СДСМ: Благодариме, ние и граѓаните уживавме во современата кампања "Можеме" - во молкот да ги одбиеме лажните вести од подземните центри на ВМРО-ДПМНЕ

Во име на Коалицијата „Можеме" им се заблагодаруваме на граѓаните за учеството во кампањата, за почитувањето на мерките при теренските активности и за сите комуникации остварени преку дигиталните платформи. 

СДСМ водеше интензивна, современа, позитивна и достоинствена кампања, фокусирана на понудата, на интересите на граѓаните и на иднината на државата. Ги презентиравме нашите конкретни решенија и нашата јасна визија за развојот на земјата до 2024 година - ја проектиравме Северна Македонија како економски силна и праведна држава која се грижи за здравјето на сите, држава со чиста животна средина, држава членка на НАТО и преговарач со ЕУ каде владеат ред, правда и дисциплина.

Согласно законите, СДСМ вечерва на полноќ ги запира сите теренски и медиумски комуникации, како и сите објави на социјалните мрежи, се додека не заврши изборниот молк, до среда во 21.00 часот. На медиумите им благодариме што со своето информирање и простор за учество на кандидати и претставници од СДСМ и Коалицијата придонесоа нашата понуда од програмата да стигне до што повеќе граѓани.

Од другата страна сведочевме мрачна, срамна, недостојна и манипулативна кампања водена од ВМРО-ДПМНЕ, кампања која го оживеа режимот во очите на граѓаните, која во целост потсетува на времето кое е зад нас, односно кампања која уште еднаш потврдува дека опцијата предводена од Мицкоски и ВМРО-ДПМНЕ е опција која ја носи земјата во опасност.

Имајќи предвид дека ВМРО-ДПМНЕ е партија која поседува подземни центри за лажни вести, апелираме до граѓаните за време на молкот да биде максимално внимателни, сите вести кои доаѓаат од некредибилни извори да ги примаат со сериозна доза на критика и сомнеж, да ги одбијат манипулациите и на таков начин, да се спротистават на режимот.

Ги повикуваме граѓаните на 15 јули да ги поразат лажните вести, конфликтите, опасноста и срамниот однос на ВМРО-ДПМНЕ кон јавноста. На 15 јули секој граѓанин со гласање за СДСМ и бројот 3 носи да донесе да продолжиме по сигурниот пат. Заедно со граѓаните можеме уште уште повеќе и уште подобро

Скопје, 12 јули 2020

СДСМ

Центар за комуникации со јавноста

Антониот Бандерас има коронавирус: Го славам роденденот во карантин

Шпанскиот актер Антонио Бандерас откри дека добил позитивен тест на коронавирус за неговиот 60-ти роденден.

"Сакам да објавам. Принуден сум да го прославам 60-тиот роденден во карантин, бидејќи сум позитивен за ковид-19, што го предизвикува коронавирусот", напиша тој на Твитер.

„Би додал дека се чувствувам релативно добро, малку поуморен од вообичаеното и сигурен сум дека ќе се опоравам што е можно поскоро“, додаде тој.

„Се надевам дека препораките на лекарот ќе ми помогнат да ја надминам оваа болест која влијаеше врз мене, но и на толку многу луѓе во светот“, напиша тој.

Тој додаде дека во изолација планира да чита, да пишува, да се одмори и да прави планови и дека го слави својот 60-ти роденден полн со желба и ентузијазам.

„Голема прегратка за сите“, напиша актерот, кој моментно е во неговиот дом во Кобам, Сари, Велика Британија.

Во својата кариера, Бандерас глумеше во повеќе од 100 филмови. По повод 92-тата награда на Американската филмска академија, тој беше номиниран за Најдобар актер за неговата главна улога во филмот „Тага и слава“ во режија на Педро Алмодовар.

Јапонски танкер испуштил илјада тони нафта во океанот, може да се распадне

Од насуканиот танкер на 25 јули се појавиле пукнатини додека се движел околу коралниот гребен во Индискиот океан во близина на Маурициус и се чини дека ќе биде преполовен.

Дека танкерот ќе се преполови и дека на него се појавиле големи пукнатини, објави премиерот на Маурициус, Кумар Југнаут.

Инаку , јапонскиот танкер Вакашио кој се движел преку коралниот гребен е долг 299,5 метри и широк 50 метри и имал 20 члена на екипажот.

Плови под знамето на Панама и е во сопственост на Окијо Марин. За бродот се верува дека носел околу 4.000 тони нафта. Се стравува дека досега истекле најмалку 1.000 тони нафта во водите околу Маурициус.

Истурената нафта, предизвикала еколошка катастрофа бидејќи се заканува на коралите, рибите и другите морски животи во Индискиот океан, а активистите на Гринпис велат дека тоа најверојатно ќе биде најлошата еколошка криза во историјата на Маурициус.

Поради силниот ветер кој започна да дува во областа, операцијата за прочистување на нафтата е стопирана.

Високите бранови до пет метри, се очекуваат во наредните часови, што дополнително ќе го комплицира отстранувањето на нафтата, но ќе ја загрози и цврстината на карпата , на која е насукан танкерот.

Компанијата за испорака „Нагашики“, која е сопственик на товарниот брод Вакашио, рече дека тие исто така се обиделе да постават заштита околу бродот за да спречат протекување на нафтата, но дека не успеале поради лошите временски услови. Во исто време, дел од горивото се пренесува со хеликоптери на друга локација.

„Ние правиме се што е можно во соработка со властите на Маурициус и соодветните јапонски организации да се испумпува нафтата од бродот, да се исчистат маслото од нафтата и безбедно да се премести бродот“, велат од компанијата.

Во Бејрут загинале 220 луѓе, тројца министри поднесоа оставки

Во експлозијата што ја потресе либанската престолнина Бејрут во вторникот, загинале повеќе од 200 луѓе, изјави градскиот гувернер Марван Абуд.

Тој додаде дека десетици луѓе сè уште се водат како исчезнати, од кои многумина се странски работници, пишува Би-Би-Си.

Немирите веќе два дена беснеат во градот, а полицијата се судри со демонстрантите кои се незадоволни од одговорот на владата на катастрофата.

Оставките на тројца министри и неколку пратеници не го намалија гневот на граѓаните, а се тврди и дека министерот за финансии Гази Вејни ќе си даде оставка пред состанокот на владата, свикан од премиерот Хасан Диаб.

Диаб рече дека експлозијата се случила поради 2.750 тони амониум нитрат кои биле неправилно складирани во пристаништето во Бејрут веќе шест години. Одлуката за складирање на овој опасен материјал во пристаништето во близина на центарот на градот, е исполнета со неверување од страна на повеќето Либанци. Патем, граѓаните на Либан биле долго незадоволни и ја обвинуваат владата за корупција, небрежност и лошо работење.

Порталот „Ал-Марсад Интернешнл“ пишува дека Абот изјавил дека бројот на загинатите се зголемил на 220, а 110 лица се сметаат за исчезнати. Тој за телевизијата „Ал Џајд“ изјави дека странски работници и возачи на камиони се меѓу исчезнатите, што ја отежнува нивната идентификација.

Во меѓувреме, либанската армија објави дека ја запрела операцијата за пребарување во пристаништето, бидејќи веруваат дека нема повеќе преживеани.

Во Бејрут стотици илјади луѓе живеат во тешко оштетените домови, а многумина во станови со скршени прозорци и врати.

Властите проценуваат дека експлозијата предизвикала штета од повеќе од 3 милијарди долари и загуба на економијата до 15 милијарди американски долари. Либан беше и пред тоа во сериозна економска криза, а голем дел од населението живееше во сиромаштија и глад. Агенциите на ООН претходно предупредуваа дека може да има хуманитарна криза доколку помошта во форма на лекови и храна не се испорача на Либан.

Вчера францускиот претседател одржа виртуелен самит на кој меѓународните донатори ветија 297 милиони американски долари помош за Либан. Поради загриженоста за корупција, беше договорено дека помошта треба да му се додели на либанскиот народ. Тие, исто така, истакнаа дека идната помош на Либан и нејзините власти треба да зависи од мерките и реформите што ги очекува либанскиот народ.

притисни ентер