Градоначалникот Митко Јанчев заедно со претседателот на Совет на Општина Кавадарци д-р Стојанчо Рамов и служби од Локалната самоуправа, беа на увид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вечерва и утре вечер во 20:30 часот ќе се изведе претставата „Животот на провинциските плејбоји по Втората светска војна или Туѓото го сакаме – своето не го даваме“ во режија на Иван Пеновиќ, по текст на Душан Јовановиќ. Претставата е четирипартитна копродукција на НУ Драмски театар Скопје, Белградското драмско позориште, Местното гледалишче Љубљана и продукцијата на „Град театар“ Будва.

Во копродукциската претставата „Плејбои...“, играат актерите од четирите уметнички куќи од регионот: Лазар Христов, Јулита Кропец, Марко Гверо, Соња Стамболџиоска, Лазар Николиќ, Вукашин Јовановиќ, Нејц Језерник, Марјан Наумов и Јована Спасиќ. Покрај Иван Пеновиќ, авторскиот тим го сочинуваат и Соња Должан (превод), Лазе Трипков (сценографија), Александар Ношпал (костимографија), Владимир Пејковиќ (композиција) и Дамир Клемениќ (сценско движење).

Од Драмски потсетуваат дека претставата „Животот на провинциските плејбоји по Втората светска војна или Туѓото го сакаме – своето не го даваме“ минатата година два месеца се подготвуваше на сцената на Драмски театар Скопје и освен актерите и уметниците од ансамблот на Драмски театар истовремено беше ангажирана и целата техничка екипа од одделите на светло и тон мајстори, гардероба, кројачница, столарска работилница, атеље за изработка на сценографија и скулптура, оделот за фризура и шминка и сите останати одели во Драмски.

Претставата е реализирана како проект произлезен од повеќегодишната заедничка соработка на театарските куќи членки на Регионалната унија на театри основана во 2019 година. Регионалната унија со веќе етаблираниот фестивал РУТА, преку своите шест изданија во текот на годината, освен што овозможува публиката во целиот регион во континуитет да ги следи најгледаните продукции во своите театарски центри, успешно се справи со предизвикот соработката да ја издигне на повисоко ниво и да создаде копродукциската претстава на четири уметнички куќи. Со претставата „Плејбои...“, минатата година е одбележана петтата годишнина од смртта на авторот Душан Јовановиќ, кој остави силен печат во театарскиот израз во регионот.

Во програмската белешка за претставата режисерот Иван Пеновиќ истакна дека: „Животот на провинциските плејбоји по Втората светска војна или Туѓото го сакаме – своето не го даваме“ е текст од раниот драмски опус на Душан Јовановиќ, напишан во формата на комедија дел арте. „Плејбоите...“ се напишани во 1972 година, а првпат се изведени во Местното гледалишче Љубљана една година подоцна. Напишани се во периодот на исклучително бурни меѓународни и регионални историски движења, во духот на „Сексуалната револуција“ и „Пролетта од 1968 година“, како и под влијание на околностите во тогашна Југославија на кои реагираа уметниците од најмладата генерација. Во нивните дела е присутен таканаречениот „лудизам“ – специфичен одговор на „тешките теми“ што ги отвори повоената генерација млади луѓе. Лудизмот се карактеризира со целосно отсуство на каква било потрага по смисла, одговори или решенија за егзистенцијалните тешкотии; тој повеќе ги прифаќа работите такви какви што се и, наместо да бара излез во дадените околности, дозволува настаните да се одвиваат низ „опуштена игра“. Сето ова важи и за „Плејбоите...“. Тоа е вителот на живата еротика, младост и незаузданата, вечно незаситна страст. Сепак, меѓу редови се насетува и една празнина, суета и егоизам на општеството што постојано трча по уживање. Денес, половина век по ‘68, суетата и бесцелноста остануваат актуелни, а им се придружуваат и трката по материјалниот статус, но и егзистенцијалниот страв.“

По премиерата во август минатата година во Будва на фестивалот „Град театар“, претставата гостуваше на летните сцени на Охридско лето и на Бриони, а потоа се играше на фестивалите РУТА во Скопје, Белград, Љубљана, Тиват. Со гостувањето во Белградскиот драмски театар претставата „Плејбои...“, ќе забележи вкупно шеснаесет изведби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пред натпреварот од осминафиналето против Јапонија, ѕвездата на Реал Мадрид гостуваше во бразилската телевизиска емисија „Domingão com Huck“, каде што, покрај за фудбалот, отворено зборуваше и за својот приватен живот.

За време на емисијата, Винисиус не можеше да ги задржи солзите откако му беше прикажана трогателна видеопорака од неговата баба, Дона Нилза.

„Тој беше срамежливо момче. Фудбалот беше сè во неговиот живот. Спиеше покрај мене сè додека не наполни 16 години... Вини, нека те чува секогаш Богородица од Апаресида. Баба ти многу, многу, многу те сака“, му порача таа, што длабоко го трогна фудбалерот.

„Мојата баба е многу важна личност во мојот живот. Таа секогаш правеше сè за мене. Нашата куќа беше многу мала, па морав да спијам со неа. Немам зборови да ја опишам, таа е некој што го обележа мојот живот“, одговори Винисиус.

🚨VEJA: Vini Jr. se emociona com recado de sua avó: "passei até os 16 anos morando com ela". #Domingão pic.twitter.com/R1OJuIqGHY

— CHOQUEI (@choquei) June 28, 2026

Благодарност до семејството Бразилскиот напаѓач откри и дека пораснал со својата мајка, браќа, сестри и баба, нагласувајќи колку ја цени поддршката на своето семејство.

„Секогаш кога можам, поминувам време со неа за да уживам во секој момент, бидејќи знам дека луѓето си заминуваат во одреден момент. Затоа го ценам времето поминато со моето семејство. Сите тие направија сè за да можам да го живеам својот сон“, рече тој.

Инаку, Бразил, во првата елиминациска рунда игра против Јапонија денес во 19 часот по средноевропско време.

Победникот од тој натпревар во осминафиналето ќе игра против подобриот тим од натпреварот Брегот на Слоновата Коска - Норвешка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.