Ријалити за грнчарство-омилено ТВ шоу на Бред Пит: Понекогаш си плачам - Канал 5

Шоу биз

Ријалити за грнчарство-омилено ТВ шоу на Бред Пит: Понекогаш си плачам

Бред Пит (58) е еден од најдобрите холивудски актери и еден од најубавите, а во последно време поради своите изјави и постапки се најде на самиот врв на листата од најсимпатични ѕвезди.

Ријалити за грнчарство-омилено ТВ шоу на Бред Пит: Понекогаш си плачам

Неодамна, на пример, зборувал за тоа како една година барал закопано богатство на имотот Миравал во Франција (за кој се суди со поранешната сопруга Анџелина Џоли), пред неколку дена дојде на премиерата на филм во здолниште и направи половина свет да разбере, а сега откри што сака да гледа на телевизија. Изборот е дефинитивно неочекуван.

За време на престојот во Велика Британија на промоцијата на филмот „Bullet Train“, актерот изјави дека е страстен обожавател на натпреварувачкото реално шоу „The Great Pottery Throw Down“.

Во серијата на Канал 4, грнчари аматери создаваат неверојатни креации и се обидуваат да ги импресионираат судиите Кит Брајмер Џонс и Рич Милер со цел да ја освојат титулата „Најдобар британски аматерски грнчар“.

За време на интервјуто во кое Пит учествувал со колегите Брајан Тајри Хенри и Арон Тејлор-Џонсон, тие беа прашани што гледаат кога „сакаат да гледаат како работите експлодираат“. Тајри Хенри ја избра серијата „Добар, подобар, најдобар... Британски готвач за колачи“.

- Кога ќе ти експлодираат суфлањата... Човеку, тогаш гледаш дека работите пропаѓаат! – рече тој.

Бред Пит изјави дека сепак ќе го избере „Големите грнчари одат надолу“.

Тој призна дека ги гледал сите седум сезони и се заљубил во судијата Кит Брајмер Џонс.

- Тој е толку љубезен. Тој многу ги поддржува натпреварувачите. Понекогаш си плачам – признал актерот.

Неговата љубов да ги извалка рацете со купишта глина и да создава на грнчарското тркало не е непозната. Бред и неговиот познат пријател Леонардо ди Каприо се занимаваа со грнчарство додека го снимаа филмот на Тарантино „Беше еднаш во Холивуд“.

Пред две години американските медиуми објавија изјава од доверлив извор кој тврди дека Бред има студио за грнчарство во неговата куќа и дека Лео сака да доаѓа и да работи со него.

- Понекогаш се дружат со пријателите уметници на Бред, но понекогаш само тие двајца се таму. Лео носи сендвичи од нивниот омилен бар, Fat Sal's, а тие се забавуваат создавајќи уметност до раните утрински часови, изјавил тогаш „изворот“. Бред Пит не зборувал на таа тема и за создавањето уметност со Лео, но сега некако потврди дека керамиката е навистина негова голема страст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: на Богородица спречен шверц на заштитени видови змии

Царински службеници на граничен премин Богородица запленија седум млади змии, од кои четири питони и еден гуштер, откако истите во соработка со полициски службеници беа откриени при контрола на возило управувано од косовски државјанин. 

Царинска управа: на Богородица спречен шверц на заштитени видови змии

Со намера да нелегално да ги внесе во државава, сторителот, змиите претходно спакувани во кутии и марами ги скрил под седиштето. Главно станува збор за заштитени видови, два питони од видот „Carpet Spilota“, еден питон од видот „Short tailed“, еден питон од видот „Brandly Carpet“, една змија „Chinese Ring rat“, како и од „Raticulated Super Dwarf“. Воедно меѓу запленетите змии е и отровна змија „Baron sneake“.

Влекачите ќе бидат предадени на надлежните институции, а против сторителот од страна на Царинска управа е поведена соодветна постапка.

Потенцираме дека заштитените видови се строго регулирани со задолжителни дозволи согласно Конвенцијата за меѓународна трговија со загрозени видови на дива флора и фауна и секој внес без овие дозволи се смета за недозволен внес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Драматични сцени по земјотрес во Панама: Згради се нишаат, оштетени цркви и хотели...

Силниот земјотрес што во синоќа ја погоди Панама предизвика голема материјална штета, а на социјалните мрежи се шират драматични снимки од оштетени и урнати згради.

Драматични сцени по земјотрес во Панама: Згради се нишаат, оштетени цркви и хотели...

Особена загриженост предизвикуваат сцените од градот Пенономе, оддалечен повеќе од сто километри од епицентарот, каде што се оштетени цркви, хотели и други објекти.

Земјотресот беше почувствуван и во соседните држави, додека надлежните служби продолжуваат да ги проценуваат последиците. Според првичните податоци од Институтот за геонауки при Универзитетот во Панама, земјотресот имал магнитуда од 7, а жариштето било на длабочина од десет километри, на околу 39 километри западно од Тоноси.

Сепак, подоцнежните анализи на меѓународните сеизмолошки институции укажаа на посилно тресење на тлото.

Американскиот геолошки институт (USGS), во еден од своите прелиминарни извештаи, ја процени магнитудата на 7,7 и предупреди на можноста од човечки жртви и голема материјална штета.

Бројни видеа што набрзо се појавија на интернет сведочат за силината на земјотресот. Жителите опишуваат како зградите силно се нишале, предмети паѓале од мебелот, а многумина во страв истрчале надвор од своите домови.

Според информациите објавени од CNN, потврдена е автентичноста на снимките од Пенономе на кои се гледаат тешко оштетени згради.

Меѓу нив е и црква чија камбанарија делумно се урнала, додека оштетен е и дел од надворешната фасада на друга зграда.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Целосно реконструирана улица „9“ во н.м Илинден

Општина Илинден целосно ја реконструираше улица „9“ во населеното место Илинден, капитален инфраструктурен проект од суштинско значење за подобрување на сообраќајната поврзаност, безбедноста и квалитетот на живот на граѓаните.

Целосно реконструирана улица „9“ во н.м Илинден

Со реконструкцијата на улицата во должина од околу 1.200 метри и широчина од 6 метри, со изградбата на тротоари од двете страни, како и со уредување на водоводната и канализационата мрежа и останатата подземна инсталација, се заокружува еден капитален инфраструктурен зафат со кој се унапредуваат условите за одвивање на сообраќајот и движење на пешаците.

Улица „9“ претставува важна сообраќајна артерија која поврзува повеќе населени места и патни правци. Нејзината важност е дополнително нагласена и со фактот што долж неа се наоѓаат објекти од јавен интерес кои секојдневно ги користат голем број граѓани, меѓу кои зградата на Општина Илинден, ООУ „Гоце Делчев“ и Домот на култура „Илинден“.

„Реализацијата на овој проект е дел од континуираните активности на Општина Илинден за реконструкција, модернизација и унапредување на локалната инфраструктура. Преку вложувањата во улиците и патната мрежа, Општината создава подобри услови за секојдневно движење, полесна пристапност до јавните објекти и поефикасно поврзување на населените места.“ – истакна градоначалникот на Општина Илинден, Александар Георгиевски.

Општина Илинден продолжува со реализација на проекти насочени кон развој на локалната инфраструктура, унапредување на комуналните услови и создавање современа, безбедна и квалитетна средина за живеење за сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер