Свет

Лавров во ОН: Агресија против Русија ќе биде дочекана со решителен одговор

Рускиот министер за надворешни работи Сергеј Лавров изјави пред Генералното собрание на ОН дека Москва е отворена за преговори за прекин на војната во Украина под одредени услови.

Тој ги негираше обвинувањата дека Москва има намера да ги нападне земјите од НАТО, предупредувајќи дека секоја агресија против Русија ќе биде дочекана со решителен одговор.

Лавров ја осуди израелската политика

Сергеј Лавров го започна својот говор зборувајќи за состојбата на меѓународниот поредок, потсетувајќи на големите воени паради одржани во Москва и Пекинг по повод 80-годишнината од победата во Втората светска војна.

Тој рече дека Русија „го осудува нападот на милитантите на Хамас врз Израел на 7 октомври“, но и дека оттогаш „нема оправдување за бруталните убиства на Палестинци“. Лавров додаде дека нема никакво оправдување за плановите на Израел да го анектира Западниот Брег. Рускиот министер за надворешни работи, кој престојуваше на Блискиот Исток, нагласи дека западните напори за повторно воведување санкции врз Иран се „нелегални“.

Потоа Лавров се осврна на темата за војната во Украина и рече дека Русија „сè уште е отворена за преговори за прекин на војната“. „Како што претседателот Владимир Путин постојано нагласуваше, Русија беше и останува отворена за преговори за елиминирање на основните причини за конфликтот“, рече тој.

„Русија нема намера да ги напаѓа земјите од НАТО“

„Безбедноста на Русија и нејзините витални интереси мора да бидат сигурно договорени. Правата на Русите и русофонското население на териториите што остануваат под контрола на режимот во Киев мора целосно да се обноват“, тврди тој. „Врз таа основа, ние сме подготвени да разговараме за безбедносните гаранции за Украина“, додаде тој.

Шефот на руската дипломатија реагираше на обвинувањата против Русија дека планира напад врз земјите од НАТО. Неколку земји во Источна Европа ја обвинија Москва за нарушување на нивниот воздушен простор со авиони и беспилотни летала во последните недели, што Кремљ го негираше.

„Русија е обвинета за планирање напад врз земјите од Северноатлантскиот договор и Европската унија. Претседателот Путин постојано ги негираше овие провокации, Русија нема такви намери“, рече Лавров. „Сепак, секоја агресија против мојата земја ќе биде одговорена со решителен одговор. Нека нема сомнение за тоа во НАТО и ЕУ“, додаде тој, според ХРТ.

Тагови: русија Сергеј Лавров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.