Сабрина Карпентер бара забрана за пристап за маж, кој с еобидел да ѝ провали во куќата - Канал 5

Шоу биз

Сабрина Карпентер бара забрана за пристап за маж, кој с еобидел да ѝ провали во куќата

Според судските документи, на пејачката Сабрина Карпентер ѝ е одобрена привремена забрана за пристап против 31-годишниот Вилијам Аплгејт, кој се обидел да провали во нејзиниот дом во Калифорнија. 

Сабрина Карпентер бара забрана за пристап за маж, кој с еобидел да ѝ провали во куќата

Окружниот суд во Лос Анџелес во понеделник, 1 јуни, издал наредба со која му забранува да се приближува на помалку од 90 метри, или 100 јарди, од нејзиниот дом во Холивуд Хилс, каде што живее со својата сестра и партнерот, пишува списанието Far Out.

Вознемирување и обид за кражба

Барањето за забрана за пристап поради граѓанско вознемирување е поднесено на 29 мај. Во него се наведува дека Аплгејт ја следел пејачката од 20 април, а ситуацијата ескалирала на 23 мај, кога дошол до нејзината влезна врата и наводно се обидел насилно да ја отвори. Во својата изјава, Карпентер го опишала инцидентот како „длабоко вознемирувачки“ обид да се приближи до неа.

Тврдел дека пејачката го очекувала

Кога обезбедувањето се обидело да го отстрани од имотот, Аплгејт одбил и дал „скандалозни и целосно лажни“ тврдења дека пејачката го очекувала. Полицијата набрзо пристигнала и го уапсила. И покрај ова, тој се врати на истата адреса два дена подоцна.

Изјава на пејачката

„Поради неговото постојано следење, нелегално влегување и надзор, страдам од тешка и продолжена емоционална вознемиреност“, напиша Карпентер, 27, во потпишана изјава. „Се плашам што би можел да направи ако овој суд не го запре.“

Таа додаде дека неговото однесување укажува на опасна опсесија. „Неговото лудо инсистирање дека ме познавал и дека го очекував покажува опасна, нереална и ирационална фиксација кон мене“, рече таа, опишувајќи го обидот да влезе во нејзиниот дом како „едно од највознемирувачките кршења на личната безбедност и приватност што некогаш сум ја доживеала“.

Полиција: Однесувањето претставува зголемен ризик

Детективот на полицијата во Лос Анџелес, Питер Думанис, се согласи со таа проценка, наведувајќи дека „однесувањето на Аплгејт е во согласност со добро познат модел на следење што претставува сериозен и зголемен ризик за безбедноста на жртвата“. Судското рочиште во овој случај е закажано за 17 јуни.

YouTube video

Пауза по напорна година

Пејачката моментално прави пауза од турнеите по исклучително напорната 2025 година, во која настапуваше на голем број големи фестивали, вклучувајќи ги Primavera Sound во Барселона и BST Hyde Park. Неодамна соработуваше со Мадона на „Bring Your Love“, која ја изведоа за време на настапот на Сабрина на Коачела во април.

Тагови: Сабрина Карпентер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер