Македонија

Сали на работна средба со Управниот одбор на Стопанската комора

Првиот заменик на претседателот на Владата и министер за европски прашања, Беким Сали, на работна средба со Управниот одбор на Стопанската комора.

Европската интеграција не е само политички процес, туку конкретна економска трансформација што се мери преку инвестиции и реални резултати, беше истакнато на денешниот настан со претставници на бизнис-заедницата.

Во овој момент, Северна Македонија располага со над 1,3 милијарди евра европска поддршка, од кои над 600 милиони евра преку ИПА III и околу 750 милиони евра преку Планот за раст и Реформската агенда 2024–2027. Само преку ИПА инструментот, за периодот 2021–2024 се мобилизирани над 460 милиони евра, со вкупна поддршка што надминува 625 милиони евра.

Овие средства веќе даваат конкретни резултати, со инвестиции од 93 милиони евра во транспортна инфраструктура, 89 милиони евра во животната средина и 49 милиони евра во вработување и социјални политики. Дополнително, обезбедени се над 100 милиони евра за земјоделство преку ИПАРД, 25 милиони евра за зелени инвестиции и над 9 милиони евра поддршка за мали и средни претпријатија.

Сепак, средствата се директно поврзани со реализацијата на реформите. Од вкупно 44 реформски чекори, 21 се веќе поврзани со исплата од над 92 милиони евра, додека дел од нив се наоѓаат во грејс период, што укажува на реален ризик од доцнење.

Во регионален контекст, конкуренцијата е силна, со значително повисоки инвестиции во земјите од регионот, додека економијата на Северна Македонија останува на околу 40% од просекот на Европската Унија.

Реформската агенда е насочена кон подобрување на деловната клима, намалување на административните процедури, сузбивање на неформалната економија, подобрување на пристапот до финансии и зајакнување на конкурентноста.

Пораката е јасна: државите што побрзо испорачуваат реформи обезбедуваат повеќе средства и подобра позиција во процесот на интеграција.

Во овој процес, приватниот сектор има клучна улога, особено ако се има предвид дека над 75% од извозот е кон Европската Унија. Европските фондови претставуваат важна алатка за инвестиции, технолошки развој и интеграција во европските синџири на вредност.

Крајната цел не е само членство во Европската Унија, туку изградба на конкурентна економија која ќе достигне европски стандарди во продуктивност и инвестиции.

Кабинет на министерот за европски прашања

Тагови: Беким Сали

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Недозволиво да се распродава државното земјишете за туѓи интереси

Во југоисточниот плански регион се планираат два нови рудника регираше претседателот на СДСМ Венко Филипче тој побара да се повлече просторниот план во кој е предвидено до 2040 да се отворат рудници на метали.

Тој рече дека рудниците ќе ја загрозат животната средина, и вели дека е недозволиво да се распродава државното земјишете за туѓи интереси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ја погоди Турција, луѓето во паника,истрчаа на улиците

Земјотрес со јачина од 5,4 степени е регистриран во југоисточниот дел на Турција, во област што беше погодена од разорен земјотрес со јачина од 7,8 степени според Рихтеровата скала во 2023 година.

Турската Управа за управување со катастрофи и вонредни состојби (АФАД) соопшти дека земјотресот, со епицентар во областа Каракопру во регионот Шанлиурфа, имал магнитуда од 5,4 и бил регистриран во 10:40 часот по локално време.

Земјотресот бил почувствуван во Шанлиурфа, како и во Адијаман, Газиантеп, Дијарбакир, Елазиг и многу околни провинции, објави „Ен Сон Хабер“ (En Son Haber).

Земјотресот предизвика краткотрајна паника во Шанлиурфа, а како што пренесе gazeteipekyol.com, по потресот, некои граѓани ги напуштија своите домови и работни места и излегоа на улиците од претпазливост.

На 6 февруари 2023 година, разорен земјотрес со јачина од 7,8 степени според Рихтеровата скала ги погоди југоисточна Турција и северна Сирија, предизвикувајќи катастрофални штети и загуба на повеќе од 53.000 човечки животи.

Главниот земјотрес имаше магнитуда од 7,8, а беше проследен со серија разорни последователни потреси, вклучително и нов силен земјотрес со магнитуда од 7,5 истиот ден.

Милиони луѓе во Кахраманмараш, Шанлиурфа, Хатај и Газиантеп останаа без дом во една од најголемите природни катастрофи во модерната историја на овој регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мега скандал: Приватна фирма плаќа лобисти во САД за Мицкоски!

Во Америка има закон. Ако некој однадвор плаќа лобист да работи кон американски функционери, тоа се пријавува. Се вика FARA.

Регистар бр. 6170.

Таму пишува: американската куќа Mercury Public Affairs ја плаќа фирма од Скопје - АТС Груп ДООЕЛ.

Приватна фирма.

Значи не ја плаќа Министерството за надворешни, владата.... Ја плаќа приватна компанија за муниција, шлемови, балистичка опрема.

Сопственик: е Шефшет Демировски.

Цена: 130.000 долари месечно. Квартално однапред 390.000. Годишно околу 1,56 милиони долари.

Договорот трае, низ 2026 и 2027 година.

На 2 април 2026 истата куќа, платена од АТС, предава материјал со наслов „Стратешко партнерство САД–Северна Македонија“.

Во текстот не стои „продајте ни куршуми“. Стои пакет влада со влада.

Име: Трамп и Мицкоски. Нула царини. Американски гас. Стотици милиони за американски ИТ.

Повластен пристап за американска одбрана.

Енергетски столб од ред 1,5 милијарди долари.

Превод за секој што не чита регистри: приватна фирма за оружје плаќа американски лоби да ги турка темите на Мицкоски како да се државни.

Ова е мега скандал.

Што бара таа фирма? Пазар за наоружување и опрема.

Што е антимон? Метал што влегува во воена индустрија - тврди легури, муниција, заштита.

Пет милиони долари грант за развој на антимон кај Крстов Дол, Луке, Крива Паланка, Мицкоски го продаде како успех од Америка.

За Гета фрлија 5,53 милиони евра народни. Земјата евтина. Концертот скап. Јаловината останува во почва и вода.

Затоа ова е многу едноставно. Кога немаш официјален термин, одиш каде што лобистот отвора врата: хотелски фоаје, ходник, 42 секунди, слика од страна.

Потоа дома тоа го викаш средба на ултра високо ниво.

Заштита на идентитетот. Стратешко партнерство.

Проверивме што може да се провери. На сајтовите на Белата куќа, Стејт департментот, агендите на секретарот Марко Рубио и на заменикот Кристофер Ландау, Пентагон, ДФЦ, Конгрес, FARA - за посетата од 15 до 22 септември 2026 нема официјална објава дека Мицкоски имал состанок со Рубио, со Ландау или со друг висок функционер на администрацијата.

Нема агенда. Нема заедничко соопштение. Нема потпис. Има Фејсбук.

Ако Вашингтон не го запишал, тоа не е државна средба туку неформален контакт.

Ако истиот човек дома го продава како самит, тоа е лага.

Ако истиот месец приватна каса, приватна фирма плаќа лоби за неговата агенда, тоа не е

случајност. Тоа е метод.

Педесет души на народен грб. Приватна фирма плаќа врата.

Премиерот се слика на ходник. Антимонот влегува како „почеток“. Народот не се прашува.

Провизијата се знае кај него. Ризикот останува кај нас: вода, почва, сметка.

СДСМ е за сојуз со Америка ама вистински сојуз. Како што ние успеавме. И со САД да ги издигнеме односите на највисоко ниво и НАТО да го затворивме токму ние.

Но ние сме против тоа државата да се води од фоаје и од каса на производител на муниција.

Ова мириса на корупција и мора да се истражи!

Бараме јавно да биде објавена целата документација.

Цел извод FARA 6170, материјалот од 2 април, список кого Mercury го барал во име на АТС, кој ја платил делегацијата, и писмен одговор зошто антимон се води како државен интерес додека го лобира приватна воена фирма.

Ходникот не е кабинет. Лобито не е дипломатија.

Антимонот не е леб. Тоа е руда за оружје.

Кој го плаќа лобито, тој ја пишува агендата. Во овој случај не ја пишува народот.

Прес конференција на СДСМ, Богданка Кузеска, портпаролка и членка на Извршниот одбор

Скопје, 24.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.