Трамп подготвен за воени акции во Мексико заради спречување на шверцот со дрога - Канал 5

Свет

Трамп подготвен за воени акции во Мексико заради спречување на шверцот со дрога

Претседателот на Соединетите Американски Држави Доналд Трамп изјави дека е подготвен да изврши напади во територијата на Мексико доколку е потребно за да се спречи криумчарењето нелегални наркотици во САД.

Трамп подготвен за воени акции во Мексико заради спречување на шверцот со дрога

- Дали би наредил напади на Мексико за да ја запреме дрогата? За мене тоа е во ред. Што и да е неопходно за да ја запреме дрогата. Го набљудував Мексико Сити за време на викендот. Таму има сериозни проблеми, рече претседателот на САД вчера во Белата куќа, пренесува „Хил“.

На прашањето на новинарите дали би побарал дозвола од мексиканската влада за започнување напади, Трамп одговори дека нема да одговори на тоа прашање и додаде дека е во контакт со властите во Мексико Сити. - Тие знаат каков е мојот став, рече Трамп.

Претседателот на САД навести дека ќе му се обрати на Конгресот и ќе побара дозвола за напади и предвиде дека таквите потези би биле поддржани од пратениците на двете партии. - Значи, вака ќе кажам: Не сум задоволен од Мексико, рече Трамп.

Администрацијата на Доналд Трамп планира мисија за испраќање разузнавачки службеници и американски војници во Мексико заради пресметка со нарко-картелите, иако разговорите за обемот на мисијата сè уште траат и конечна одлука сè уште не е донесена, објави Ен-Би-Си Њуз претходно овој месец.

Американската крајбрежна стража соопшти на 6 ноември дека во текот на фискалната 2025 година запленила скоро 231.000 килограми кокаин на Карибите и источниот дел на Тихиот Океан.

Потенцијалните напади на територијата на Мексико би ја прошириле кампањата на претседателот за сузбивање на трговијата со наркотици во Централна и Јужна Америка, со оглед на тоа што американската војска во моментов уништува бродови за кои се сомнева дека криумчарат дрога на Карибите и источниот Пацифик.

Досега, американската војска кренала во воздух 21 пловило, при што загинале најмалку 83 лица, кои администрацијата ги нарече нарко-терористи.

Стејт департментот во февруари означи шест мексикански нарко-картели, заедно со венецуелската банда Трен де Арагва и МС-13, како странски терористички организации.

Трамп, исто така, навести дека би бил отворен за уништување на фабрики за кокаин во Колумбија, тврдејќи дека тоа би спасило милиони Американци.

- Колумбија има фабрики за кокаин каде што се произведува кокаин. Дали би ги уништил тие фабрики? Би ми била чест лично да го направам тоа. Не реков дека ќе го направам тоа, но би ми била чест, бидејќи со тоа би спасиле милиони животи, истакна Трамп.

Тагови: Доналд Трамп Мексико

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утре наутро ќе бидат затворени трите грчки гранични премини

Цариниците во Грција утре ќе одржат штрајк, а границите ќе бидат затворени вкупно четири часа, јавија локалните медиуми.

Утре наутро ќе бидат затворени трите грчки гранични премини

Од 5 до 9 часот наутро по македонско време (6 до 10 часот по грчко), сите гранични премини ќе бидат затворени.

Автомобилите ќе се пропуштаат на секои десет минути, додека за камионите границите ќе бидат целосно затворени, најави синдикатот.

Така ќе биде и на трите гранични премини кон Македонија, „Евзони“ („Богородица“), „Дојрани“ („Дојран“) и „Ники“ („Меџитлија“).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Пожар во близина на селото Трстеник, пожарникарите интервенираат

Во моментов пожарникарите од ТППЕ Кавадарци интервенираат на пожар во близина на селото Трстеник.

Јанчев: Пожар во близина на селото Трстеник, пожарникарите интервенираат

Со брза и координирана интервенција се преземаат сите неопходни мерки за локализирање и ставање на пожарот под контрола, објави ноќеска по полноќ на ФБ градоначалникот на Кавадарци, Митко Јанчев .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија со балистички проектили го нападна Киев, погодена е станбена зграда (ВИДЕО)

Русија ноќеска започна напад со балистички ракети врз Киев, при што наводно е погодена една станбена зграда. 

Русија со балистички проектили го нападна Киев, погодена е станбена зграда (ВИДЕО)

Нападот се случи еден ден откако претседателот Володимир Зеленски предупреди за можен масовен напад врз украинскиот главен град, објавува „Киев Индепендент“.

Новинарите на терен пријавија повеќе експлозии во градот околу 00:23 часот по локално време, со големи пламени видливи на местото на нападот. Непосредно пред експлозиите, украинските воздухопловни сили издадоа предупредување за закана од балистички ракети за главниот град.

Последици

Градоначалникот на Киев, Виталиј Кличко, потврди дека остатоците од ракетата погодиле 18-катна зграда во населбата Шевченко. Паѓачките остатоци предизвикале пожар што се проширил на седмиот и осмиот кат. Државната служба за вонредни ситуации подоцна објави дека се регистрирани и изгаснати пожари во населбите Десњански, Шевченко и Соломјански.

Во нападот, исто така, изгореле неколку автомобили, нестанбена зграда и напуштена четирикатна зграда. Според првичните информации, немало жртви во нападот. Проценката на вкупната материјална штета е во тек.

Напад по предупредувањето

Нападот се случи откако претседателот Зеленски ден претходно предупреди дека Москва планира голем ракетен напад врз Киев во рок од 48 часа. „Нашите разузнавачки информации и информациите од партнерите укажуваат дека Русите подготвиле ракети за нов масовен напад врз Украина.

Според прелиминарните информации, ова би можело да се случи во следните 48 часа“, рече Зеленски во своето вечерно обраќање. Нападот се случи само два дена откако руска балистичка ракета погоди изложба на оружје во Киев на 24 јули. Официјални извори потврдија дека 10 лица се убиени, а повеќе од 100 се повредени во тој напад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер