81 година од стрелањето на 12те ваташки младинци.
![](/uploads/20 - Copy 368.jpg)
Со положување на цвеќе и пригодна културно уметничка програма им беше оддадена почит на 12те ваташки младинци.
Со свој говор кон присутните се обрати и градоначалникот Митко Јанчев:
![](/uploads/21 - Copy 578.jpg)
"Почитувани присутни,
Од 15 до 28 години имаа 12те млади ваташани кои на 16ти јуни далечната 1943та година на исклучително бесчувствителен и ѕверски начин ги изгубија своите животи, токму на ова место каде што сме денес.
Ако се навратиме 7 години наназад. Сигурно сите се сеќаваме во каква состојба беше оваа локација. Го реконструиравме споменикот, хортикултурно го уредивме целиот простор, го опремивме со урбана опрема. Денес ова е едно од омилените излетнички места на младите и децата.
Изминатата година ги поставивме 12 те бисти на 12те ваташки младинци и ја отворивме спомен собата во нивна чест.
![](/uploads/24 - Copy 422.jpg)
Сето ова е најмалку што можеме да направиме за нивната дадена жртва, за нивниот даден живот за нашата Македонија.
"Смртта стана немоќна пред нашата младост исправена, пред очите наши загледани уште тоа утро во иднината."
Овие зборови се испишани на овој споменик да сведочат за овој крвав злочин.
![](/uploads/22 - Copy 628.jpg)
![](/uploads/23 - Copy 519.jpg)
Никогаш да не ги заборавиме страдањата на овие 12 младинци, никогаш да не заборавиме дека тие, својот живот го дадоа за ова што сме ние денес. За слободата која денес ја имаме.
Слава им. ", истакна Јанчев во својот говор.