Свет

Производителите на вакцини ќе заработат 32 милијарди долари само во 2021година

Аналитичарите од Волстрит проценуваат дека фармацевтските компании „Фајзер“ и „Модерна“ само следната година ќе остварат приход од 32 милијарди долари од вакцината против „ковид-19“.

Како што објави Си-Ен-Ен, ова не ја вклучува вредноста на нематеријалните средства на овие две компании, односно угледот, кој ќе расте, бидејќи овие компании помогнаа да се стави крај на најлошата пандемија што го погодила светот од минатиот век наваму.

Особено силен скок на т.н. добра волја е евидентен кај Модерна, биотехнолошка компанија за која само неколку луѓе слушнале пред оваа година, а која сега е близу да добие дозвола од Сојузното биро за лекови на САД за дистрибуција на вакцината против коронавирус.

Само „Фајзер“, според проекциите на „Морган Стенли“, следната година би можел да заработи 19 милијарди долари од вакцината против „ковид-19“, за разлика од 975 милиони долари оваа година.

Pfizer ќе ги сподели своите приходи со BioNtech, германската компанија со која ја разви вакцината. Нивната вакцина е одобрена во Велика Британија, а зелено светло доби и во САД.

Морган Стенли проценува дека Фајзер може да оствари нови 9,3 милијарди долари приход од продажбата на вакцината во 2022 и 2023 година, сè додека не се вакцинира вкупната светска популација.

И додека цената на акциите на Pfizer, моќна американска фармацевтска компанија, не се зголеми значително оваа година - само 12 проценти, уделот на BioNTech пораснал за скоро 300 проценти, со што неговата пазарна капитализација се зголемила на скоро 30 милијарди долари.

Од друга страна, вакцината измислена од Модерна веќе ја претвори оваа речиси непозната компанија во моќна фармацевтска компанија вредна 62 милијарди долари.

Цената на нејзините акции, имено, се катапултирале оваа година за дури 700 проценти, а Морган Стенли проценува дека половина од пазарната вредност на таа компанија е поврзана со вакцината против ковид.

Голдман Сакс проценува дека Модерна ќе оствари приход од 13,2 милијарди долари од продажбата на вакцината следната година. Ова се фантастични бројки за компанија која имала приход од само 60 милиони долари во 2019 година и никогаш порано не лиценцирала производ.

"Тоа е епска приказна. Историско достигнување во развојот на лековите. Создавањето нова технологија во толку млада компанија што ќе биде подготвена во моментот на најтешка пандемија во последните сто години е тешко да се замисли", рече Алан Кар, аналитичар што ја покрива биотехнологијата во Нидам.

Високо проценетите приходи за „Фајзер“ и „Модерна“, сепак, предизвикаа критики од оние што ги гледаат човечките страдања предизвикани од ковид-19. Пандемијата досега уби речиси 1,6 милиони луѓе ширум светот, а скоро 300 000 само во САД.

Нивните конкуренти „Џонсон и Џонсон“ и „АстраЗенека“, пак, ветија дека нивните вакцини, откако ќе бидат достапни, ќе се продаваат на непрофитна основа за време на пандемијата.

„Сосема е погрешно за фармацевтски компании како„ Фајзер “и„ Модерна“да профитираат, а нивните извршни директори прават невидено лично богатство од вакцината против ковид, чијшто пронајдок беше субвенциониран и поддржан од даночните обврзници на САД“, рече Ели Зупник, портпарол на организацијата „Accountable.US“ за надзор и советување на пациентите.

Иако Фајзер не добила пари од иницијативата за вакцинирање на администрацијата на Трамп, федералната влада се согласила да плати 1,95 милијарди долари за првите 100 милиони дози.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија крена борбени авиони

Унгарија денеска трипати крена борбени авиони за да придружуваат патнички летала во својот воздушен простор, откако биле упатени закани за поставени бомби.

Според официјални лица, два од загрозените авиони, кои летале кон Софија, безбедно слетале.

Унгарскиот министер за одбрана, Ромулус Русин-Сенди, изјави дека борбените авиони првично биле испратени по закана упатена кон лет на „Виз ер“ од Брисел кон Софија. Подоцна, тие биле кренати уште двапати како одговор на летови што полетале од Прага, а се упатиле кон Кипар и Букурешт, пренесува „Гардијан“.

Бугарското Министерство за транспорт соопшти дека биле примени закани за бомби и за два лета кон Софија – кои доаѓале од Лондон и Брисел – при што и двата авиона безбедно слетале.

Меѓу леталата подложени на безбедносни проверки бил и авион на романскиот превозник „Таром“, кој летал од Прага кон Букурешт.

За време на летот, екипажот го активирал кодот „7700“, што означува општа вонредна состојба. Авионот безбедно слетал во Букурешт.

Подоцна било утврдено дека заканата била неоснована.

Денеска, најмалку 17 патнички авиони ширум Европа биле опфатени со серија закани за поставени бомби. Со тоа, вкупниот број на патнички авиони кои биле цел на вакви закани во Европа од почетокот на неделата, достигна најмалку 27.

Тагови: Унгарија

Балкан

Капитенот на Србија, Богдан Богдановиќ гради луксузен хотел во Црна Гора

НБА ѕвездата, капитенот на Србија, кошаркарот на Хјусотн Богдан Богдановиќ е инвеститор на нов хотел во Плужине, Црна Гора.

Српскиот репрезентативец Богдан Богдановиќ гради угостителски објект во општина Плужине во Црна Гора, во близина на Пива.

Како што изјави Слободан Делиќ, претседателот на таа општина, култниот хотел „Пива“ е урнат за на истата локација да се изгради нов објект, пренесува Радио-телевизија Никшиќ.

Кошаркарот на „Хјустон Рокетс“ го минал детсвото во ова место, па не е изненадувачки што одлучил да инвестира во овој проект.

Се наведува дека неговото семејство станало сопственик на туристички објект со богата традиција уште во 2019 година, но дека сега ќе започнат со нова градба.

„НБА ѕвездата Богдан Богдановиќ гради хотел, па сопствениците полека започнаа со реализација на тој проект. Нивните планови опфаќаат поголема површина, но и поинаков дизајн. Во секој случај, очекувам дека новиот објект ќе биде изграден во наредниот период и дека ќе биде функционален и модерен, што значи дека ќе донесе нова вредност за нашата општина“, нагласи Делиќ.

Името на Богдан Богдановиќ гарантира дека сè ќе биде според највисоките стандарди, иако деталите за сместувачките капацитети сè уште не се познати.

„Самото тоа име и неговата репутација гарантираат дека многумина ќе слушнат за нашиот град и дефинитивно ќе дојдат да го посетат“, рече Делиќ.

View this post on Instagram

A post shared by Park Prirode "Piva" (@park_prirode_piva)

Српскиот ас често истакнува дека голем дел од своето детство поминал во Црна Гора и дека е особено поврзан со Плужине.

Тагови: Богдановиќ Црна Гора

Балкан

Радар : Телеком на Србија се најде во фокусот на правосудните органи- прошталниот валцер на Лучиќ

Иако Телеком неказнето ја прекрши забраната за основање државни медиуми уште во 2021 година кога го лансираше Euronews Serbia, во 2023 година беше усвоен законски исклучок специјално за Телеком.

А Телеком ја искористи оваа предност не само за монополизирање на медиумскиот пазар, туку и во културата, со тоа што издвојуваше пари за производство на филмски и сериски содржини исклучиво на „лојалисти“, пишува српски Радар.

Фактот дека Владимир Лучиќ водеше компанија која можеше да се продаде за најмалку милијарда евра во времето кога ја презеде функцијата директор на Телеком Србија со долг од речиси пет милијарди евра не беше причина да се размислува за негово отстранување до 25 октомври. Очигледно, поранешната влада не ги жалеше парите (особено не парите што доаѓаа од граѓаните) за услугите што беше подготвена да им ги обезбеди, занемарувајќи ги тривијалностите како што се националниот интерес или законот.

Дури за време на изборната кампања успеаја да вклучат уште две куртизани во понудата на телевизиски станици со национално покривање - Информер и Курир. Не е важно што не поминале низ потребниот јавен конкурс (имаат лиценци за дистрибуција исклучиво преку кабелски, сателитски и IPTV мрежи), Телеком им обезбеди видливост на целата територија на Србија преку обични антени. Таквото грубо кршење на прописите, Лучиќ го „оправда“ тврдејќи дека станува збор за „привремено и промотивно емитување“ кое ќе трае шест месеци, како Законот за електронски медиуми да предвидува дека можете да си играте со национални фреквенции неколку години, додека не видите дали навистина е за вас. Или, како што всушност изјави Лучиќ, за да се процени потенцијалот за зголемување на бројот на претплатници на заклучени терестријални канали, кои во моментов ги плаќаат само 6.000 луѓе. И кога 16, првенствено медиумски и новинарски здруженија, го повикаа Советот на РЕМ да покрене судски постапки против физички и правни лица кои го прекршиле законот со отклучување на тие канали, Телеком отиде чекор понатаму во самоволието - ја укина програмата ТВ Форум за своите кабелски корисници во Пријепоље за еден ден и ја емитуваше програмата Информер на истиот канал.

Барањето за разрешување на Лучиќ пристигна по изборите, сепак, од два извори - Студентскиот список и Здружението на филмски режисери на Србија (AFRS). Претставникот на SL, Немања Каровиќ, ги објасни причините на РТС - поради финансиски злоупотреби во производството на телевизиски содржини и „перење пари“, како и затоа што финансирале политички поволни медиуми и ги потиснувале независните. „Тој ја монополизираше медиумската сцена, ги користеше парите на граѓаните за да ги задоволи политичките потреби на режимот, а не за да ги информира граѓаните навремено и објективно“, рече Каровиќ, се наведува во поширокиот осврт на српски Радар.

На ови наводи се надоврза и лидерот на СДСМ , Венко Филипче, кој ја пренесе веста на својот X профил со текстот:

„Како што рековме. Телеком Србија конечно е под лупа на правосудството. Со години монопол, финансирање на лојални медиуми, Euronews лиценца како алатка на режимот. Истиот Euronews со Латасовата Ивона, што во Македонија емитува и без дозвола а АВМУ тоа го дозволува. Мицкоски наскоро останува без Вучиќевите медиуми. Сите знаеме, ќе падне и ОКГ и во Македонија.“ , објави Филипче.

Како што рековме. Телеком Србија конечно е под лупа на правосудството. Со години монопол, финансирање на лојални медиуми, Euronews лиценца како алатка на режимот. Истиот Euronews со Латасовата Ивона, што во Македонија емитува и без дозвола а АВМУ тоа го дозволува. Мицкоски наскоро останува без Вучиќевите медиуми. Сите знаеме, ќе падне и ОКГ и во Македонија.
— Venko Filipce (@VFilipche) November 6, 2026