Прва жртва од пожарите во Албанија, наредена е евакуација на три села во Грамш (ВИДЕО) - Канал 5

Балкан

Прва жртва од пожарите во Албанија, наредена е евакуација на три села во Грамш (ВИДЕО)

Ситуацијата со пожарите во Албанија се влошува, а денеска  регистрирана е прва жртва од пожарите, соопшти полицијата од Елбасан.

Прва жртва од пожарите во Албанија, наредена е евакуација на три села во Грамш (ВИДЕО)

Ситуацијата со пожарите во Албанија се влошува, а денеска регистрирана е прва жртва од пожарите, соопшти полицијата од Елбасан, додавајќи дека станува збор за 80-годишен маж кој го загубил животот во пожарот во село кај Грамш, што сам го предизвикал.

„Денеска околу 11 часот, лице на возраст од околу 80 години предизвикало пожар во градината на својата куќа, во селото Кулолас, пожар кој излегол од контрола и масовно се проширил во неколку села во округот Грамш. Лицето го загубило животот како резултат на задушување“, се наведува во соопштението за медиумите.

YouTube video

Се додава дека полицијата, противпожарната служба и службите за цивилни итни случаи веднаш излегле на терен, каде што "интензивно работат на гаснење на пожарот, како и на евакуација на жителите од селата каде што се проширија пламените јазици".

Поради ситуацијата што излезе од контрола, Министерството за одбрана нареди евакуација на жителите на 3 села во подрачјето на Грамш.

YouTube video

„Поради пожарите, кои брзо се шират, Министерството за одбрана ги повикува жителите на селата Кулолас, Блетез и Менколаре веднаш да ги напуштат своите домови и да соработуваат со властите за безбедна евакуација, стои во соопштението на министерството.

Само во овој дел на земјата, наведува министерството, покрај против пожарната единица и локалната власт на Грамш, вклучени се и 80 припадници на армијата и армиски хеликоптер кои работат непрекинато за да ги изолираат пламените јазици.

Тагови: Албанија пожарите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Лукашенко им честита на Украинците за Денот на независноста: „Ви посакувам мир и среќа “

Претседателот на Белорусија, Александар Лукашенко, му го честиташе Денот на независноста на украинскиот народ по повод 35-годишнината од овој настан, соопшти прес-службата на белорускиот претседател. 

Лукашенко им честита на Украинците за Денот на независноста: „Ви посакувам мир и среќа “

„Историските судбини на белорускиот и украинскиот народ се тесно испреплетени. Нашите нации се поврзани со вековни традиции и со сеќавањето на заедничките победи и тешките искушенија“, се вели во честитката.

Лукашенко изрази уверување дека, и покрај геополитичките превирања, идните генерации Белоруси и Украинци ќе ги зачуваат своите вековни врски на пријателство и сродство, како и дека Минск и Киев ќе ја обноват заемно корисната соработка заснована на принципите на доверба, почит и рамноправност.

„Гостопримлива Белорусија е секогаш отворена за секој Украинец што доаѓа со добри намери“, нагласи Александар Лукашенко. Тој им посака на сите граѓани на Украина „здравје и просперитет“, а на земјата – „мир и среќа“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Се е подготвено за Тиквешки гроздобер 2026, Кавадарци ќе биде домаќин на три големи музички вечери

На 4, 5 и 6 септември, Кавадарци ќе биде домаќин на три големи музички вечери, во рамки на најголемата гроздоберска прослава во Тиквешијата [🍷].

Јанчев: Се е подготвено за Тиквешки гроздобер 2026, Кавадарци ќе биде домаќин на три големи музички вечери

МУЗИЧКАТА ПРОГРАМА НА ТИКВЕШКИ ГРОЗДОБЕР 2026 [🎶]

На 4, 5 и 6 септември, Кавадарци ќе биде домаќин на три големи музички вечери, во рамки на најголемата гроздоберска прослава во Тиквешијата [🍷]

Внимателно подготвена музичка програма, врвни изведувачи и атмосфера која ја претвора традицијата во незаборавно доживување.

[📅] 4 • 5 • 6 СЕПТЕМВРИ

[📍] КАВАДАРЦИ

[🍇] ТИКВЕШКИ ГРОЗДОБЕР 2026

Тиквешијата слави. Кавадарци ве очекува! [🎤] [🍷], стои во објавата на Фејсбук на градоначалникот на Кавадарци, Митко јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Венко е сосема одлепен од реалноста, она што му го диктира Заев тоа и го повторува

Венко е сосема одлепен од реалноста, она што му го диктира Заев тоа и го повторува, во однос на изборите јасен му е епилогот, затоа и бега од соочување со граѓаните.

ВМРО-ДПМНЕ: Венко е сосема одлепен од реалноста, она што му го диктира Заев тоа и го повторува

РЕАКЦИЈА НА ПРЕС-КОНФЕРЕНЦИЈА НА ВЕНКО ФИЛИПЧЕ

Филипче на денешната прес-конференција, ги повтори трите постулати на СДС, а тие се ширење на лаги, манипулации и дезинформации. Впрочем, тоа го прави на секое негово појавување во јавноста.

Очигледно е дека Филипче нема допир со реалноста, а тоа е поради неговата дружба со аболицираниот криминалец Заев, на неговата милионска јахта во Грција, кој му диктира што да кажува пред медиумите и му ја создава перцепцијата, а Филипче како негов следбеник, истото го повторува.

Тука можеме директно да му порачаме дека јасен демант за неговите лаги се официјалните статистики кои го спроведува во јавноста Државниот завод за статистика.

Во однос на изборите, единствен човек во државата кој не сака избори и бега од нив е Венко Филипче и талогот од СДС. Од месечината се гледа дека јасно му е и на него и на талогот, каков дебакл ќе доживеат и како ќе бидат поразени од граѓаните.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер