Фудбал

Роналдо со два гола му донесе победа на Јувентус

Со двата гола на петкратниот освојувач на „Златната топка“, Кристијано Роналдо, Јувентус го победи Сасуоло со 2:1 во натпревар од 4-тото коло на Серија „А“, одигран во Торино.

Во првото полувреме гостите дадоа сериозен отпор на шампионот и погодија греда, а им беше поништен и еден гол. Непосредно по почетокот на вториот дел, португалската ѕвезда сепак ја отвори гол сметката за „бјанконерите“, а за целта му беа потребни 28 удари.

Во 65-тата минута повторно Роналдо беше во центарот на вниманието, откако се запиша по пaд на Емре Џан. На крајот Бабакар беше прецизен за гостите, а Даглас Коста доби црвен картон. Но Јувентус не допушти израмнување, i продолжува со победничката серија, откако има 12 поени од четири натпревари, додека Сасуоло останува со седум бода.

Во следниот круг, рекордерот по титули гостува на Фрозиноне, додека „зелено-црните“ го пречекуваат Емполи.

Резултати од Серија „А“, 4.коло:

Рома - Киево 2:2

Џенова - Болоња 1:0

Јувентус - Сасуоло 2:1

Удинезе - Торино 1:1

Резултати од вчера:

Интер - Парма 0:1

Наполи - Фиорентина 1:0

Фросиноне - Сампдорија 0:5.

Свет

Полска ја зајакнува границата кон Русија и Белорусија

Премиерот на Полска, Доналд Туск денеска изјави дека почна осовременувањето и утврдувањето на источна граница со Белорусија и Русија, за што се наменети 2,3 милијарди евра.

- Тој план за одбрана и одвраќање го нарековме „Штит на Истокот“ … кој ќе нè брани од потенцијалните напади од исток, но пред сè ќе има за цел да го одврати непријателот. Системот на утврдувања, зајакнување, модернизирањето на 400 километри од границата со Русија и Белорусија ќе биде фактор на одвраќање, стратегија да се избрка војната од нашата граница, истакна Туск.

Тој најави дека следната недела ќе објави нови мерки за спречување провокации, саботажи и диверзии во рамките на хибридните напади од Русија и од Белорусија.

Зборуваме за потребата да се изгради силна држава, отпорна на саботажи и саботажи. Полска ќе биде отпорна држава и безмилосна до болка кон секој што ќе се обиде да ја дестабилизира ситуацијата во нашата земја, наведе Туск. Претходната влада на конзервативната партија Право и правда на границата подигна ограда висока повеќе од пет метри за да ги запре мигрантите.

Полска без оглед кој е на власт тоа го третира како руски и белоруски хибриден напад и обид за префрлање на десетици илјади бегалци во Полска со цел да се дестабилизира земјата но и другите членки на Европска Унија./МИА

Свет

Евакуирани околу 10.000 луѓе од украинската област Харков

По копнениот напад на руската армија приближно 10.000 луѓе се евакуирани од областа Харков, североисточна Украина.

Гувернерот на Харков, Олег Синегубов наведе дека украинската армија одбила два обиди за пробивање на одбраната во текот на ноќта, но оти ситуацијата е „под контрола“.

Руските сили нападнаа неколку градови, вклучувајќи го и Вовчанск, на само пет километри од границата.

Во периодот од 9 до 15 мај руските сили зазедоа 278 квадратни километри украинска територија, што е најголем напредок од крајот на 2022 година./МИА

Македонија

Лидерите на ВЛЕН на средба со Курти во Приштина

Додека завршуваат разговорите за формирање на новата влада во Скопје, денеска во Приштина се одржува средба меѓу лидерите на коалицијата ВЛЕН и премиерот на Косово, Албин Курти, најавија партиски извори.

Според овие извори, Арбен Таравари, Изет Меџити, Африм Гаши, Билал Касами и Беким Ќоку денеска во Владата на Косово биле примени од премиерот Курти.

Тема на разговорите, ќе биде соработката меѓу владата на Косово и новата влада во Македонија.