Само поради една клаузула од договорот, Том Хенкс заработил 40 милиони долари од „Форест Гамп“ - Канал 5

Шоу биз

Само поради една клаузула од договорот, Том Хенкс заработил 40 милиони долари од „Форест Гамп“

Холивудскиот актер Том Хенкс наводно заработил 40 милиони долари за улогата во оскаровецот Форест Гамп.

Само поради една клаузула од договорот, Том Хенкс заработил 40 милиони долари од „Форест Гамп“

Хенкс своето богатство го заработил благодарение на конкретна клаузула во неговиот договор, според која тој добил дел од приходите од благајните. Како резултат на тоа, Хенкс заработил 40 милиони долари од хит-филмот, со дополнителна заработка што тој и режисерот на Форест Гамп, Роберт Земекис ги направиле со вложување свои пари за да ги задржат сцените во филмот кои Paramount Pictures не сакале да ги финансираат.

По својата премиера во јули 1994 година, Форест Гамп стана огромен хит. Холивудскиот блокбастер освои шест Оскари, меѓу кои за најдобар филм, најдобар режисер и најдобар актер. Стана филм со најголема заработка на Парамаунт, надминувајќи ја границата од 200 милиони долари.

Официјални бројки за заработката на Хенкс никогаш не се објавени, но се верува дека актерот можел да заработи вкупно до 60 милиони долари за неговата улога во филмот. Според Business Insider, улогата на Форест го става Хенкс на деветтото место на 20-те најплатени филмски улоги на сите времиња.

Хенкс неодамна откри дека мисли дека има само четири филма во неговата кариера кои ги смета за „прилично добри“.

„Никој не знае како се прави филм, иако сите мислат дека прават. Снимив еден куп филмови, а четири од нив се прилично добри, барем така мислам. Сè уште сум изненаден како доаѓаат филмовите. Од идејата до треперењето на сликата на екранот, целиот процес е чудо“, изјави Хенкс за People и додаде дека „снимањето филм е многу тешка работа која бара долг временски период“. Сепак, тој не сакал да ги открие имињата на своите четири фаворити.

Она што го знаеме е дека тие четири филма не ги вклучуваат „Огнот на суетите“ од 1990-тите, базиран на романот на Том Волф. Зборувајќи за списанието „О, Опра“, тој рече дека тоа е најлошиот филм што некогаш го снимил, нарекувајќи го „најголемото сра*е“ што некогаш го снимил, како и „еден од најсрамните филмови некогаш снимени“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Полициските службеници изминатите два дена констатираа 1322 сообраќајни прекршоци

Лишени од слобода 32 лица за безобѕирно управување на возило.

Полициските службеници изминатите два дена констатираа 1322 сообраќајни прекршоци

Во текот на изминатите два дена (10/11.08.2026) како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ државата, од вкупно 1322 издадени платни налози, 400 прекршоци се однесуваат на возачи кои не ја почитувале пропишаната брзина на движење.

Лишени од слобода за безобѕирно управување на возило биле 32 лица, од кои три за возење под дејство на алкохол, 15 за возење без возачка дозвола, еден поради претходно изречена забрана за управување со возило.

Во истиот период одземени се 13 возила по член 300-б од Кривичниот законик.

Понатаму, според статистичкиот преглед од полициските активности, во текот на изминатите два дена евидентирани се 302 прекршоци за неправилно паркирање, како и 16 санкции за возење под дејство на алкохол.

Од друга страна пак, согласно одредбите од Законот за безбедност на сообраќајот на патиштата санкционирани биле 106 возачи на мотоцикли за неносење заштитен шлем. Исто така санкционирани се 67 учесници во сообраќајот кои што не користеле сигурносен појас. Согласно Законот за возила, осум возила биле отстранети од сообраќај заради тоа што биле нерегистрирани, а две заради техничка неисправност. Санкционирани се и пет возачи поради неисполнување на пропишаните услови во однос на затемнувањето на стаклата на возилата (фолии).

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

6 нови возила за Јавното претпријатие за стопанисување со државните пасишта

Јавното претпријатие за стопанисување со државните пасишта обезбеди 6 нови возила, како дел од инвестициите за зголемување на ефикасноста и подобрување на работните капацитети на терен.

6 нови возила за Јавното претпријатие за стопанисување со државните пасишта

Оваа инвестиција ќе овозможи подобри услови за работа на вработените и поефикасно извршување на работните задачи на терен, имајќи ја предвид територијалната распространетост и потребите на претпријатието.

Набавката на новите возила е дел од заложбите за модернизирање на опремата и средствата за работа, како и за создавање подобри услови за вработените кои секојдневно ги извршуваат своите работни задачи на терен.

Денес не слушаме само оправдувања, туку покажуваме резултати. Оваа инвестиција е конкретен доказ дека со планирање, одговорност, конкретна работа и колективен ангажман можат да се реализираат проекти кои директно придонесуваат за подобрување на работата на институцијата.

Претпријатието и во наредниот период ќе продолжи со инвестиции и активности насочени кон зголемување на ефикасноста, подобрување на условите за работа и унапредување на услугите на терен.

Конкретна работа. Конкретни резултати.

Јавно претпријатие за стопанисување со државните пасишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центар за управување со кризи: Информација за пожари на отворен простор до 13:00 часот

На ден 12.08.2026 година, до 13:00 часот, регистрирани се вкупно 9 пожари на отворен простор, од кои активни се 5 пожари, под контрола се 3 пожари, а 1 пожар е изгаснат.

Центар за управување со кризи: Информација за пожари на отворен простор до 13:00 часот

Активни пожари:

Општина Македонски Брод – м.в. Видуш, во близина на с. Драгов Дол (ниска вегетација, нискостеблеста шума и грмушки);

Општина Студеничани – над с. Моране, Вртекица и Рамни Габер (мешана шума);

Општина Илинден – населба Илинден (ниска вегетација);

Општина Желино – с. Чифлик (ниска вегетација и мешана шума);

Општина Битола – с. Букри (ниска вегетација).

Пожари под контрола:

Општина Делчево – градска депонија (депонија);

Општина Ново Село – кај Ново Село, планината Огражден (депонија, мешана деградирана шума и ниска вегетација);

Општина Кичево – с. Зајас (стрниште, борова шума и гуми).

Изгаснат пожар:

Општина Врапчиште – с. Врањовце (ниска вегетација).

Тагови: ЦУК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер