Русија со тешки бомбардери го нападна Киев, Полска ги крена авиониоте (ВИДЕО) - Канал 5

Свет

Русија со тешки бомбардери го нападна Киев, Полска ги крена авиониоте (ВИДЕО)

Русија започна масовен ракетен и беспилотен напад врз Киев и други украински градови во текот на ноќта, користејќи тешки бомбардери.

Русија со тешки бомбардери го нападна Киев, Полска ги крена авиониоте (ВИДЕО)

Низ целата земја беше прогласена воздушна тревога, дури и во региони далеку од линијата на фронтот.

Украинскиот министер за надворешни работи Андреј Сибиха објави дека Русија употребила стотици беспилотни летала и ракети во нападот.

Според украинските медиуми, пет руски бомбардери Ту-95 полетале од аеродромот Олења во регионот Мурманск околу 1:45 часот по локално време. Кратко потоа, околу 2:25 часот, градската воена администрација на Киев предупреди дека полетале бомбардерите МиГ-31К, предизвикувајќи тревога низ целата земја.

Украинските воздухопловни сили дополнително во 3:52 часот известија за веројатно полетување на бомбардер Ту-95 од воздухопловната база Енгелс. Во текот на ноќта, голем број украински региони беа загрозени од роеви беспилотни летала од типот Шахед, а експлозии беа пријавени во Киев, Киевската област, Запорожје, Хмелницката област и Суми.

Уништена петкатна зграда, има ранети

Најголема штета е регистрирана во Киев и Запорожје. Во главниот град, петкатна зграда е делумно уништена, а станбената инфраструктура е оштетена во неколку области, потврди началникот на Воената администрација на градот Киев, Тимир Ткаченко. Оштетени се и нестанбени згради и паркирани автомобили.

Градоначалникот на Киев, Виталиј Кличко, пријави најмалку пет повредени лица кои се хоспитализирани. „Ракетите сè уште паѓаат врз градот“, рече тој, повикувајќи ги жителите да останат во засолништа. Во близина на Киев, пожари избувнаа во неколку домови и згради. Во градот Фастив, повредени се пет вработени во пекарница која се запали за време на нападот.

Жест напад врз Запорожје

Во Запорожје, регионалниот центар на делумно окупираната област, Русите нападнаа цивилна инфраструктура, соопшти гувернерот Иван Федоров. Девет куќи, 14 повеќекатни згради, училиште и производствени погони се оштетени. Пет лица се повредени во два напади во текот на ноќта.

„Подмолни тактики, нечовечка жед за човечко страдање“, коментираше Регина Харченко, вршител на должноста градоначалник на Градскиот совет на Запорожје, и додаде: „Нечии фотографии, детски играчки, книги горат. Луѓето страдаат, а градот повторно ги брои раните.“

Полска крена борбени авиони, го затвори воздушниот простор над два региона

Експлозиите одекнаа и во регионот Хмелницки, каде што беше активна противвоздушната одбрана, но според првичните информации, немаше жртви. Како одговор на масовниот напад, Полска ги крена своите борбени авиони, како што правеше во претходните случаи кога руските напади ја загрозија западна Украина. Воздушниот простор над Лублин и Жешов беше привремено затворен поради „непланирани воени активности“.

Овие инциденти се случуваат во време кога руските беспилотни летала и авиони сè повеќе влегуваат во воздушниот простор на НАТО, зголемувајќи го нивото на будност низ целиот сојуз. Русија ги засили воздушните напади врз Украина во текот на пролетта и летото 2025 година, а официјалните лица предупредуваат на нов бран напади насочени кон енергетската инфраструктура како што доаѓаат постудените месеци.

Ударот по средбата Трамп-Зеленски

Нападите се случија откако украинскиот претседател Володимир Зеленски и неговиот американски колега Доналд Трамп се сретнаа на маргините на Генералното собрание на ОН во Њујорк. По средбата, Трамп изненади велејќи дека Украина „е во позиција да се бори и да ја врати цела Украина во нејзината оригинална форма со поддршка на ЕУ“.

Подоцна го критикуваше рускиот претседател Владимир Путин. „Многу сум незадоволен од она што го прави Русија и од она што го прави претседателот Путин“, им рече Трамп на новинарите пред три дена. „Воопшто не ми се допаѓа. Тој убива луѓе без причина“. И покрај ова, Трамп сè уште не вовел нови санкции на САД против Русија.

По серијата руски повреди на воздушниот простор на членките на НАТО, повторно се појавија повици за „затворање на небото“ над Украина. Упадите ги ставија европските земји во состојба на готовност и покренаа прашања за способноста на алијансата да се спротивстави на руските закани. Како одговор, НАТО ја започна мисијата Источна гарда, а разговорите за затворање на небото се повторно на дневен ред.

Тагови: Киев русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска почнува судењето на Артан Груби: Можен ли е политички потрес?

По пола година од враќањето во земјава, поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Денеска почнува судењето на Артан Груби: Можен ли е политички потрес?

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот.

Груби додека траеше истрагата првично беше обвинет за потешко кривично дело „проневера во службата“ за кое затворската казна трае и до 20 години, но подоцна истото беше преквалификувано во злоупотреба на службената положба. Тој и уште седум лица се товарат за злоупотреби во „Државна лотарија“. Обвинителниот предлог беше поднесен пред десет дена на 13-ти август, а Груби кој е второбвинет во предметот во моментот се наоѓа во куќен притвор. Првообвинет е Прпарим Бајрами, претседател на Управниот одбор и Генерален директор на Државна лотарија. Тој и натаму е во бегство и е недостапен на органите на прогонот.

Според ОЈО обвинетите иако биле свесни дека Лотарија немала право да приредува електронски игри на среќа на видеолотариски терминали на територијата на државата, сепак започле постапка за набавка на видеолотариски терминали вредна стотици милиони денари, при што го оштетиле акционерското друштво за околу 8,2 милиони евра. Груби, како што е наведено во обвинението на владина седница одржана на 6ти јуни 2023 постапил спротивно на деловникот за работа на Владата и го заобиколил пропишаниот начин на одлучување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно и топло, попладне локален пороен дожд, грмежи и ветер

Времето денеска ќе биде променливо облачно и топло со сончеви периоди. Попладне ќе има локален пороен дожд, грмежи и засилен ветер.

Променливо облачно и топло, попладне локален пороен дожд, грмежи и ветер

Наместа ќе има услови за невреме со силен ветер и појава на град. Ќе дува слаб до умерен ветер од југоисточен правец, информира УХМР.

Минималната температура ќе биде во интервал од 13 до 22, а максималната ќе достигне од 30 до 38 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 37 степени.

Во текот на новата седмица времето ќе биде претежно стабилно и сончево со мала до умерена облачност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. август 2026 година

Дневен хороскоп за понеделник, 24. август 2026 година. 

Дневен хороскоп за 24. август 2026 година

Девица 23.8.-23.9.

Љубов

На дневен ред ќе испливаат некои работи од минатото од вашето семејстов , што ќе мора денеска да ги решите.

Кариера

Подготвени сте привремено да се повлечете , зашто насетувате дека така би ви одговарало.На некој начин сте во право.

Здравје и совет

Сѐ повеќе работи ве заморуваат.

Вага 24.9.-23.10

Љубов

Веројатно ќе ви се отворат нови љубовни шанси , а со своето однесување вие ќе ги поттикнувате.

Кариера

Понекогаш ви се чини дека пред вас се задачи што не сте ги очекувале, но тие ќе ве надополнат и збогатат.

Здравје и совет

Прифатете сѐ што доаѓа.

Шкорпија 24.10-22.11.

Љубов

Пред вас е уште еден успешен љубовен ден.Секој вид контакт добро е поставен , па обидете се да бидете меѓу тие луѓе.

Кариера

Вашата драматичност на многумина им е здодевна. Сега ви преостанува нов стил , што значи да работите тивко и професионално.

Здравје и совет

Јадете помалку , движете се повеќе.

Стрелец 23.11.-21.12.

Љубов

Отворени сте за луѓе и нови познанства , релативно лесно ги среќавате , но емотивното исполнување е многу тешко.

Кариера

Калкулациите околу млади луѓе или креативност на работата ќе потраат и денеска. Ќе насотјувате да ви биде интересно.

Здравје и совет

И натаму сте во добра состојба.

Јарец 22.12.-20.1.

Љубов

Можен е разговор за една сериозна тема со блиска личност. Ќе знаете да дадете совет или да пружите поддршка.

Кариера

На работното место се повеќе покажувате наклоност кон забави , а се помалку кон сериозна работа. Се наоѓате во свој свет и како да не ве интересира ништо друго.

Здравје и совет

Сконцентрирајте се на целта.

Водолија 21.1.-19.2.

Љубов

Мали нервози малку ќе ви ја разнишаат самодовербата, но само ако вие тоа го дозволите. Контролирајте се и се ќе биде во ред.

Кариера

Денеска заработените пари ќе ви изгледаат како да се малку , но разберете и дека тие не се цел сама за себе. Поважно е да работите нешто што го сакате.

Здравје и совет

Се засилува вашиот интерес за козметика.

Риби 20.2.- 20.3.

Љубов

Пред вас е уште еден ден во кој ќе бидете склони кон зголемена чувствителност и се поголеми барања од партнерот.

Кариера

Не грижете се за малото затишје на работата. Тоа добро ќе ви дојде за малку да се реорганизирате.

Здравје и совет

Повеќе сон и одмор.

Овен 21.3-20.4.

Љубов

Се што не ви се допаѓа во вашиот љубовен живот ќе се обидете да го турнете под тепих или едноставно да го скриете од другите. Тоа не е добро.

Кариера

Недостаток на интерес за работата е резултат на вашиот недостаток на енергија. Пробајте подобро да се организирате , па ќе ви се врати желбата за работа.

Здравје и совет

Треба уредно да живеете.

Бик 21.4- 20.5.

Љубов

Ако денеска се впуштите во њротска авантура , треба да знаете дека сигурно ќе промашите. Затоа задржете ја потребната дистанца.

Кариера

не се обидувајте со сила да докажувате дека сте во право. Подобро прифатете ги советите на другите , кои се посериозни од вас.

Здравје и совет

Поважни се зборовите отколку делата.

Близнаци 21.5.-21.6.

Љубов

Трошокот поради вашата организација на заенички ручек или вечера малку ќе ве загрижи.

Кариера

Се повеќе работи одат во ваша корист и ви го прават работниот ден попријатен. Но , вие и натаму работите со сите сили.

Здравје и совет

Можете малку да здивнете.

Рак 22.6-22.7.

Љубов

Препознавате нови љубовни шанси , а во тоа ви помагаат вашите пријатели. Денеска немојте да бидете сами , туку излезете.

Кариера

Можеби ќе ви се чини дека другите не ве поддржуваат , но тоа не е точно. Тие само се внимателни и ви покажуваат каде се грешките.

Здравје и совет

Немојте да се грижите.

Лав 23.7-22.8.

Љубов

Ќе бидете во фаза на повлекување и најдобро ќе се чувствувате во некое скришно катче самите со себе. Тоа е само преодно расположение.

Кариера

Обидете се сите поважни работи да ги привршувате , зашто наскоро за нив ќе ви треба двојно поголема енергија од вообичаеното.

Здравје и совет

Наполнете си ги батериите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер