Реал и Севилја во дуел за европскиот Супер куп - Канал 5

Фудбал

Реал и Севилја во дуел за европскиот Супер куп

Шпанските екипи Реал Мадрид и Севилја вечерва во норвешкиот град Трондхајм, ќе го играат натпреварот во УЕФА Супер купот.

Реал и Севилја во дуел за европскиот Супер куп
Реал како актуелен европски шампион и Севилја која изминатите три сезони доминира во Лига Европа, вечерва по втор пат ќе се сретнат во дуелот за првиот трофеј во новата натпреварувачка сезона.

Реал Мадрид се соочува со проблеми во пресрет на овој меч, бидејќи поради повреди Зинедин Зидан не ќе може да смета на Кристијано Роналдо и голманот Кејлор Навас, додека продолжен одмор поради настапот на ЕУРО 2016 добија Герет Бејл, Тони Крос и Пепе.

Единствената добра вест во случајов е тоа што Карим Бензема е подготвен да заигра, а нему најверојатно друштво во нападот ќе му прави Алваро Мората, кој летово се врати во редовите на „Кралевите“.

За Севилја ова ќе биде трето во низа учество во Супер купот. Во 2014 година во Кардиф, Севилја загуби од Реал со 2-0 со головите кои ги постигна Роналдо. Една година подоцна играше и против Барселона од која беше поразена на дуелот во Тбилиси со 5-4 по продолженијата. Севилја и во 2007 година остана без овој трофеј откако загуби од Милан со 3-1 на натпреварот одигран во Монако.

Сепак андалузиската екипа се надева дека ќе може да го повтори успехот од 2006 година кога ја победи Барселона со 3-0 и го освои досега единствениот трофеј во Супер купот.

Натпреварот Реал – Севилја ќе започна во терминот од 20 часот и 45 минути.

Потсетување дека домаќин на следниот дуел од УЕФА Супер купот во 2017 година ќе биде Скопје, односно Националната Арена „Филип Втори Македонски“. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Швајцарија ги обновува односите со Северна Кореја

Швајцарскиот министер за надворешни работи, Игнацио Касис, во Пјонгјанг се сретна со својата севернокорејска колешка, Чое Сон Хуи.

Швајцарија ги обновува односите со Северна Кореја

Главна тема на разговор беа безбедносните предизвици што влијаат врз Европа и Азија, а посетата на Касис беше организирана по повод официјалното повторно отворање на швајцарската дипломатска канцеларија во Северна Кореја, пренесува Ројтерс.

На платформата „X“, Касис објави дека со министерката Чое разговарал за нормализирање на политичките односи и за обновување на политичкиот дијалог меѓу двете земји. Тој додаде дека разговарале и за безбедносните прашања на Корејскиот Полуостров, како и за пошироките безбедносни предизвици во евроазискиот регион.

Канцеларијата во Пјонгјанг повторно е активна

Швајцарската канцеларија во Пјонгјанг започна со работа на 19 октомври. Таа е поврзана со швајцарската амбасада во Пекинг, која продолжува да ги води сите дипломатски и конзуларни работи со Северна Кореја.

Тагови: Северна Кореја Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вториот круг од вонредните локални избори во Општина Брвеница помина без инциденти

Министерството за внатрешни работи ја информира јавноста дека вториот круг од вонредните локални избори во Општина Брвеница заврши без нарушување на јавниот ред и мир и без регистрирани инциденти.

Вториот круг од вонредните локални избори во Општина Брвеница помина без инциденти

Во текот на целиот ден, МВР преземаше соодветни мерки и активности во рамки на своите надлежности, со цел обезбедување непречено и безбедно одвивање на изборниот процес, заштита на безбедноста на граѓаните и одржување на поволна безбедносна состојба.

Тагови: инциденти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изминатата седмица санкционирани 120 непрописно паркирани возила на територија на општина центар

ЈП Паркинзи на Општина Центар во периодот од 26.10 до 01.11.2026 година, со помош на специјалните возила „Пајак“ отстранија 120 непрописно паркирани возила кои го попречувале нормалното и безбедно одвивање на сообраќајот.

Изминатата седмица санкционирани 120 непрописно паркирани возила на територија на општина центар

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ во наредниот период ќе продолжи со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

ЈП Паркинзи на Општина Центар

Тагови: ЈП ПОЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер