Роналдо и натаму сака да си замине од Јувентус, два клуба се заинтересирани

Кристијано Роналдо се приклучи на тренинзите со остатокот од тимот на Јувентус, но тоа не значи дека престанал да размислува за трансфер, според шпански Ас.

Шпанскиот спортски весник додава дека португалскиот напаѓач сеуште размислува да се врати во Реал Мадрид или да замине во Париз Сен-Жермен.

Тој одлучил да го напушти Јувентус пред шест месеци, се тврди, и не се премислил. Роналдо има намера да замине, и тоа што е можно поскоро. Во кој клуб ќе оди, зависи од Килијан Мбапе.

Доколку напаѓачот на ПСЖ биде продаден на Реал Мадрид, тогаш Роналдо би можел да го пополни своето место во францускиот тим. Доколку Мбапе остане во клубот, ќе се обиде да се врати во Реал Мадрид, каде што се здоби со статус на икона постигнувајќи 450 гола на 438 натпревари со освоени 15 трофеи, вклучувајќи четири Лиги на шампиони и два трофеи во шпанското првенство.

Ас наведува дека неговото враќање е нереално да се очекува бидејќи првиот човек на клубот, Флорентино Перез, веќе го опиша трансферот како бесмислен за Реал. Сепак, односот на Роналдо со тренерот Карло Анчелоти се споменува како надеж за реализација на тој трансфер.

Сообраќајни казни за 152 возачи во Скопје

Во контролите во областа на сообраќајот во текот на вчерашниот ден на територија на Град Скопје изречени се вкупно 152 мерки, соопштија денеска од МВР.

Од изречените казни, за возење без возачка дозвола се 18, 25 мерки за некористење сигурносен појас, осум санкции за непрописно престројување на возила...

Сообраќајните контроли продолжуваат и во наредните денови, најавија од МВР и апелираат до граѓаните да ги почитуваат сообраќајните правила и прописи.

На територија на цела Македонија 156 санкции за брзо возење

Во спроведената акциска контрола на територијата на Република Македонија за санкционирање на возила кои се движат со брзина поголема од дозволената, во текот на вчерашниот ден се санкционирани 156 возачи, соопшти МВР.

Од нив пет возила се движеле со брзина над 50 километри на час повеќе од дозволеното. Притоа, 73 возила ја пречекориле брзината во населено место, а 83 надвор од населено место.

Сообраќајните контроли продолжуваат и во наредните денови.

Реал поднесе жалба против судијата кој не ги регистрира навредите кон Винисиус

 Реал Мадрид поднесе жалба до Шпанската фудбалска федерација против главниот судија на натпреварот со Осасуна Хуан Мартинез Мунуера од 29. коло на Ла Лига.

Клубот од Мадрид излезе со официјално соопштение во кое велат дека побарале преглед на постапките на Мунуера. Според „Кралскиот клуб“, судијата намерно не ги забележал навредите упатени кон напаѓачот Винисиус и покрај тоа што тоа му го пријавиле други играчи на Реал Мадрид.

Реал поднесе жалба и до Државната комисија за борба против насилство, расизам, ксенофобија и нетолеранција во спортот.

За време на натпреварот кој го доби Реал со 4:2, навивачите на Осасуна скандираа „Винисиус, умри!“.

Бразилецот во победата на Реал учествуваше со два гола.

притисни ентер