Реал продава шестмина фудбалери за да купи две суперѕвезди - Канал 5

Фудбал

Реал продава шестмина фудбалери за да купи две суперѕвезди

Сите големи клубови имаат големи финансиски проблеми поради пандемијата на коронавирус, но и покрај тоа Реал Мадрид планира два големи трансфери ова лето.

Реал продава шестмина фудбалери за да купи две суперѕвезди

„Мундо Депортиво“ пренесува дека во Мадрид имаат план да ги донесат 22-годишниот Килијан Мбапе и две години помладиот Ерлинг Халанд. Со нив, Реал планира да изгради тим за следните сезони. Во Мадрид, според истиот извор, не би биле задоволни со само еден реализиран трансфер, туку ги сакаат и двајцата. Сепак, постои можност Мбапе да почека една година затоа што има договор со ПСЖ до 2022 година, а потоа би можеле да го добијат без обештетување.

Многу поголем проблем за Реал е реализацијата на трансферот на Халанд, бидејќи норвешкиот напаѓач има договор до 2024 година и Борусија бара дури 180 милиони евра за него. Да се ​​донесе Халанд, кого го бара најголемиот ривал на Реал, Барселона, Мадрид ќе продаде неколку играчи.

Прв на списокот на оние што заминуваат е Герет Бејл. Велшанецот оваа сезона игра како позајмен играч во Тотенхем, а Реал не го сака назад затоа што има плата од дури 15 милиони евра по сезона. Самиот Рафаел Варан кој побарал трансфер, одбива да го продолжи договорот и сигурно ќе го напушти Мадрид ова лето. Заминува и Иско, кој игра се помалку.

Веројатно ќе заминат и Серхио Рамос и Марсело, двете легенди на Реал. Преговорите со Рамос околу новиот договор се прекинати, а Реал исто така сака да се ослободи од платата на Марсел затоа што планира да користи помлади играчи на негово место.

Еден Азар не ги оправдал парите што ги вложи Реал за да го донесе, па го изгубија трпението со него во Мадрид и ќе го продадат што е можно поскоро, а планираат да соберат пари за Халанд и Мбапе во Реал и со продажба на Винисиус, младата бразилска ѕвезда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

66 годишен кумановец почина на Клиниката за инфективни болести во Скопје од западнонилска треска

На Клиниката за инфективни болести во Скопје почина 66- годишен од западнонилска треска, објави директорот Фадил Цана. 

66 годишен кумановец почина на Клиниката за инфективни болести во Скопје од западнонилска треска

Пациентот бил со коморбидитети, односно имал и други болести. Директорот Цана изјави дека 66-годишниот пациент бил 28 дена хоспитализиран на оваа клиника и бил со потешка клиничка слика.

Цана информираше дека досега биле хоспитализирани 66 пациенти, сега во моментов 11 се на Инфективна, од кои едно лице е во потешка состојба. Последен прием на лице со западнонилска треска на Инфективна е од 19 септември, односно овој викенд.

Последниот е деветти смртен случај на западнонилска треска во државава, а сите починати досега се мажи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈО: Мексиканец осомничен за напад врз полицаец во Скопје

Основното јавно обвинителство Скопје поведе постапка против мексикански државјанин поради сомнение дека сторил кривично дело – кривично дело – Напад врз службено лице при вршење работи на безбедноста.

ЈО: Мексиканец осомничен за напад врз полицаец во Скопје

Основното јавно обвинителство Скопје поведе постапка против мексикански државјанин поради сомнение дека сторил кривично дело – кривично дело – Напад врз службено лице при вршење работи на безбедноста од член 383 став 1 од Кривичниот законик.

На 19 септември, за време на манифестацијата „Октобер Фест – звуците на културата“, во паркот „Ѓорче Петров“, осомничениот телесно повредил полициски службеник кој се обидел да го легитимира. Го удрил полицаецот со лименка пиво во главата, а потоа повторно физички го нападнал и го удирал по рацете кога полицаецот сакал да го приведе.

Имајќи предвид дека се работи за лице без пријавен престој во државава, јавниот обвинител оцени дека постои ризик од бегство и до судијата на претходна постапка достави предлог за определување мерка притвор за 31-годишниот осомничен, соопштија од Јавното обвинителство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдено е: Си на средба со Трамп

 Кина потврди дека претседателот Си Џинпинг ќе оствари државна посета на Соединетите Држави, соопшти кинеското Министерство за надворешни работи. 

Потврдено е: Си на средба со Трамп

Кинескиот лидер ќе престојува во САД од 23 до 25 септември, на покана на американскиот претседател Доналд Трамп.

Првиот човек на САД, Трамп го покани Си во Белата куќа на 24 септември, за време на неговата посета на Пекинг во средината на мај.

Оваа посета ќе биде прва посета на Си Џинпинг на САД од 2023 година, кога тој отпатува во Калифорнија за состанокот на форумот за Азиско-пацифичка економска соработка (APEC) и се сретна со тогашниот американски претседател Џо Бајден.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер