Само три „Volkswagen“ модели ќе ја преживеат електрификацијата - Канал 5

Автомобилизам

Само три „Volkswagen“ модели ќе ја преживеат електрификацијата

Имињата како „Golf“, „Tiguan“ и „GTI“ се безбедни.

Само три „Volkswagen“ модели ќе ја преживеат електрификацијата

Шефот на марката „Volkswagen“, Томас Шефер, изјави дека освежениот „Golf“ ќе се појави во 2024 година и дека компанијата планира да претстави електричен „Golf“ по 2028 година. Покрај „Golf“, безбедни се и „Tiguan“ и „GTI“ (претходната ознака за спортските верзии ќе прерасне во посебен модел), додека за другите модели ќе се дискутира од случај до случај.

За „Tiguan“, ова не е изненадување со оглед на тоа што е најпродаваниот автомобил на „Volkswagen“ во светот. Шефер ова го најави на саемот за автомобили во Минхен, каде концептот „ID.GTI“ на компанијата беше претставен како навестување за тоа како ќе изгледа електричниот модел „GTI“ во иднина, пренесува „Top Gear“.

Тој истакна дека освежениот „Golf“ ќе се појави во 2024 година и дека компанијата планира да претстави електричен „Golf“ по 2028 година.

„Тоа ќе биде вистински „Golf“, без компромиси“, додаде Шефер.

Од друга страна, постои можност целосно да се укине ознаката „ID“, која ги означувала електричните модели на марката.

"Тоа беше неопходно во тоа време, но веројатно нема да ни треба во иднина. Не сме сигурни дали целосно ќе го отфрлиме или ќе го задржиме за некои модели", рече тој.

Тој исто така рече дека компанијата се уште не одлучила дали моделите „Golf“ и „ID.3“ ќе се спојат во еден модел во иднина или не.

Да потсетиме, „Volkswagen“ на саемот во Минхен откри дека има намера да претстави 11 нови електрични автомобили до 2027 година, еден повеќе од првично планираното.

Ова не е изненадувачки кога се знае дека „VW“ инвестираше многу во новата „SSP“ механичка платформа за електрични автомобили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и Клековски ја отруја и болницата во Гостивар

Кризата со водата во Гостивар премина во здравствена катастрофа.

СДСМ: Мицкоски и Клековски ја отруја и болницата во Гостивар

Пациентите од Гостивар се пренесуваат во Тетово за операции и породување.

Стерилизаторите не работат поради загадената вода.

Операции, ортопедија, гинекологија, урологија - сѐ е блокирано.

Здравјето и животите на граѓаните се директно загрозени.

Мицкоски и Клековски сѐ уште одбиваат да ја кажат вистина.

Нема официјален документ со кој се потврдува дека водата е чиста - затоа што никој не сака да потпише и да преземе кривична одговорност.

Водата беше прогласена за „технички исправна“ само затоа што Мицкоски тоа го рече.

Сакаше да изгледа како спасител.

Резултатот: граѓаните се капеа и ги миеја садовите со вода во која има опасна бактерија.

Три цистерни вода за град од 50.000 жители.

Тоа е сѐ што понудија.

Сега ја отруја и болницата.

Го загрозија целото население.

Одговорноста е јасна: Христијан Мицкоски и министерот Клековски.

Обвинителството мора веднаш да реагира.

Ова повеќе не е само неспособност.

Ова е загрозување на здравјето и животите на илјадници граѓани.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Албански „Топ ченел“: Двајца државјани на Македонија прогласени за „персона нон грата“ во Албанија

Министерството за внатрешни работи на Албанија прогласи за „персона нон грата“ двајца Албанци од Македонија, поради сомневања дека вршеле активности спротивни на интересите на албанската држава.

Албански „Топ ченел“: Двајца државјани на Македонија прогласени за „персона нон грата“ во Албанија

Станува збор за имамот Бекир Халими и Ваљон Белја. Според информациите објавени од албански Топ ченел, одлуката за нивното прогласување за „нон грата“ следувала по информации на антитерористичките служби дека тие претставуваат закана за безбедноста на земјата и граѓаните на албанија. Наредбата на министерот за внатрешни работи, Бесфорт Ламалари, била испратена до државната полиција и граничните структури за спроведување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Нов случај на Западнонилска треска, тројца пациенти се во критична состојба

Нов сомнителен случај на западно-нилска треска е пријавен на Клиниката за инфективни болести во Скопје. 

Нов случај на Западнонилска треска, тројца пациенти се во критична состојба

Во моментов на инфективна се хоспитализирани десет пациенти кај кои е потврдено присуство на вирусот западен нил, и уште седум пациенти кои се водат како клинички суспектни иако резултатите од ПСР тестовите се негативни, информира директорот на Инфективна, Фадил Цана.

Инкубацијата на болеста, како што информира инфектологот Цана трае до 14 дена, и тешко е да се предвиди како ќе се одвива болеста. Но според досегашното искуство помладите и здрави луѓе каснувањето од комарецот го поминуваат без никакви симптоми.

Тројцата пациенти се уште се во критична состојба, со воспаление на мозокот и се приклучени на машина за механичка вентилација. Најголем дел од нив се на возраст околу 60 години и не патувале надвор од државата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер