Балкан

Радев: Оставка на Владата на Бугарија е неодложна, предвремени избори се единствен излез (ВИДЕО)

Вчерашниот протест во Софија и низ цела Бугарија, како и нередите во главниот град во доцните вечерни часови, предизвикаа бројни коментари и реакции и денеска, јавува бугарската агенција БТА.

Организатори на протестот беа од коалицијата „Продолжуваме со промената – Демократска Бугарија“ (ПП–ДБ), а повод беше предлог-буџетот за следната година. Барањето за повлекување и преработка на Буџетот за 2026 година последователно прерасна во барање за оставка на Владата.

Радев: Оставката е неодложна

Бугарскиот претседател Румен Радев денеска во обраќање до бугарскиот народ изјави дека оставката на Кабинетот е неодложна, а предвремените избори се единствениот пат напред.

- На Бугарија ѝ е потребна реална промена што ќе доведе до оздравување на државноста. Тоа е нешто што сегашната власт не може да го направи, изјави тој.

Радев ги коментираше протестите против предлог-буџетот, нагласувајќи дека тие опфаќаат луѓе од сите генерации и се израз на граѓански став. - Обидите протестот да се претстави како бунт против буџетот го потценуваат самиот настан. Тврдењата дека ова е бунт само на младите го омаловажуваат процесот. На плоштадот беа луѓе од сите генерации, рече претседателот на Бугарија.

Тој заклучи дека на Бугарија ѝ е потребна радикална и реална промена што ќе ја врати довербата во институциите и правото.

Премиерот Жељазков го повлече Буџетот

Премиерот Росен Жељазков изјави дека протестите против буџетот за 2026 година имаат социјален и човечки карактер и се израз на потрагата по повеќе права, демократија и правда. Ова тој го изјави по состанокот на Заедничкиот совет за управување во врска со вчерашните протести.

- Немаме право да се повлечеме без буџет неколку недели пред влезот на Бугарија во еврозоната. Ќе абдицираме последни, но тоа не значи дека сме инаетчии – начинот на кој го покажуваме тоа е со признавање на грешката и повлекување на буџетот, изјави премиерот.

На новинарско прашање за барањето за негова оставка и смена на министерот за внатрешни работи, тој одговори: „Сите варијанти постојат бидејќи тоа се политички одлуки, но на прагот на еврозоната немаме право да абдицираме“.

Жељазков ги пофали полициските службеници. - Постоеја грешки од организаторите – протестот требаше да биде митинг, Град Софија не го одобри маршот. Без оглед на тоа, полицијата реагираше многу адекватно и не дозволи да се реализира намерата на организаторите на овој вандализам, оцени бугарскиот премиер.

- Го поддржуваме протестот како форма на граѓански став, но не и тој да ескалира во тензии, изјави за новинарите Никола Скорчелиев, претседател на Младината на ГЕРБ - Софија.

Реакции на опозицијата

„Продолжуваме со промената – Демократска Бугарија“ ( ПП–ДБ најавија дека в петок поднесуваат барање за гласање недоверба кон кабинетот на Жељазков. Лидерот на ПП, Асен Василев, вети дека следната недела, за време на дебатите во пленарната сала, ќе има уште поголем протест за да се каже „доста е“ и да се даде „шанса на иднината на Бугарија“.

Од „Да, Бугарија“ изјавија дека Владата нема легитимитет и мора веднаш да поднесе оставка за да се оди на избори. Ивајло Мирчев од партијата истакна дека оставката на Владата не може да го спречи влезот на Бугарија во еврозоната, бидејќи земјата веќе е во еврозоната.

Лидерот на „Преродба“, Костадин Костадинов, изјави дека протестите мора да продолжат додека коалицијата не биде принудена да поднесе оставка. Тој ја спореди корупцијата со „дијагнозата рак“.

Дељан Пеевски, лидер на ДПС – Нов почеток, на Фејсбук напиша: „Радев го откри своето вистинско лице! Нема да дозволиме анархијата и хаосот да ја освојат Бугарија... Нема да бидеме скршени од вашата агресија!“

Од „Алијанса за права и слободи“ (АПС) се приклучуваат кон барањата за оставка на Владата и повикуваат на итни законски мерки за обезбедување фер, вонредни парламентарни избори.

На крајот, вицепремиерот и претседател на БСП, Атанас Зафиров, рече дека со повлекувањето на буџетот, социјалните права ќе бидат зачувани, а новата процедура дава шанса да се вклучат работи кои не успеале да се договорат во стариот буџет.

Тагови: Бугарија Радев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Најмалку петмина загинати во страшна сообраќајка во Анталија, трудница меѓу повредените (ВИДЕО)

Во страшна сообраќајна несреќа што се случи во населбата Манавгат во Анталија, Турција, пет лица го загубија животот кога нивниот автомобил падна во клисура.

Двајца повредени се однесени во болница, од кои едната е наводно бремена жена , објави Хабер.

Голема трагедија се случи кога автомобил изгуби контрола и падна во клисура во населбата Манавгат во Анталија. Според првичните информации, пет од седумте лица во возилото го загубија животот, додека две се тешко повредени.

Несреќата се случила на патот Ташагил - Деребучак, во близина на населбата Бејдигин. Автомобилот, кој ја изгубил контролата од возачот, паднал во клисура покрај патот.

View this post on Instagram

A post shared by Nokta Gazetesi (@noktagazetesi)

5 лица го загубија животот

Откако граѓаните што ја виделе несреќата ја пријавиле во центарот за итни повици 112, на местото на настанот биле испратени медицински екипи, пожарникари, членови на AFAD и жандармеријата. Екипите што се спуштиле во бездната и веднаш стигнале до возилото утврдиле дека пет лица во автомобилот го загубиле животот.

Двете лица што биле повредени во несреќата биле префрлени во болница со брза помош откако добиле прва помош на лице место.

Гувернерот на Анталија, Хулуси Шахин, во својата изјава во врска со несреќата изјави дека во возилото имало вкупно седум лица, од кои пет починале.

Antalya Valisi Hulusi Şahin, Manavgat'ta 5 kişinin hayatını kaybettiği kazaya ilişkin açıklama yapıyor.https://t.co/SHChgZBfmd
— TRT Haber Canlı (@trthabercanli) July 26, 2026

Гувернерот Шахин изјави дека една од повредените лица префрлени во болница била бремена и истакна дека екипите продолжуваат со истрагата и спасувачката работа на местото на настанот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Четворица дилери на дрога се уапсени во Куманово

Претрес во Куманово, пронајдена дрога, лишени од слобода четири лица.

На 25.07.2026, полициски службеници од СВР Куманово ги лишија од слобода Д.И.(55), М.И.(26), Р.А.(50) и А.П.(46), сите од Куманово. При претрес во домот на Д.И., извршен со судска наредба во 14:00 часот, кој не бил дома, а биле затекнати неговиот син М.И., неговиот пријател Р.А. и пријателката А.П., биле пронајдени и одземени прашкаста материја, дигитална вага, предмети со остатоци од бела прашката материја, метадон и други предмети.

По преземени мерки, во 17:30 часот на Спомен костурница во Куманово бил пронајден и Д.И. и кај него биле пронајдени и одземени предмети со остатоци од прашкаста материја, дробилка и други предмети. По целосно документирање на случајот, против нив ќе следува соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Владата продолжува со силна поддршка за развој на Скопје, следува набавка на нова комунална опрема и електрични автобуси

„Јас сакам само да упатам честитки на работата на градоначалникот бидејќи би рекол за овие неколку месеци се направија големи чекори во проекти коишто беа до никаде.“

„Јас сакам само да упатам честитки на работата на градоначалникот бидејќи би рекол за овие неколку месеци се направија големи чекори во проекти коишто беа до никаде, односно беа заглавени и со посветена работа, можам да кажам дека за овие неколку месеци откако Орце е градоначалник се гледа огромен напредок, еве како што самите слушнавте до Нова година очекуваме не само овој проект туку уште други 2, па и би рекол 3 проекти ќе бидат завршени.

Тука би сакал уште еднаш да додадам дека Градот Скопје од Владата исто така треба да добие до Нова година камиони, цистерни и метларки за подобра хигиена. Тендерот тука е завршен, мислам и дека оние формални процеси со царина и слично се завршени.

Таму некаде до крајот на август месец денеска разговарав со потпретседателот на Влада и министер за транспорт ќе можеме да направиме промоција и на таа опрема се разбира бидејќи таа опрема нема да добие само Скопје туку и уште неколку други поголеми општини низ државата, исто така сега е процесот на жалби.

Очекувам и тој да заврши како процес и да се добијат новите автобуси електрични што исто така ќе ги добие Градот Скопје, но и другите општини низ државата, така што се интензивираат активностите, се работата проектите, се реализирано она коешто е ветено.

За жал, не можеме преку ноќ сето она коешто со децении е уништувано да го поправиме, но се разбира со фокусирана работа, со посветена работа гледате дека и тие работи што се невозможни стануваат реалност и стануваат возможни.

Благодарам на советниците коишто ја поддржуваат работата на градоначалникот, на администрацијата на Град Скопје, на колегите од Владата, на сите коишто се вклучени во реализирањето на овие проекти, тука пред сè мислам на градоначалниците во Градот Скопје.

Ние како Влада ќе продолжиме и понатаму да ги поддржуваме општините, а јас сум убеден дека Орце онаков каков што е карактер, уште попосветено, иако и сега е максимално посветен, уште попосветено ќе продолжи да ги реализира проектите коишто наумил да ги реализира, а се приоритет на Скопје.“, рече премиерот Христијан Мицкоски при увидот на градежните работи на клучката Момин поток во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.