СДСМ: „Твоја држава, твоја шанса“: Бесплатно образование, модерни вештини, повеќе шанси за младите - Канал 5

Македонија

СДСМ: „Твоја држава, твоја шанса“: Бесплатно образование, модерни вештини, повеќе шанси за младите

Oбразовниот систем денес е распарчен, бирократизиран и брутално партизиран.

СДСМ: „Твоја држава, твоја шанса“: Бесплатно образование, модерни вештини, повеќе шанси за младите

Лабораторија за политички експерименти на ВМРО, на штета на учениците и просветните работници.

Се носат закони со сериозни штети врз образовниот систем и квалитетот на oбразованието со кои уште повеќе ќе се зголеми одливот на млади кадри од државата.

Училиштето е сведено на фабрика за оценки, факултетот е често само чекална за Бирото за вработување или биро за иселување.

Вистина е дека средното и високото образование станаа класна бариера, каде успеваат само тие со длабок џеб, додека талентот на учениците и студентите се губи во застарените методи.

СДСМ во програмата „Твоја држава – твоја шанса" нуди конкретни решенија и нов пристап кон образованието.

Нашата визија е интелигентна Македонија, каде државата инвестира во мозокот на нацијата како во свој највреден капитал.

Праведно е да имаме задоволни наставници и професори, задоволни ученици и студенти.

Предвидуваме систем кој не ги тера учениците и студентите само да учат за тест, туку да учат за да се стекнат со знаење, да се адаптираат во општеството и кариерно да напредуваат во својата земја.

Ќе обезбедиме ваучер од 2.000 евра за секој матурант за обуки за програмирање, вештачка интелигенција и зелени технологии - за да имаат пристап без финансиски трошок до најдобро платените работни места.

Секој млад човек мора да има пристап до факултет, а тоа да не биде товар за семејниот буџет.

Затоа во нашата платформа предвидуваме целосно бесплатни студии на државните универзитети.

Во време на високо развиена технологија, секој ученик ќе има бесплатен персонален систем за учење, базиран на вештачка интелигенција.

Праведно е образованиот систем и стекнувањето знаење да е достапно во секој период од животот.

Во нашата платформа имаме концепт за трансформација на факултетите во хабови за доживотно учење.

Секој граѓанин без разлика на возраста, може да се врати на факултет за бесплатни „микро-квалификации“ прилагодени на потребите на новата економија.

Предвидуваме секој граѓанин да добие дигитален пасош на знаење -државата ќе депонира средства во форма на ваучери наменети исклучиво за доживотно учење и преквалификација во текот на целата кариера.

Платата на наставникот да стане највисока во јавниот сектор, со најмалку 25% повисока од просечната нето плата во државата.

Наставникот мора да стане најплатениот и најпочитуваниот професионалец, бидејќи тој е архитектот на нашиот заеднички успех.

Паметна држава значи моќен народ.

Знаењето нема веќе да биде привилегија, тоа е право.

Твоја држава, Твоја шанса!

Прес конференција на СДСМ, Јованче Манасков – Комисија за образование

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бочварски: Ребалансот е доказ за економската неспособност на власта и сиромаштијата во која живеат граѓаните

На седницата на Комисијата за финансирање и буџет, пратеникот од СДСМ Благој Бочварски, посочи дека ребалансот на Буџетот за 2026 година е уште една потврда за погрешните економски политики на Владата, кои резултираат со повисоки цени.

Бочварски: Ребалансот е доказ за економската неспособност на власта и сиромаштијата во која живеат граѓаните

На седницата на Комисијата за финансирање и буџет, пратеникот од СДСМ Благој Бочварски, посочи дека ребалансот на Буџетот за 2026 година е уште една потврда за погрешните економски политики на Владата, кои резултираат со повисоки цени, стагнација на платите, поголем дефицит и зголемен јавен долг. Бочварски посочи дека граѓаните секојдневно ја чувствуваат економската криза преку растот на цените и намалената куповна моќ.

„Не може да се даде преодна оценка за буџет на држава каде индустриското производство опаѓа, инфлацијата е речиси двојно поголема од европскиот просек, каде порастот на цените на храната е 8%, на овошјето над 16%, пијалаци над 10%“, рече Бочварски.

Тој посочи дека животот станува сè поскап, додека Владата не презема мерки за подобрување на животниот стандард на граѓаните.

„Потрошувачката кошничка расте од месец во месец и дојде веќе до 70.000 денари или три минимални плати, а од друга страна имаме минимална плата којашто за првпат после седум години стагнира“, рече Бочварски, додавајќи дека залудни се обидите на Владата на граѓаните да им презентира розева слика за реалната состојба во државата.

Пратеникот Бочварски, посочи дека економските показатели покажуваат дека Владата нема исполнето ниту едно од клучните економски ветувања, а тоа се потврдува и со предложениот ребаланс.

„Ветивте силен раст и развој - го нема. Ветивте повисоки плати - ги нема. Ветивте намален јавен долг - тој се зголеми за 2,5 милијарди евра. Ветивте дефицит под 3%, а денес имаме 4,1%. Ветивте високо ниво на странски инвестиции, а тие уште првата година паднаа за 60%. Ветивте зголемување на субвенциите за земјоделците, а во реалноста тие се намалија“, рече Бочварски.

Притоа, тој порача дека ребалансот е директна последица на нереалното планирање на буџетот и потфрлањето во наплатата на приходите.

„Буџетот не издржа ниту до средината на оваа година. Има потфрлање во приходите кои нема да можат да ја следат расходната страна од буџетот која пак хронично троши повеќе отколку што може да собере од нашата економија. Со овој ребаланс се потврдува дека буџетот не издржа ниту до средината на оваа година“, рече Бочварски.

Воедно, Бочварски додаде дека приходната страна на буџетот е нереално проектирана, со што власта повторно се обидува да направи економска манипулација.

„Проектирате зголемување на приходната страна за 4,6 милијарди денари, а имаме потфрлање на приходите од неверојатни 240 милиони евра. Од планираните 375 милијарди денари, на половина од годината се собрани околу 170 милијарди, додека за втората половина се очекуваат 210 милијарди денари. Ова е нова економска манипулација. Од погрешни претпоставки не можат да излезат точни резултати“, рече Бочварски.

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Бројот на загинати во земјотресите во Венецуела се искачи на 3.342

Бројот на загинати во двата земјотреси во Венецуела се искачи на 3.342, објави венецуелското министерство за информирање.

Бројот на загинати во земјотресите во Венецуела се искачи на 3.342

Бројот на повредени достигна 16.470, додека бројот на луѓе кои останаа без своите домови скокна на над 17.300.

Првиот земјотрес во Венецуела со магнитуда од 7,2 степени според Рихтеровата скала се случи на 24 јуни, на околу двесте километри западно од Каракас. По него следуваше втор земјотрес со магнитуда од 7,5 степени, на оддалеченост од 45 километри, а потоа и низа последователни потреси. Земјотресот со магнитуда од 7,5 степени беше најсилниот во последните повеќе од сто години, велат податоците на американскиот геолошки институт.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе на погребната поворка на ајатолахот Али Хамнеи во Техеран (ВИДЕО)

Милиони луѓе се придружија на погребната поворка во Техеран за да го испратат телото на починатиот врховен верски лидер, ајатолахот Али Хамнеи на пат кон светиот град Ком.

Милиони луѓе на погребната поворка на ајатолахот Али Хамнеи во Техеран (ВИДЕО)

Според иранските медиуми, денешниот настан е најголемиот јавен собир во модерната историја на земјата. Поворката почна утрината од верскиот комплекс „Голема мосала“ во Техеран, каде што што изминатите два дена беше изложено телото на Хамнеи.

Организаторите очекуваат поворката, која се движи по траса долга околу 10 километри, да трае помеѓу 10 и 12 часа. Хамнеи кој беше убиен на 28-ми февруари од американските сили, ќе биде погребан во четврток. По атентатот, за негов наследник беше назначен неговиот син Моџтаба Хамнеи.

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер