Путин во двочасовен говор ја оправда инвазијата на Украина: Западот е креатор на конфликтот - Канал 5

Свет

Путин во двочасовен говор ја оправда инвазијата на Украина: Западот е креатор на конфликтот

Бајден во Варшава во мисија за зацврстување на источното крило на НАТО, Путин во Москва во обид да ја убеди нацијата дека Русија не е виновна за војната во Украина.

Путин во двочасовен говор ја оправда инвазијата на Украина: Западот е креатор на конфликтот

Во дво часовниот говор во рускиот парламент, исполнет со закани и патриотски пораки, Путин ги обвини западните земји дека се креатори на конфликтот, а Украина заложник на западните партнери. Порача дека Москва привремено се повлекува од Договорот за контрола на нуклеарното вооружување Нов СТАРТ потпишан со Вашингтон и предупреди дека ќе ги рестартира нуклераните тестирања доколку и САД го сторат тоа.

-Стрпливо преговаравме за мирно решавање на овој тежок конфликт, но зад наш грб се подготвуваше потполно поинакво сценарио. Објаснувањата на западните лидери беа лажни, тие купуваа време и ги затвораа очите пред политичките убиства и репресијата на режимот во Киев. , изјави Владимир Путин, претседател на Русија.

Во дво часовниот говор доби 53 аплаузи, од кои четири стоечки со овации. Медиумите пресметаат: зборот „запад“ го изговорил 24 пати, Украина 19, Америка 11 пати. Оцени дека западните санкции влијаеле, но дека ни одблиску не ги постигнале посакуваните ефекти и очекувања руската економија да падне за 25 проценти.

-Иницијаторите на санкциите всушност се казнуваат себе си. Предизвика во својата земја пораст на цените, губење работни места и енергетска криза. На своите граѓани има велат – виновни за тоа се Русите. Антируските санкции се само средство, но целта, како што самите западни земји декларираат, е да ги натераат нашите граѓани да страдаат. , изјави Владимир Путин, претседател на Русија.

Вашингтон и Нато пораките на Путин за оправдувањето на инвазијата ги нарекоа апсурдни.

-Фактите се јасни за сите. Никој не ја нападна Русија. Русија е агресор, а Украина е жртва на агресија. , изјави Јенс Столтенберг, генерален секретар на НАТО.

По вчерашната ненајавена посета на Киев, американскиот претседател Бајден денеска е во Варшава, каде на средби со полскиот претседател Дуда и со лидерите од источниот блок на НАТО, според најавите, уште еднаш ќе ја реафирмира поддршка за Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ерупција на вулканот Анук Кракатау: Прекинат е сообраќајот на аеродромот во Џакарта (ВИДЕО)

Меѓународниот аеродром Соекарно-Хата во Индонезија ја продолжи суспензијата на летовите до недела во 9:30 часот по локално време (02:30 GMT) поради вулканска пепел .

Ерупција на вулканот Анук Кракатау: Прекинат е сообраќајот на аеродромот во Џакарта (ВИДЕО)

Меѓународниот аеродром Соекарно-Хата во Индонезија ја продолжи суспензијата на летовите до недела во 9:30 часот по локално време (02:30 GMT) поради вулканска пепел предизвикана од тековната ерупција на вулканот Анак Кракатау, соопшти главниот аеродром во Џакарта на Инстаграм.

Прекинот на сообраќајот претходно беше планиран до 5:30 часот наутро, што влијаеше на 33 летови, вклучувајќи неколку меѓународни, соопшти индонезиското Министерство за транспорт.

Вулканот еруптира од петокот

Вулканот Анак Кракатау еруптира со денови, а вулканска пепел беше забележана на аеродромот рано во неделата, според соопштението.

Агенцијата за ублажување на катастрофи во саботата објави дека нема непосредна опасност од цунами предизвикано од вулканот.

Тагови: вулкан Џакарта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер пристигнаа во Киев, прв пат од почетокот на војната

Специјалните претставници на американскиот претседател, Стив Виткоф и Џаред Кушнер, денеска пристигнаа во Киев, што е нивна прва посета на Украина од почетокот на руската инвазија. 

Виткоф и Кушнер пристигнаа во Киев, прв пат од почетокот на војната

Нивното пристигнување доаѓа по значајната средба со рускиот лидер Владимир Путин во Москва.

Виткоф и Кушнер патуваа со воз од Полска, каде што претходно слетаа во Жешов. Нивната посета на Киев доаѓа во време кога Украина ја нагласува важноста на конструктивните и суштинските разговори со САД, според претседателот Володимир Зеленски.

Специјалните претставници беа во Москва вчера, каде што се сретнаа со Путин. Разговорите траеја повеќе од три часа, што укажува на сложеноста и важноста на дискусиите што се водат во контекст на сегашните геополитички тензии.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Финец пријавил дека некој пукал во неговиот Мерцедес, паркиран на Бит Пазар, најдени се два куршуми

Фински државјанин синоќа пријавил дека му е оштетено ветробранското стакло на Мерцедесот, кој бил паркиран на Бит пазар во Скопје. 

Финец пријавил дека некој пукал во неговиот Мерцедес, паркиран на Бит Пазар, најдени се два куршуми

На 05.09.2026 во 19:33 часот во СВР Скопје, А.М.(30) од Финска пријави дека околу 19:10 часот на подрачјето на Бит Пазар во Скопје, му било оштетено ветробранското стакло на неговото паркирано патничко возило „мерцедес“ со фински национални ознаки.

Тој пронашол едно зрно од огнено оружје во внатрешниот дел на возилото и едно зрно надвор од возилото.

Извршен е увид од увидна екипа на СВР Скопје и се преземаат мерки за расчистување на случајот, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер