Според Европскиот центар за превенција и контрола на болести (ECDC), скандинавската земја вчера имала кумулативна 14-дневна стапка на нови случаи од 22,2 на 100,000 жители. За споредба, Шпанија има стапка од 279, Франција 158,5, Чешка 118, Белгија 77, Велика Британија 59 и сите споменати земји на пролет, за разлика од шведскиот благ пристап, имаа целосен карантин, пишува Гардијан.
Дури 23 од 31 европска земја следени од ЕЦДЦ имале повисоки стапки на инфекција. Новите случаи, сега пријавени во Шведска од вторник до петок, се појавуваат на приближно ниво како на крајот на март, а податоците на националната агенција за јавно здравје покажуваат дека само 1,2 проценти од минатонеделните 120 000 тестови биле позитивни.
Шведска исто така има помалку нови инфекции дневно од нејзините нордиски соседи Норвешка и Данска. Во моментов има 15 пациенти со ковид-19 на интензивна нега во шведските болници.
"Немаме ново ширење на инфекцијата како што имаат многу други земји. На крајот, ќе ја видиме разликата помеѓу стратегијата што е одржлива и што може да се следи на долг рок, наместо стратегија што носи целосен карантин, потоа отворање, па повторно карантин", рече тој. Андерс Тегнел, главниот епидемиолог во Шведска и архитект на стратегијата за намалување на ударот, за француската телевизиска станица Франс-24, додава дека неговата земја е генерално задоволна од целокупната стратегија.
За разлика од многу земји, Шведска ги затвори училиштата за ученици постари од 16 години, но не и за помладите, инсистирајќи да посетуваат настава. Училиштата и универзитетите сега се повторно отворени. Забранети се и собири на повеќе од 50 лица, а самоизолацијата се препорачува за лица постари од 70 години и ризични групи. Од шведското население од 10 милиони беше побарано, но не беше наредено да држат физичка дистанца и да работат од дома, ако е можно, што мнозинството го прифати. Продавниците, баровите, рестораните и спортските сали останаа отворени, а маските се уште не се препорачуваат, пишува Гардијан.
Тегнел инсистираше на тоа дека целта не е брзо да се постигне имунитет на стадо, туку да се забави ширењето на вирусот за здравствените служби да можат да се справат со пандемијата. Сепак, тој исто така рече дека стратегијата на Шведска се покажала како поодржлива на долг рок. Овој пристап се најде на удар дома и во странство на почетокот на оваа година, како што растеше бројот на смртни случаи. Со 574 смртни случаи од коронавирус на милион жители, Шведска има стапка пет пати поголема од Данска и 10 пати поголема од Норвешка и Финска, но пониска од некои земји што воведоа карантин, како што се Велика Британија, Шпанија и Италија.
Тегнел изјави за Франс-24 дека високата стапка на смртност не е поврзана со целокупната стратегија, туку со неуспехот да се спречи катастрофалното ширење на вирусот во домовите за стари лица, во кој се случија повеќето од 5846 смртни случаи во Шведска. „Се разбира, таму нешто тргна наопаку“, рече Тегнел.
Владата вчера објави дека ја укинува забраната за посета во домовите за стари лица, што беше воведена на 1 април, заклучно со октомври. "Ризикот е да се укине забраната. Сакам сега сите да преземат одговорност ", рече министерката за социјални работи Лена Халергрен.
Јохан Карлсон, директор на Шведскиот институт за јавно здравје, минатата недела рече дека стратегијата е успешна затоа што пораките до јавноста се јасни и доследни и ја потенцираат личната одговорност: „Целта на нашиот пристап е луѓето да ја разберат потребата да ги следат препораките и упатствата „Нема други трикови пред да станат достапни медицински мерки, особено вакцините. Шведското население го прифати предизвикот.“.
"Стратегијата на Шведска е конзистентна и одржлива. Веројатно сега имаме помал ризик од ширење на инфекцијата отколку другите земји", рече Јонас Лудвигсон, професор по епидемиологија на престижниот институт ,,Каролинска” во Стокхолм.
Франција во саботата имала 10561 нови случаи за еден ден, најмногу од почетокот на пандемијата. Шпанија исто така забележа алармантно зголемување, со што стана прва европска земја на почетокот на септември со вкупно над 500.000 заразени. Чешка објави најголемо дневно зголемување на бројот на новоинфицирани трет ден по ред во неделата, а Велика Британија исто така забележа поголем број на дневни случаи, заклучи Гардијан.