СДСМ: Мицкоски во паника - истрагата во Унгарија ја отвора Пандорината кутија

Истрагата што новиот унгарски премиер Петер Маѓар ја отвори за кредитот од една милијарда евра што Орбановата влада му го одобри на Мицкоски, не е обична финансиска проверка.

Тоа е почеток на процес што директно води кон Мицкоски и неговата организирана криминална група.

Ова е истиот оној кредит кој Европа во своите извештаи го квалификуваше како "сомнителен заем од кинески пари".

Покрај кредитот, тука се и медиумите. Околу 40% од медиумскиот простор во Македонија е дел од Орбановата мрежа.

Само неколку дена по падот на Орбан, дел од сметките на таа мрежа во Македонија беа блокирани.

Финансирањето од Унгарија беше прекинато.

Мицкоски и Драган Павловиќ-Латас мораа итно да организираат ново финансирање.

Решението беше најдено преку Алта банка, која е во сопственост на браќата Вучиќ.

Парите одат преку маркетинг-агенции поврзани со ВМРО-ОКГ.

Алта банка веќе е под истрага поради сомнително потекло на средства.

Претходните истраги за перење пари од Словенија, поврзани токму со Орбановата медиумска мрежа, беа запрени од страна на Мицкоски и неговото контролирано обвинителство.

Сега Латас доби нова задача. Преку Ивона Талевска се подготвува Euronews Македонија.

Лиценцата е купена преку Вучиќ. Euronews Белград веќе работи, а интервјуто на Тимчо Муцунски во Брисел пред повеќе од месец дена беше организирано токму преку оваа врска.

Од Септември треба да почне со работа и скопската подружница. Веќе се ангажираат новинари од постојните телевизии.

Целта е јасна: целосен медиумски мрак и целосна контрола на информирањето на јавноста.

Во таква ситуација, скандалите како труењето на водата во четири града, прикривањето на анализите на водата и слични афери во иднина, едноставно нема да стигнат до јавноста.

Истрагите во Унгарија се само почеток. Кога ќе почнат меѓународните истраги за парите што завршија во Македонија, прашањето повеќе нема да биде политичко. Ќе биде кривично.

Мицкоски знае што го чека. Затоа и е во паника.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хуман гест на КК ТФТ - Скопје -Донирана хуманитарна помош за Гостивар

Македонскиот кошаркарски прволигаш ТФТ Скопје со голем хуман гест се вклучи во акција за помош на загрозените граѓани по прогласената епидемија во Гостивар.

Од ТФТ Скопје, преку својата новоформирана фондација, донираа вода за граѓаните на Гостивар како знак на поддршка и солидарност.

-Не секоја победа се освојува со кош. Некои победи се освојуваат со срце. [❤️] [💧]Во текот на вчерашниот ден, Кошаркарскиот клуб ТФТ Скопје, преку својата фондација TFT Cares, беше рамо до рамо со граѓаните на Гостивар и донираше вода како знак на поддршка и солидарност. Кога е најпотребно — стоиме заедно. Заедно за Гостивар. [🤝] Повеќе од кошарка. Повеќе од победа. [🏀] [❤️] #TFTCares #WeComeOne, истакнуваат од ТФТ -Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Гори француски туристички бисер, туристите бегаат во паника

Француските власти наредија евакуација на целиот полуостров Кап Фере (Леж-Кап-Фере) – едно од најпознатите крајбрежни одморалишта на југозападниот брег на Франција

Француските власти наредија евакуација на целиот полуостров Кап Фере (Леж-Кап-Фере) – едно од најпознатите крајбрежни одморалишта на југозападниот брег на Франција – додека стотици луѓе го напуштаат подрачјето со чамци поради пожар што се шири.

Станува збор за популарна туристичка дестинација. Софи Брокас, претставничката на француската влада за департманот Жиронд, рано утринава ја нареди финалната фаза од евакуацијата.

На жителите им било наложено да го напуштат подрачјето преку главниот пат кон Бордо, додека на другите им беа ставени на располагање чамци на четири пристаништа, во периодот од 07:00 до 10:00 часот по локално време.

По одлуката за евакуација на целиот полуостров – кој вообичаено е многу популарна туристичка дестинација – илјадници луѓе беа принудени да заминат.

Пожарот што избувна во вторникот во градот Саумос, во југозападна Франција, продолжи да се шири во текот на изминатите неколку дена, при што пламените јазици зафатија 8.700 хектари.

Двајца пожарникари загинаа во вторникот додека се бореа со огнената стихија во близина на аеродромот во Бордо, а надлежните утрово соопштија дека нема нови повредени.

More than 100 homes have been damaged by an out-of-control wildfire near Biscarrosse in southwestern France, officials said, as the blaze threatened additional residential areas and forced the evacuation of about 23,000 people. pic.twitter.com/i9DP7uG7JW
— Open Source Intel (@Osint613) July 24, 2026

Францускиот претседател Емануел Макрон синоќа изјави дека ситуацијата со шумските пожари во земјата е „многу напната“, при што посебно го спомена регионот Жиронд. Макрон наведе дека побарал помош од Европската унија, додавајќи дека наскоро ќе пристигнат авиони од Хрватска, Португалија, Чешка и Словачка за да ѝ помогнат на земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Тинејџер изел колбас и починал, мајката во шок: „Не знаев дека може да биде толку сериозно“

Животот на австралијката Мифанви Веб се променил засекогаш откако нејзиниот 15-годишен син Џереми починал поради ретка алергија на месо, предизвикана од каснување од крлеж.

Сè започнало по семејна прослава во ресторан, кога момчето добило проблеми со дишењето и почнало да повраќа. Лекарите се посомневале на алергија на месо, но случајот на крајот го поврзале со неговата астма и го пуштиле дома.

Повеќе од една година подоцна, во јуни 2022 година, Џереми починал откако на кампување со пријатели изел говедска колбасица. Првично, причината за смртта повторно била заведена како астма, но по дополнителна истрага било утврдено дека доживеал смртоносен анафилактички шок предизвикан од алфа-гал синдром – ретка алергија на месо од цицачи.

Ова е првиот познат смртен случај во светот поврзан со оваа алергија.

Според експертите, алфа-гал синдромот може да се појави по каснување од одредени видови крлежи. Кај заболените, организмот реагира на шеќерна молекула која се наоѓа во месото од цицачи, а симптомите можат да бидат различни – од осип и стомачни проблеми, па сè до опасен анафилактички шок.

Мајката на Џереми вели дека долго се сомневала дека нејзиниот син има проблем со месото, но семејството не знаело дека состојбата може да биде опасна по живот.

„Мислев дека станува збор само за нетолеранција на храна, не знаев дека може да биде толку сериозно“, изјавила таа.

Лекарите предупредуваат дека бројот на случаи со оваа алергија расте, а многу луѓе можеби имаат антитела без да знаат дека се изложени на ризик.

Извор: Новости

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.