Балкан

Речиси илјада заболени во Србија од коронавирус

Во последните 7 дена корона вирусот е потврден кај 964 лица, што е за 278 повеќе позитивни тестови во споредба со минатата недела.

Истовремено, од минатиот четврток до денеска тестирани се 5.647 лица, што е за речиси 1.000 повеќе од претходните 7 дена, кога биле тестирани 4.705 лица.

За среќа нема починати лица, а во болниците во моментов нема хоспитализирани лица.

Од првиот случај на Ковид 19 во Србија до денеска, се обработени 13.068.145 тестови, од кои 2.547.846 биле позитивни.

Во Србија пристигна подваријантата на сојот омикрон, Ерис, која бил дијагностицирана во областа Јужнобачка при рутински надзор на овој вирус.

- Центарот за вирусологија на Институтот за јавно здравје во Војводина го идентификуваше присуството на варијантата Омикрон, под-варијанта ЕГ.5 (Ерис) со анализа на геномот на вирусот САРС-КоВ-2 со помош на методот на секвенционирање на новата генерација - се наведува во соопштението на Институтот.

Се додава дека истиот е идентификуван од примерок од биолошки материјал кој е обезбеден на 30.08.2023 година, како дел од рутинскиот надзор на Ковид-19 на територијата на Јужнобачкиот округ – се наведува во соопштението на Институтот.

Светската здравствена организација (СЗО) објави дека оваа подваријанта не претставува голема закана за јавното здравје и дека нема докази дека предизвикува потешки форми на болеста во споредба со другите циркулирачки соеви.

Симптомите на оваа варијанта не се разликуваат од другите, а тоа се треска, кашлица која не престанува, промени во сетилото за вкус и мирис, замор, течење на носот, болки во грлото,пишува српски Телеграф.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.