Иако најмалата Dacia постигна значителни продажни резултати, не се зборуваше многу за можните проблеми со квалитетот. До сега, кога на социјалните мрежи со брзина на светлина почна да се шири видео.
Еден примерок од Spring се запали во Романија, првиот официјално регистриран случај на спонтано запалување.
Сопственикот на автомобилот Јонел Карну објави фотографии во Фејсбук групата Dacia Spring Romania, а на нив се гледаат катастрофалните последици од пожарот на електричната Dacia. Тој рече дека автомобилот се запалил на 11 мај околу пет попладне, откако неговата сопруга го управувала автомобилот и го однела дома.
Карну изјави дека сопругата го земала синот од училиште и се враќала дома, кога слушнала силен звук од подот на возилото. Таа во паника му се јавила на сопругот и го известила дека слушнала звуци од автомобилот, на само 300 метри од куќата. Таа забележала дека почнал да се шири чад од местото каде што се наоѓа батеријата, но сепак се упатила кон куќата и потоа излегла од автомобилот.
„Петнаесет минути подоцна автомобилот беше целосно зафатен од пламен“, напишал Карну на Фејсбук и додаде дека неговата Дачија е целосно изгорена. Пожарникарите пристигнале на местото на пожарот откако Дачија претежно изгорела, па можеле да забележат само краток спој како причина за пожарот.
Сопственикот открил дека го купил автомобилот пред година и пол и дека бил презадоволен од него. Тој нагласи дека автомобилот го полнел само дома. Изгорениот Спринг бил под гаранција, а поминал околу 36.000 км.
По неколку дена, Карну рече дека ги известил претставниците на производителот и им покажал снимка на која се гледа како пожарот се шири од просторот за батерии. Трауматизиран од искуството, тој вели дека тој и остатокот од семејството сигурно никогаш повеќе нема да возат Dacia Spring.