Рјабков: Русија и САД наскоро ќе се договорат за нова рунда преговори - Канал 5

Свет

Рјабков: Русија и САД наскоро ќе се договорат за нова рунда преговори

Русија и САД наскоро ќе се договорат за датумите на третата рунда консултации за „иритантни прашања“ во билатералните односи, најави денеска заменик-министерот за надворешни работи на Русија, Сергеј Рјабков.

Рјабков: Русија и САД наскоро ќе се договорат за нова рунда преговори

- Мислам дека наскоро ќе одлучиме за датумите на третата рунда консултации, каде што ќе се разгледуваат овие чисто билатерални прашања, или иритантни прашања, како што веќе некое време се нарекуваат, рече Рјабков на прес-конференција.

Според него, „нема забавување на напредокот со САД во билатералните преговори, туку постои техничка пауза“.

Тој оцени дека администрацијата на претседателот на САД, Доналд Трамп, е многу контрадикторна во своите постапки и изјави, но дека Русија има за цел нормализација на односите со Вашингтон.

- Администрацијата на Трамп е многу контрадикторна во своите постапки и изјави, тоа не ја олеснува работата. Сепак, ние упорно и доследно го следиме курсот кон нормализација на нашите односи, рече тој, пренесува РИА Новости.

Рјабков наведе дека Москва ќе продолжи да врши притисок врз Вашингтон за прашањето за враќање на рускиот дипломатски имот.

- Овде исто така постои јасен недостиг на конструктивен одговор од американска страна. Ќе ги притискаме, рече тој.

Според него, американските закани со нови санкции против Русија „станаа вообичаени“.

- Ова е, се разбира, важен момент, но не и одлучувачки. Знаеме како да им се спротивставиме на санкциите, гледаме дека во последните години се развиени алатки и шеми кои ни овозможуваат во голема мера да задоволиме одредени потреби преку супституција на увозот, рече Рјабков.

Тој додаде дека Русија го покренала прашањето за обновување на воздушниот сообраќај со Вашингтон, но дека одговорот бил „минимален“.

- Тоа не значи дека ова прашање ќе го ставиме во втор план. Има одредени идеи како понатаму. Мислам дека, кога ќе одлучиме за датумите на следната рунда билатерални консултации за спорните прашања, ќе биде појасно што ќе ставиме на маса и по ова прашање, рече Рјабков.

Во Истанбул на 27 февруари и 10 април се одржаа разговори за нормализирање на условите за работа на руската и американската амбасада и начините за надминување на спорните прашања во односите меѓу двете земји.

Руската делегација на првата и втората рунда консултации ја предводеше актуелниот амбасадор во Вашингтон, Александар Дарчиев, а американската делегација заменик-помошничката државен секретар за европски и евроазиски прашања, Соната Колтер.

Тагови: русија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Демонстрантите запалија полицаец во Тирана- летаат молотови коктели, солзавец, пиротехника... (ВИДЕО)

Демонстрантите фрлаа молотови коктели врз полицајците за време на протестот во Тирана.

Демонстрантите запалија полицаец во Тирана- летаат молотови коктели, солзавец, пиротехника... (ВИДЕО)

Во таа прилика, еден полицаец се запали, а неговите колеги веднаш истрчаа да му помогнат и да го изгаснат пожарот, објавува Топ ченел.

Исто така, за време на фрлањето молотови коктели, јакната на еден млад човек се запали, но тој успеа самиот да го изгасне пожарот.

Инцидентот се случи додека протестите сè уште траеја во атмосфера на тензии и конфликти, со фрлање пиротехнички средства и употреба на солзавец.

Тагови: Молотови коктели Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска Давкова: Унгарската револуција е траен симбол на храброст

Во Будимпешта, присуствував на гала свеченоста во Унгарската државна опера и на приемот во Музејот на ликовните уметности, чијшто домаќин беше премиерот на Унгарија, Петер Маѓар.

Сиљановска Давкова: Унгарската револуција е траен симбол на храброст

Чест е да се присуствува и да се оддаде признание на овој значаен историски настан, не само за Унгарија, туку и за Европа.

Унгарската револуција е траен симбол на храброст, слободољубивост и достоинство на еден народ, објави на ФБ претседателката на Македонија, Гордана Сиљановска Давкова.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Србија гласа утре: Неизвесна трка и високи тензии меѓу СНС и студентите – „Канал 5“ во живо од Белград

Александар Вучиќ прв пат по 14 години власт, е исправен пред сериозен испит – утрешните вонредни парламентарни избори.... 

Србија гласа утре: Неизвесна трка и високи тензии меѓу СНС и студентите – „Канал 5“ во живо од Белград

Во Белград е Михаило Донев.. Михаило, каква е атмосферата на нешто повеќе од 12 часа до отворањето на избирачките места? Се чувствува ли некаква тензија на улиците?

Србите ќе избираат меѓу 18 листи, но веќе е јасно дека главната битка ќе се води меѓу владејачката Српска напредна странка и Студентската листа.. Кој од нив повеќе може да се надева на победа?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер