Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лекарот не е врз пациентот во операциона сала туку на страна, седи и управува со роботските раце кои нудат милиметарска прецизност, помалку болка и побрзо закрепнување на пациентите. Вака изгледаат првите операции на Урологија со роботика или роботска асистенција извршени врз четворица пациенти над 60 годишна возраст на кои им е отстранет карцином на простата. Сите се добри и наместо подолго време време да лежат во болница за неколку дена ќе бидат пуштени дома, вели д-р Башким Шабани, Директор на Урологија кој учествувал во операциите.

Применети се две методи на оперирање со робот апаратот, вели Директорот Шабани, и планот е во иднина да продолжи едукацијата за работа со овој апарат на робот кој не оперира туку асистира и е од Кина и чини околу 1,8 милиони евра. Засега овој апарат е во Македонија но не е набавен, роботот е донесен привремено.

Во четирите операции под менторство на проф. Гу Ди освен Директорот д-р Шабани како научен соработник, во робот асистираните операции вклучени се и проф. д-р Огнен Ивановски, доцент д-р Александар Трифуновски и д-р Оливер Станков како научен соработник.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Физичките лица ќе може да поседуваат најмногу 10 парчиња оружје и да купат до 500 куршуми годишно, ерсофт и пејнтбол направите за спортски игри ќе мора да се пријават, листата на забранети оружја ќе се прошири, а ќе се воведат и построги правила за трговија и трансфер.. Ова се дел од новините кои се предвидени со новиот закон за оружје кој го предлага Владата со европско знаменце. На јавната расправа со собранието од МВР порачаа дека целиот текст е скроен за усогласување со ЕУ регулативата, да се намалат ризиците за јавната безбедност и да се стави крај на досегашните проблеми во пракса.

-Овој закон не е пишуван зад затворени врати. Гласот на луѓето кои секојдневно работат со оружјето – ловците, стрелците, стопанствениците, е вграден во решението што го предлагаме. Главните придобивки може да ги сублимираме во три зборови – побрзи процедури, зајакната безбедност и подобри услуги за граѓаните.Јован Алтанџиев помошник министер за граѓански работи.

Засегнатите организации како комората за приватно обезбедување, стрелачката и ловечката федерација, ги кажаа своите критики во Собранието. Дел од нив целат дека воопшто не биле повикани за консултација кога се пишувал законот, други пак забележаа дека се воведуваат неприменливи правила.

-Зошто за некое оружје за кое се бара само потврда а не и дозвола за набавка, треба да има дозвола за носење? Во овој случај ние сметаме дека е сосема доволен налогот за носење оружје и легитимацијата бидејќи работниците за приватно обезбедување додека стигнат до моментот на легитимација тие веќе ја поминале обуката за ракување со оружје.Верица Милевска Стефановска - Комора за приватно обезбедување.

-Успеавме да се зголеми годишната количина на муниција и истата да се купува без одобренија за имателите на оружје, додека истата да биде неограничена за активните спортски натпреварувачи. Исто така голем бенефит е дигитализацијата за поднесување барање за оружје и муниција.Јордан Тасевски –Македонска спортска стрелачка федерација.

-После неколку децении исчезнаа зборовите пневматско и тетивно оружје, а останаа само зборовите огнено оружје, што не е фактичка ситуација бидејќи во оплимписките спортови се употребува и огнено и пневматско и тетивно и ладно оружје,-Владимир Пандовски – дипломиран детектив.

Постоечкиот закон за оружје е донесен во 2005 година и е менуван 15 пати. МВР одлучило овојпат да изготви целосно нов текст бидејќи поголемиот дел не бил во согласност со европските критериуми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.