Свет

САД: Во Русија им осум илјади севернокорејски војници

Соединетите Држави добија информација дека моментално има осум илјади севернокорејски војници во руската област Курск, изјави денеска на седницата на Советот за безбедност заменик американскиот амбасадор во ОН, Роберт Вуд.

Вуд го прашал рускиот колега дали Русија се уште верува дека на нејзина територија нема севернокорејски војници, а рускиот претставник во 15-членото тело не му одговорил.

Москва ниту го демантира, ниту директно го потврди присуството на севернокорејски војници. Пјонгјанг првично исто така ги негираше тврдењата, но подоцна ја бранеше идејата за испраќање своја војска, велејќи дека тоа е во согласност со меѓународното право.

Во август оваа година, украинските сили влегоа во руската погранична област во областа Курск, каде што сè уште ја држат територијата.

Советот за безбедност се состана денеска на барање на Русија во врска со испораката на оружје од Запад во Украина.

Украинскиот претседател Володимир Зеленски, од друга страна, го критикуваше недостатокот на одговор на Западот кон Русија, откако таа ги вклучи севернокорејските трупи во војната. Тој нагласи дека слабиот одговор на меѓународната заедница може да го охрабри рускиот претседател Владимир Путин да го зголеми тоа воено присуство.

Украинскиот лидер изјави за јужнокорејската телевизија КБС дека верува оти Москва се обидува да постигне договор со Пјонгјанг за испраќање воени инженери и „голем број цивили“ да работат во руските фабрики за оружје.

„Путин ја проверува реакцијата на Западот и верувам дека по сите овие реакции ќе одлучи да го зголеми контингентот. Реакцијата денеска е ништо, нула“, посочи Зеленски.

Тој почна да предупредува за присуството на севернокорејски војници во Русија на 13 октомври. Западните сојузници тоа го нарекоа голема ескалација, но не одговорија со мерки ниту најавија дека ќе го сторат тоа.

Здравје

Регистрирани првите случаи на вирусот Западен Нил во Грција за оваа сезона

Четирите случаи на инфекција биле дијагностицирани истовремено, а според ЕОДИ, станува збор за пациенти на возраст од над 65 години.

Во изминатите 48 часа во областа Атика, поширокиот регион на Атина биле регистрирани четири случаи на вирусот Западен Нил, што воедно се и првите во Грција за оваа година, соопштија од Националната организација за јавно здравје (ЕОДИ), јави дописничката на МИА од Атина.

Четирите случаи на инфекција биле дијагностицирани истовремено, а според ЕОДИ, станува збор за пациенти на возраст од над 65 години.

Вирусот Западен Нил, што го пренесуваат комарците, присутен е во Грција во летниот период од 2010 до 2014 година, како и од 2017 до денес.

Најголем број случаи на Западен Нил имало во 2018 година, вкупно 317, а истото лето, највисок бил и бројот на починати лица вкупно 51.

Лани, во Грција биле регистрирани 220 случаи, а од Западен Нил и починале 35 лица.

Тагови: грција Западен Нил

Македонија

Мицкоски: Ќе направиме сè што е во наша моќ оваа непогода да биде победена

Фејсбук обајва на премиерот Христијан Мицкоски по одржувањето на Кризниот штаб за состојбите со пожарите.

„Вечерва се одржа состанок на Кризниот штаб за состојбата со пожарите.

Упатуваме искрена благодарност до Армијата, Полицијата, припадниците и вработените во Дирекцијата за заштита и спасување и ЦУК, за нивната несебична ангажираност и надчовечки напори.

Сите тимови се целосно мобилизирани и посветени на справување со ситуацијата. Ќе направиме сè што е во наша моќ оваа непогода да биде победена.

Заедно и одлучно!“- напиша Мицкоски на Фејсбук.

Свет

ЕСЧП го одби барањето на Ле Пен за суспензија на извршувањето на нејзината казна

Европскиот суд за човекови права (ЕСЧП) денеска го одби барањето на лидерката на десничарската партија Национален собир, Марин Ле Пен, за привремена мерка која би значела суспензија на извршувањето на нејзината казна во Франција.

Судот процени дека не постои ризик од непоправливо кршење на нејзините права.

Ова е, како што пишува „Фигаро“, дополнителен удар за Националниот собир на правен план, откако во седиштето на партијата беше извршен претрес од страна на судски истражители на париското обвинителство во рамките на истрага за финансирањето на кампањата на последните избори.

Ле Пен, која и понатаму планира да се кандидира на претседателските избори во 2027 година, побара од судиите на ЕСЧП, како привремена мерка пред конечното одлучување за случајот, да го суспендираат извршувањето на нејзината казна забрана за кандидирање на избори. Оваа казна беше донесена со непосредно извршување и покрај жалбата до апелацискиот суд.

Европскиот суд за човекови права во соопштение наведе дека го одбил ова барање врз основа на член 39 од својот правилник, со кој им се овозможува на подносителите да бараат привремена суспензија на судска одлука, бидејќи „не постои непосредна опасност од непоправлива штета за право заштитено со Европската конвенција за човекови права“. Одлуката е донесена едногласно од сите седум судии кои го разгледуваа барањето.

Овој чекор, објаснува „Фигаро“, претставува прв неуспех за Марин Ле Пен во постапката пред ЕСЧП, но таа поднесе и второ барање кое ќе биде разгледувано на подолг рок. Во него, таа ја оспорува самата казна за забрана за кандидирање, тврдејќи дека таа ги крши правата на одбрана и слобода на избор во Франција.

Тагови: ле пен