Македонија

СДСМ: Мицкоски ги излажа граѓаните и за економијата – граѓаните живеат полошо

Граѓаните паметат како Христијан Мицкоски пред изборите клечеше и молеше за власт, ветувајќи враќање на името, укинување на Преспанскиот договор и промена на преговарачката рамка.

Ги излажа граѓаните.

Денес во ВМРО признаваат дека Преспанскиот договор го заштитил македонскиот идентитет, јазик и култура, дека членството во НАТО е одлична работа. Лажниот патриотизам на Мицкоски целосно пропадна. Половина Влада му е со бугарски пасоши. ВМРО стана промакедонска партија затоа што не може да биде „македонска“.

Но Мицкоски не ги излажа граѓаните само со лажниот патриотизм. Ги излажа и за економијата.

Ветуваше дека „ќе биде многу подобро“. Ветуваше „повисоки плати“. Ветуваше „подобар животен стандард„. Ветуваше „економија во фокусот“.

И ништо од тоа не исполни.

После две години власт на Мицкоски, граѓаните живеат полошо, едвај врзуваат крај со крај и секој ден водат борба за преживување од први до први со најниски плати во Европа.

Празните паричници и празните фрижидери се најголемиот доказ за лагите на Мицкоски.

Сиромаштијата достигна 21,9 проценти уште во првата година од неговото владеење.

Наместо економијата во „фокусот“ му се само криминални тендери и сомнителни зделки.

Ветуваше „нови странски инвестиции“ а странските инвестиции се намалени за 61 процент, односно за 729 милиони евра помалку во 2025 година.

Ветуваше и „нови работни места„ а бројот на вработени во индустријата е намален за 2,8 проценти само за една година.

Единственото нешто што Мицкоски не го вети а навистина го испорача е нов огромен долг на товар на народот.

За само две години ја задолжи државата за нови 2,5 милијарди евра, а јавниот долг достигна историски рекордни 11 милијарди евра.

Мицкоски ги излажа и ги изневери граѓаните.

Скопје, 26.05.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Најубавата италијанска водителка изгледа неверојатно, иако неодамна шсе породи

Една од најубавите телевизиски спортски водителки, „жешката“ Италијанка Дилета Леота повторно го привлече вниманието на своите фанови откако на социјалните мрежи сподели фотографија во костим за капење.

Водителката Дилета Леота, која неодамна се породи по вторпат, позираше за време на својот одмор во елегантно бикини што ја истакнуваше нејзината витка линија и исончан тен.

Многумина забележаа дека таа изгледа беспрекорно, а во коментарите пристигнуваа бројни комплименти за нејзиниот изглед.

Покрај тоа, водителката сподели и неколку семејни моменти со своите деца и со сопругот Лорис Кариус, а судејќи според нејзиниот профил на Инстаграм, уживањето нема крај.

„Преубава“, „Изгледаш неверојатно“, „Кој би рекол дека речиси се породи“, „Нестварна си“, „Ова изгледа како вештачка интелигенција“ – ова се само дел од реакциите на нејзините следбеници.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски воени бродови пристигнаа во Кина; Наскоро треба да започнат заеднички вежби

Кинеската и руската морнарица ќе одржат заеднички вежби следната недела во водите и воздушниот простор покрај кинескиот град Кингдао.

Веста беше објавена во недела од страна на кинеското Министерство за одбрана и руските државни медиуми, објави Ројтерс.

Во соопштението се наведува дека вежбите се одржуваат секоја година „со цел заедничко справување со безбедносните предизвици и одржување на регионалниот мир и стабилност“.

Руската државна новинска агенција РИА објави дека крстосувач, корвета, дизел-електрична подморница и брод за спасување од руската Тихоокеанска флота пристигнале во Кингдао за да учествуваат во вежби што ќе се одвиваат од 6 до 13 јули.

Следуваат заеднички патроли во Тихиот Океан .„По вежбите, дел од силите на двете страни ќе се упатат кон соодветни подрачја во Тихиот Океан за да спроведат заеднички поморски патроли“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Што се случува со Мики Рурк!?

Холивудскиот актер Мики Рурк е фотографиран во непрепознатливо издание/

Додека беше во прошетка со своето куче, Рурк е фотографиран во валкана сива дуксерица, избледени фармерки и очила за сонце, но најмногу внимание привлекоа неговите заби што недостасуваа, поради што беше речиси непрепознатлив.

Неговиот вака лош изглед укажува на тоа дека актерот минува низ тежок период, што се потврдува и со неодамнешното иселување од неговиот дом кон крајот на 2025 година поради долг од 60.000 долари.

Иако неговите претставници тврдеа дека тој престанал да плаќа кирија поради неподносливи услови за живот - а обожавателите собраа 100.000 долари помош преку кампањата GoFundMe - Рурк ги одбил парите, нарекувајќи ја целата иницијатива срамна.

Актерот објасни дека проблемите со глодарите, неисправниот водовод и бањата опстојувале со месеци, и покрај неговите постојани барања за поправки. „Прекинувањето на плаќањето кирија не беше лесна одлука, но не можев да платам за имот што беше во толку лоша состојба“, изјави Рурк.

Сепак, во март, судот во Лос Анџелес пресуди во корист на сопственикот Ерик Т. Голди, потврдувајќи долг од 59.100 долари. Судската одлука го раскина договорот за закуп, трајно забранувајќи му на Рурк пристап до имотот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.