Култура

Рускиот филм „Предавство“ го затвора 16. Скопски филмски фестивал

Со рускиот филм „Предавство“ на режисерот Кирил Сребреников вечер во кино „Милениум“ ќе биде затворен 16. Скопски филмски фестивал.

Една од глевните улоги ја игра актерот Дејан Лилиќ, кој ќе го претстави филмот пред македонската публика. „Предавство“ минатата година беше номиниран за наградата „Златен лав“ на Венецискиот филмски фестивал.

- „Предавство“ е темна приказна за љубовта, страста и најмногу од се за прељубата, со импресивната игра на германската ѕвезда Франциска Петри и македонскиот актер Дејан Лилиќ. За време на рутинскиот кардиолошки тест еден човек (Лилиќ) е случајно информиран од докторката (Петри) дека нејзиниот сопруг ја изневерува со неговата сопруга. Изневерените сопруг и сопруга неминовно се подготвени да станат партнери во сопствениот криминал, животот црта полн круг и предадените самите стануваат предавници..., соопшти организаторот на фестивалот.

Сребреников вели дека направил „несреќен филм“ за машко-женските односи. - Брачното неверство служи како движечка сила во мојата приказна. Ова е филм за скриени емоции и мисли. За работи кои дури немаат ниту име во човечкиот јазик. Отфрливме многу работи од филмот: градот во кој живеат протагонистите, нивните пријатели, нивните непријатели. Секој детаљ ја покажува истата тема – жестоката желба на протагонистите да не останат сами во нивниот инстиктивен копнеж да сакаат некого, изјави Сребреников, кој е и автор и на сценариото за филмот.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.