Првите живи роботи на светот може и да се размножуваат (ВИДЕО)

Американските научници кои ги создале првите живи роботи велат дека животните форми познати како ксеноботи сега можат да се репродуцираат, на начин непознат за растенијата и животните.

Формирани од матичните клетки на африканската канџи жаба (Xenopus laevis) по која се именувани, ксеноботите се помали од еден милиметар.

Овие зрнца првпат биле претставени во 2020 година, откако експериментите покажале дека можат да се движат, да работат заедно во групи и да се самолекуваат. Сега научниците од Универзитетот во Вермонт, Универзитетот Тафтс и Институтот за биолошки инспирирано инженерство на Универзитетот Харвард објавија дека откриле сосема нова форма на биолошко размножување, различно од кое било животно или растение познато на науката, пишува CNN.

„Бев изненаден од тоа. Жабите имаат свој начин на репродукција, но кога ќе ги одвоите клетките од остатокот од ембрионот и ќе им дадете шанса да разберат како да преживеат во нова средина, тие не само што ќе најдат нов начин да се движат, туку и нов начин за репродукција“, рече Мајкл Левин , професор по биологија и директор на Центарот за откривање Ален на Универзитетот Тафтс, кој го предводел новото истражување.

Матичните клетки се неспецијализирани клетки кои можат да се развијат во различни типови на клетки. За да направат ксеноботи, истражувачите ги стругале живите матични клетки од ембрионите на жабата и ги оставиле да се инкубираат. Немало манипулација со гени.

„Повеќето луѓе мислат дека роботите се направени од метал и керамика, но не е толку важно од што е направен роботот, туку што прави, или дали работи во корист на луѓето. Во таа смисла, тоа е робот, но очигледно организмот е создаден генетски, од немодифицирани жабји клетки“, вели Џош Бонгард, професор по компјутерски науки и роботика на Универзитетот во Вермонт и главен автор на студијата.

Бонгард рече дека откриле дека ксеноботите, кои првично биле во сферична форма и направени од околу 3.000 клетки, може да се реплицираат. Но, тоа се случувало ретко и само под одредени околности. Ксеноботите користеле „кинетичка репликација“, процес за кој се знае дека се случува на молекуларно ниво, но никогаш претходно не бил забележан на ниво на цели клетки или организми.

Со помош на вештачка интелигенција, истражувачите потоа тестирале милијарди форми на тела за да ги направат ксеноботите поефикасни во овој тип на репликација. Суперкомпјутерот смислил C-облик кој наликува на Pac-Man, видео игра од 80-тите. Откриле дека е способен да пронајде ситни матични клетки во петриевата чинија, а неколку дена подоцна клеточниот сет станал нов ксенобот.

„Вештачката интелигенција не ги програмираше овие машини на начинот на кој вообичаено замислуваме, пишувајќи кодиран процес“, изјави Бонгард за Си-Ен-Ен.

Xenobots се многу рана технологија, нешто како првите компјутери од 1940-тите, и сè уште немаат практична примена. Сепак, оваа комбинација на молекуларна биологија и вештачка интелигенција потенцијално би можела да се користи во низа задачи во телото и околината, тврдат истражувачите. Тие може да вклучуваат собирање микропластика во океаните, проверка на кореновиот систем и регенеративна медицина.

Иако можноста за самореплицирање во биотехнологијата може да биде загрижувачка, истражувачите нагласиле дека живите машини се целосно ограничени на лабораторија и лесно се исклучуваат, бидејќи се биоразградливи и регулирани од експерти за етика. Истражувањето е делумно финансирано од Агенцијата за напредни истражувачки проекти за одбрана, агенција на САД која го надгледува развојот на технологијата за воена употреба.

„Постојат многу работи кои се можни ако го користиме овој тип на пластичност и способноста на клетките да решаваат проблеми“, заклучил Бонгард. Студијата е објавена во понеделникот во рецензираното научно списание PNAS.

Украина: Русија безмилосно гранатира села на југ, луѓето живеат во подруми

Русија се обидува да ја врати изгубената позиција во окупираната област Керсон во јужна Украина, соопштија локалните власти.

"Во регионот Керсон ситуацијата е постојано напната, непријателот е постојано активен. Ситуацијата е особено тешка во населбите лоцирани во близина на линијата на фронтот. Луѓето мора да живеат во подруми или да ги напуштат своите домови", соопшти регионалната државна управа.

„Окупаторите неуспешно се обидуваат да ги вратат загубените позиции и безмилосно ги гранатираат ослободените села“, додаваат од управата.

Српски „Курир“: Од септември во Србија доаѓаат 30 000 работници од Македонија и Албанија

Со „Отворен Балкан-ИД“ од септември во Србија доаѓаат 30 000 работници од Македонија и Албанија.

Наскоро, граѓаните на Србија, Македонија и Албанија ќе можат да се вработат во овие земји со идентификационите броеви на „Отворен Балкан-ИД“ без дополнителни административни бариери. Како што пишува српски „Курир“, „околу 30.000 многу потребни занаетчии, лекари, медицински сестри и техничари од Македонија и Албанија од септември ќе дојдат на работа во Србија без никакви дополнителни документи, работни визи и посебни дозволи“, јави дописникот на МИА од Белград.

Предвидено е граѓанинот кој сака да се вработи во една од овие три земји, да ги внесе своите податоци преку порталот е-Управа и на тој начин да го добие идентификацискиот број на иницијативата „Отворен Балкан“. Секој граѓанин кој ќе пристапи до порталот и ќе го добие тој број ќе може непречено да пристапи до пазарите на трудот во сите три земји, а целта е постапката да биде иста во Србија, Македонија и во Албанија.

Тоа ќе биде овозможено благодарение на иницијативата „Отворен Балкан“ и отворањето на единствениот пазар на труд. Дополнително, според експертите, целиот наш регион ќе стане многу поатрактивен за странските инвеститори, бидејќи полесно ќе најдат работници што им недостасуваат.

Директорот на владината Канцеларија за ИТ и е-Управа, Михаило Јовановиќ за Курир изјави дека сите професии што и се потребни на Србија интересни им се на луѓето од Македонија и Албанија.

-Сметаме дека ќе има работници кои ќе дојдат со завршено високо образование, но и оние кои имаат основно и средно образование. Многу се барани работниците во градежништвото и во областа на земјоделството. Треба да има многу заинтересирани и од областа на здравството, бидејќи платите овде се повисоки. Сепак, уште поважно е што како регион сите ќе станеме многу поинтересни за странските инвеститори, бидејќи побрзо и полесно ќе се дојде до работници, а тоа е една од причините тие да инвестираат во овој дел од Европа, кажа Јовановиќ.

Небојша Атанацковиќ од Сојузот на работодавачи на Србија оцени дека поголем број работници ќе им бидат од корист на работодавците за работни места кои вообичаено се секогаш испразнети.

– Мислам дека граѓаните на Македонија и Албанија во рамките на „Отворениот Балкан“ ќе бидат многу заинтересирани да дојдат кај нас, бидејќи условите и приходите се многу подобри. Исто така, кај нас работодавачите ќе имаат поголем избор и можност конечно да ги пополнат позициите за кои подолго време не можат да најдат соодветна работна сила. Ни недостигаат сите профили на занаетчии во градежништвото, заварувачи, потоа сите работници во угостителството и туризмот и за сезонски работи. Очекуваме од септември да пристигнат околу 30.000 работници, изјави Атанацковиќ за Курир.

Советникот на претседателот на Стопанската комора на Србија (ПКС), Ненад Ѓурѓевиќ кажа дека веќе подолг период има недостиг на работна сила во областа на земјоделството, градежништвото и текстилната индустрија. Тој додаде дека по пандемијата, многу меѓународни компании кои имаат свои ланци на Далечниот Исток ја разгледуваат можноста производството да го доближат до матичните компании во Западна Европа.

– Како Западен Балкан можеме да бидеме интересна дестинација за ваков тип на работа, оцени Ѓурѓевиќ.

Тој наведе дека ПКС нема прецизни податоци колку работна сила недостига, но наведе дека има потреба од работници за сезонски работи и во меѓународните компании кои работат овде.

-Познато е дека овие работници доаѓаат од соседните земји и од одредени земји на ЕУ, така што овој недостиг некако се компензира, но има потреба да се регулира, овие луѓе да имаат здравствено осигурување и да им тече стажот, нагласи Ѓурѓевиќ.

Просечната плата во Србија изнесува 631 евро.

На ГП Богородица времето на чекање за излез од државата е околу 30 минути

Интензитетот на сообраќај на патните правци надвор од градските средини е зголемен.

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е зголемен. На ГП Табановце времето на чекање за влез во државата е околу еден час. На ГП Богородица времето на чекање за излез од државата е од 30 минути. На останатите гранични премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.

притисни ентер