СДСМ: Две години Влада на Мицкоски - две години бајки - Канал 5

Македонија

СДСМ: Две години Влада на Мицкоски - две години бајки

Навршуваат две години од владеењето на Христијан Мицкоски и Организираната криминална група ВМРО, составена од тендер коалиција и остатоци од распаднатото здружение ЗНАМ.

СДСМ: Две години Влада на Мицкоски - две години бајки

Две години во кои Македонија се движи наназад на секое поле.

Две години во кои наместо напредок и европска интеграција, добивме економски колапс, институционален распад и политичка изолација.

Економијата е во тешка криза. Буџетскиот дефицит е потрошен за шест месеци, јавниот долг е зголемен за над 2,5 милијарди евра, а инвестициите се намалени за 60%.

Граѓаните секојдневно ја чувствуваат реалноста - празни паричници и поскап живот.

Додека власта зборува за „трета економија во Европа“, реалноста е дека младите масовно ја напуштаат земјата, а премиерот веќе најавува увоз на работници од трети земји наместо да создаде услови за задржување на домашната работна сила.

Европскиот пат е целосно блокиран. Македонија е изолирана. Наместо да се приближуваме кон ЕУ, се отвораме кон авторитарни влијанија.

Европските извештаи јасно укажуваат на странско мешање од Србија, Русија и Кина. Владата промовира авторитарна пропаганда и учествува во мрежи спротивни на македонските национални и безбедносни интереси.

Со ваквите политики се загрозува кредибилитетот на Македонија во НАТО и целосно се блокира патот кон Европската Унија.

Дел од медиумите се под контрола на ВМРО преку мрежата на Виктор Орбан.

Институциите се целосно партизирани.

Министерството за внатрешни работи е ставено во функција на политичка контрола, а правосудството и обвинителството се под директна партиска контрола.

Реконструкцијата на Владата, која ја најави Мицкоски, е само продолжување на претставата - нема резултати, туку само нова шминка и нови криминални тендери.

По две години јасно е дека ВМРО нема ниту идеја, ниту план за развој на Македонија. Имаат само план за задолжување, трошење и одржување на власт по секоја цена. Со лаги дојдоа на власт, со лаги владеат.

Бајките за „горда Македонија“ завршија.

Реалноста е дека државата забрзано се движи кон економски и институционален колапс.

Македонија не смее да продолжи по овој пат. Курсот мора да се промени - враќање на европскиот пат, одговорна економска политика и враќање на институциите во служба на граѓаните, а не на партиските и криминални интереси.

Две години се доволни за да се види вистината.

Со Мицкоски, држава забрзува - во пропаст!

Македонија и нејзините граѓани заслужува подобро.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Валанчунас се врати во Европа

Литванската кошаркарска ѕвезда Јонас Валанчунас (34) ќе потпише двегодишен договор со Жалгирис.

Валанчунас се врати во Европа

Според локалните медиуми, едногодишната сага е завршена и Валанчунас се враќа во својата татковина.

Валанчунас се врати во Европа, по 14 години поминати „преку барата“. Изминатата сезона ја помина во Денвер, каде што пристигна откако неговиот трансфер во Панатинаикос не успеа.

Валанчунас ја започна својата кариера во Лиетвос Ритас, најголемиот ривал на Жалгирис. Во НБА, тој ги носеше дресовите на Торонто, Мемфис, Њу Орлеанс, Вашингтон, Сакраменто и Денвер.

Тагови: Евролигата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Америка употреби ново оружје против Иран! За првпат се употребени поморски дронови-камикази

Америка употреби ново оружје против Иран! Изведен е уште еден бран напади, а за првпат се употребени поморски дронови-камикази – како одговор на одмаздата на Револуционерната гарда.

Америка употреби ново оружје против Иран! За првпат се употребени поморски дронови-камикази

САД за првпат употребија поморски дронови-камикази против Иран во нов бран напади, на што Револуционерната гарда одговори со одмазднички акции.

Централната команда на американската војска (CENTCOM) соопшти дека го „завршила“ новиот бран офанзивни напади врз Иран, при што биле погодени десетици цели на повеќе локации.

„Скај њуз“ пренесува дека според CENTCOM, целта на нападот била да се намали способноста на Иран „да продолжи да го напаѓа меѓународниот поморски сообраќај низ Ормускиот Теснец“.

Британската телевизија известува дека САД за прв пат користеле камикази дронови за морнарички напад во најновиот бран напади врз Иран.

Морнарички дронови натоварени со експлозив се распоредени заедно со борбени авиони, бродови и камикази дронови за воздушен напад.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Осуден поранешен претседател на Јужна Кореја

Окружниот суд во Сеул денес го осуди поранешниот јужнокорејски претседател Јун Сук-јол на две години затвор откако го прогласи делумно за виновен за нелегално примање политички средства во форма на бесплатни анкети на јавното мислење.

Осуден поранешен претседател на Јужна Кореја

Централниот окружен суд во Сеул утврди дека Јун го прекршил Законот за политички фондови, што е различна пресуда од посебен судски случај во кој неговата сопруга, поранешната прва дама Ким Кион-хи, беше ослободена од обвинението врз истата основа, објави Јонхап.

Специјалниот обвинител претходно поднесе обвинение против Јун, обвинувајќи го него и неговата сопруга дека од април 2021 до март 2022 година добиле вкупно 58 анкети на јавното мислење бесплатно од Мјунг Тае Кјун, кој се претставувал како политички посредник, со проценета вредност од околу 270 милиони вони, што одговара на околу 158.000 евра.

Судот утврди дека во тој период Јун бесплатно добил 14 анкети за јавното мислење и, покрај затворската казна, нареди конфискација на имотна корист во износ од 13,9 милиони вони, односно околу осум илјади евра.

Според пресудата, прифатено е тврдењето на специјалното обвинителство дека Џун ветил дека ќе ја поддржи кандидатурата на поранешниот пратеник Ким Џонг Сун како кандидат на конзервативната Партија на народната моќ на дополнителните избори во јуни 2022 година во замена за анкети на јавното мислење. Со истата пресуда, Мјунг Тае Кјун е осуден на 18 месеци затвор. Специјалното обвинителство побара казна од четири години затвор за Јун и три години затвор за Мјунг. Бранителите на поранешниот претседател најавија жалба против денешната пресуда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер