Роџер Далтри од рок-групата „Ху“ најави солотурнеја - Канал 5

Шоу биз

Роџер Далтри од рок-групата „Ху“ најави солотурнеја

Пејачот на рок-составот „Ху“ (The Who), Роџер Далтри изјави дека следната година ќе тргне на солотурнеја, бидејќи ако не продолжи да пее, неговиот глас „ќе исчезне“, а тој сѐ уште сака да ја истражува музиката. 

Роџер Далтри од рок-групата „Ху“ најави солотурнеја

Во новото интервју, 80-годишниот британски рокер вели и дека денес пее „подобро отколку што пее со години“ и оти има „уште многу повеќе да покаже“ со својот бенд.

- Се чувствувам како да пеам можеби подобро отколку што сум пеел со години... Нашата музика е многу, многу различна од голем дел од рок-музика и мора да продолжиме да ја правиме. За да го направам тоа, морам да продолжам да пеам во паузите „меѓу два настапи“, бидејќи тие паузи може да бидат прилично долги, а ако тоа не се искористи, човековиот глас може да исчезне, изјави Далтри.

Роџер Далтри, инаку, има три топ-10 солоалбуми во Велика Британија. Музичарот е познат и по филмот „Меквикар“ (McVicar) во којшто ја толкува главната улога, а автор е и на филмската музика, од којашто можеби најпозната е песната „Free me“.

Музичарот вели и дека сака да продолжи да ја испитува музиката, иако тоа се песни што ги пее веќе 50 години - пристапувајќи им на поинаков начин и постојано откривајќи нешто ново во нив.

- Сега тоа е она што ме засега - како да ги изведам овие песни за да имаат ефект врз публиката што ќе ги натера да размислуваат за нив, како првпат да ги слушаат, открива тој.

Далтри, исто така, вели дека најдоброто нешто во тоа да се има 80 години е тоа што „веќе ништо не сфаќаш сериозно“, особено не во „лудиов свет во којшто живееме“.

На турнејата „Alive And Kicking... And Having Fun“ музичарот ќе изведува и солопесни, како и хитовите на „Ху“ - сѐ тоа проследено со приказни од неговата кариера. Влезниците ќе бидат пуштени во продажба в петок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Официјално: Мечот на Ѓоковиќ е одложен!

Организаторите на Вимблдон во текот на ноќта потврдија дека четвртфиналниот меч на Новак Ѓоковиќ ќе биде одложен.

Официјално: Мечот на Ѓоковиќ е одложен!

Според распоредот, Ѓоковиќ требаше да игра втор на Централниот терен во вторник, но сепак ќе настапи трет.

Пегула и Коф ќе излезат први на теренот, како што претходно беше планирано, а по нив ќе продолжи дуелот меѓу Зверев и Лехечка, кој претходната вечер беше прекинат поради „полицискиот час“ при резултат 2-0 во сетови и 3:3 во гемови.

Тоа значи дека дуелот меѓу Ѓоковиќ и Оже-Алијасим ќе започне веднаш потоа; почетокот може да доцни околу половина час, но и многу повеќе доколку Чехот го освои третиот сет и ја искомплицира ситуацијата.

Претходно се очекуваше мечот да се одигра околу 16:00 или 16:30 часот... Ситуацијата на Теренот 1 останува непроменета – први ќе играат Синер и Штруф со почеток во 14:00 часот, а по нив ќе настапат Осака и Мухова.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пронајдено тело во близина на Киев; Дали станува збор за атентаторката?

Во близина на Киев е пронајдено безживотното тело на жена. Се претпоставува дека таа е осомничената за обидот за атентат врз украинскиот бизнисмен Вадим Јермолаев во Монако.

Пронајдено тело во близина на Киев; Дали станува збор за атентаторката?

Според украинските медиуми, телото е пронајдено во понеделник, а според неофицијални информации, починатото лице е застрелано. Инаку, на 3 јули Интерпол издаде црвена потерница по Анастасија Березовски, 39-годишна државјанка на Украина, која е назначена за главен осомничен за експлозијата во Монако во која беше ранет украинскиот бизнисмен Вадим Јермолаев вечерта на 29 јуни.

Интерпол исто така објави две фотографии од осомничената, придружени со известување дека таа има тетоважа на десната рака – од рамото до лактот – за која се верува дека прикажува змија.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аморим: Милан е поголем предизвик од Јунајтед

Рубен Аморим призна дека преземањето на Милан претставува уште поголем предизвик од оној со кој се соочи кога го презеде Манчестер Јунајтед. 

Аморим: Милан е поголем предизвик од Јунајтед

Португалскиот тренер официјално ја презеде функцијата шеф на стручниот штаб на италијанскиот гигант на 6 јули; по пристигнувањето во Италија, тој разговараше со медиумите и објасни зошто ја прифатил новата работа, иако претходно изјавуваше дека би избрал помалку захтевен проект.

„Ако погледнете некое мое старо интервју, ќе видите дека ова е клуб што навистина ми значи многу. Тоа е огромен предизвик. По претходниот (Манчестер Јунајтед), си ветив дека ќе изберам помал предизвик. Но, еве ме тука – а предизвикот е уште поголем“, изјави Аморим.

Поранешниот тренер на Спортинг потпиша двегодишен договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер