Екипата на Работнички во финалето на 23-тото издание на Купот на Македонија, одиграно вечерва на арената „Филип Втори’’ во Скопје, го победи Тетекс со 2:1.
Тетекс во финишот на првото полувреме, односно 45-минута, со голот на Чурлинов поведе со 1:0.
Во второто полувреме, Работнички заигра многу поофанзивно, а таквата игра резултираше со гол на Баже Илиоски во 68-минута за израмнување на 1:1.
Само две минути подоцна (70), Тетекс остана со играч помалку на теренот, откако Стојановски го заработи вториот жолт картон, автоматски црвен.
Тоа го искористија фудбалерите на Работнички и со голот на Марјан Алтипермаковски во 73-минута дојдоа до предност од 2:1, што беше и конечен резултат на финалниот меч.
За ''Романтичарите'' ова е четврти триумф во националниот Куп.
Првите два ги освоија 2008-ма и 2009-та година, а и овој пат, двапати во низа стигнуваат во трофејот, 2014-та и 2015-та година.