да го избере новиот состав на Извршниот одбор, новите потпретседатели и секретари на партијата, а потоа според најавите ќе бидеотворена и постапката за избор на кандидати заградоначалници.

Според неофицијалните информации кои кружат во јавноста директорката на Управата за јавни приходи, Сања Лукаревска, ќе ја замени Шекеринска како заменик на Заев во новото раководство на партијата. Неизвесно е и какви промени ќе има за потпретседателските места. Како најсигурен избор за потпретседатели, според неофицијалните информации, се споменуваат министерот за внатрешни работи Оливер Спасовски, кој и сега ја извршува оваа функција, но и министерот за здравство Венко Филипче и вицепремиерот Фатмир Битиќи. Дел од медиумите пишуваат дека потпретседателска функција веќе нема да има Мухамед Зекири, актуелниот генерален секретар на Владата, а не е сигурен изборот за оваа позиција ниту на актуелната партиска потпретседателка и министерка за образование Мила Царовска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион падна на автопат во Тексас- луѓе кршат прозорци за да ги спасат патниците (ВИДЕО)

Приватен млазен авион се урна на автопат во Тексас, при што загина едно лице, а петмина патници се спасени.

Околу десетина минувачи и служби за итни интервенции им помогнаа на патниците заробени во приватниот авион што се урна на автопат во Тексас.

Пријавени технички проблеми пред несреќата

Авионот летал од мексиканскиот град Лос Кабос до Остин, Тексас. Директорот на аеродромот во Ларедо, Гилберто Санчез, изјави за „Њујорк тајмс“ дека авионот пријавил сериозни механички проблеми.

Авионот удрил во возило на автопатот за време на несреќата, потврди истражителот на полицијата во Ларедо, Хозе Баез, истакнувајќи дека не е јасно кој дел од авионот го удрил возилото.

A NetJets Cessna 680 Citation Latitude crashes on a highway while making an emergency landing to Laredo International Airport, Texas.

The crash was reported around 10 p.m. It was not immediately clear how many people were on board or their condition. Nobody on the highway was… pic.twitter.com/xNfM9b4iYO
— Breaking Aviation News & Videos (@aviationbrk) June 17, 2026

Една жртва, пет преживеани

Во авионот имало шест лица. Полицијата соопшти дека едно лице загинало, додека пет преживеани се однесени во болница и се во стабилна состојба.

Идентитетот на починатиот сè уште не е објавен.

Видеата објавени на социјалните медиуми покажаа густ чад и пламен што ги опфаќа остатоците.

Баеза рече дека неколку служби за итни интервенции, исто така, побарале помош за вдишување чад.

Несреќата се случила во близина на аеродромот во Ларедо, околу 150 милји југозападно од Сан Антонио.

Несреќата го затвори автопатот Луп 20, а властите соопштија дека веројатно ќе остане затворен и следниот ден.

ФБИ и Националниот одбор за безбедност во сообраќајот (NTSB) истражуваат.

Тагови: авион Тексас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Цезар салата

Во вторник (11.06.2026) во емисијата гостин ни бeше Тони Наумов.

Состојки за денешниот рецепт:

200 гр. пилешки стек

1 марула

200 гр. грчки јогурт

3 - 4 лажици сенф

2 парчиња леб

1 конзерва пченка

100 гр. кашкавал

100 гр. пармезан

1 лимон

маслиново масло

сол и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин го поздрави договорот меѓу САД и Иран

Рускиот претседател Владимир Путин го поздрави договорот меѓу Соединетите Американски Држави и Иран, кој беше постигнат претходните денови со посредство на Пакистан.

Москва го смета овој договор за важен чекор кон трајно завршување на конфликтот и може да послужи како модел за идните мировни договори, рече Путин.

Зборувајќи на самитот Русија-АСЕАН во Казан, рускиот претседател оцени дека стабилизацијата на условите на Блискиот Исток би била корисна за глобалните енергетски пазари и би придонела за поголема економска безбедност.

Изјавите на Путин следеа по најавите дека Вашингтон и Техеран постигнале рамковен договор со посредство на Пакистан, со цел да се стави крај на месеците тензии и да се врати стабилноста во регионот.

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.