Тенис

Сабота ден за женско финале на Вимблдон: Анисимова против Швјонтек

Сабота е ден кога се игра женското финале на Вимблдон, а пред дванаест месеци малку кој можеше да предвиди дека Аманада Анисимова (САД) и Ига Швјонтек (Полска) ќе бидат дел од финалето.

Швјонтек е тенисерка со пет Грен слем титули, но на тревнатите терени на Вимблдон најдобар пласман досега и беше четвртфиналето од 2023 година, додека лани полската тенисерка беше елиминирана во третото коло. За разлика од неа Американката Анисимова не ги мина ниту квалификациите.

Полуфиналните победи во четвртокот ги промовира двете да играа за трофејот. Анисимова направи огромен подвиг со елиминирањето на првата светска тенисерка Арина Сабаленка, додека Швјонтек беше убедлива против Белинда Бенчиќ препуштајќи и само два гема.

Анисимова беше чудо од дете откако со 17 годии во 2019 година беше полуфиналистка на Ролан Гарос, но не успеа да во следниот период да се избори за Грен слем финале, се до денешното на Вимблдон.

Двете финалистки се родени 2001 година и ова ќе им биде нивни прв сениорски меч, додека како јуниорки имаат одигра еден на јуниорскиот Фед куп каде победи Швјонтек во два сета.

Која и од финалистките да победи ќе ја освои првата Грен слем на Вимблдон. /МИА

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен сообраќаен режим денеска низ Скопје поради концертот на Дејвид Гета

Посетителите на музичкиот настан што денеска ќе се одржи во Националната арена „Тодор Проески“ треба да очекуваат отежнато одвивање на сообраќајот во околината на објектот.

Концертот е закажан за 19 часот, а поради очекуваниот зголемен број посетители, полициските служби ќе воведат посебен режим на сообраќај на улиците и приодите кон Арената, како и на дел од булеварот „Илинден“.

Од СВР Скопје информираат дека сообраќајните мерки се преземаат со цел да се обезбеди безбедно пристигнување и заминување на посетителите, но и непречено одвивање на сообраќајот за останатите учесници.

На граѓаните кои планираат да се движат во овој дел од Скопје им се препорачува навреме да ја испланираат својата маршрута и да предвидат дополнително време за патување.

Возачите се повикуваат да ги почитуваат насоките на полициските службеници, поставената сообраќајна сигнализација и да покажат дополнителна внимателност и трпение за време на траењето на посебниот режим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Среќен роденден, независна и самостојна Македонијо!

Премиерот Христијан Мицкоски со видео од убавините на нашата земја им го честита на граѓаните големиот празник, Денот на независноста на Македонија.

„Среќен роденден, независна и самостојна Македонијо!“

На својот ФБ профил премиерот објави видео со убаините на Македонија по повод 35 години независност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Честит 8-ми Септември – Денот на независноста на Македонија

По повод 8-ми Септември – Денот на независноста на Македонија и 35 години од независноста, Движењето ЗНАМ за наша Македонија упатува искрени честитки до сите граѓани на Македонија.

Пред 35 години, со референдумот на 8-ми Септември 1991 година, народот ја потврди својата историска одлука – да живее во суверена, самостојна и независна држава.

Денес, 35 години подоцна, независноста е наша чест, но и наша обврска.

Обврска да ја чуваме државноста, да го браниме достоинството и да создадеме Македонија во која секој граѓанин ќе има сигурна иднина и еднаква можност за успех.

Македонија е наша татковина.

Независноста е наше наследство.

Иднината е наша заедничка обврска.

Да продолжиме заеднички да ја градиме силна, стабилна, достоинствена и европска Македонија.

Честит 8-ми Септември!

Честити 35 години независна Македонија!

Движење ЗНАМ за наша Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.