Проговори мајката на девојчето кое беше пронајдено мртво на плажа во Грција- ја оставила во морето (ВИДЕО) - Канал 5

Балкан

Проговори мајката на девојчето кое беше пронајдено мртво на плажа во Грција- ја оставила во морето (ВИДЕО)

Жена уапсена утрово во атинска населба е идентификувана како мајка на девојчето кое беше пронајдено мртво во морето во Палео Фалиро пред неколку дена.

Проговори мајката на девојчето кое беше пронајдено мртво на плажа во Грција- ја оставила во морето (ВИДЕО)

Таа е алжирска државјанка која, според сопствените тврдења, ѝ кажала на полицијата дека детето паднало и се повредило во бањата, но дека не побарала лекарска помош бидејќи немала дозвола за престој во Грција, пренесе Катимерини.

Мајката за време на сослушувањето во полициската станица (GADA) рекла дека мислела дека детето спие кога отишле на плажа. Кога подоцна сфатила дека детето е повредено, се исплашила дека ќе биде пријавена поради нејзиниот статус и решила да го остави детето живо во морето, по што заминала со своите две преостанати деца.

Сепак, резултатите од обдукцијата покажале поинаква слика, девојчето починало од давење, а на нејзиното тело имало повеќекратни повреди на лицето, челото, очите, усните и носот, како и тешки модринки и повреди на други делови од телото.

Истрагата беше забрзана со безбедносните камери во областа Фалиро, кои снимија жена со две деца и дете во количка, облечена слично како починатото девојче. Клучната трага за полицијата дојде од израелски турист кој претходно користел такси кое потоа ја возел Алжирката и нејзините деца. Туристот им помогнал на властите да го идентификуваат таксистот, кој потврди дека жената патувала до Патисија.

Оттогаш, безбедносните сили дискретно го следат подрачјето. Утрово, 1 август, во 06:45 часот, кога жената повторно повикала такси, полицијата реагирала и ја привела заедно со децата.

YouTube video

Според информациите, таткото на децата е во Сирија, додека двете преостанати деца се предадени на надлежното обвинителство за малолетници.

На видеата што се објавени, истата жена се гледа како застанува на киоск во близина на плажата Едем, а потоа си заминува, со двете деца и количката во која било девојчето. Интересно е што на друго видео, жената го носи фустанот наопаку, што укажува на брзање да го напушти местото на настанот.

Една фотографија го прикажува девојчето во количка со капа на главата и покриено лице, иако било 21:30 часот. Позицијата на нејзиното тело сугерира дека можеби била во несвест или веќе мртва.

Истражителите не го исклучуваат здравјето на детето како фактор; патологот рече дека девојчето страдало од метаболичко нарушување, а екстремната топлина можеби дополнително ја влошила нејзината состојба.

Една хипотеза е дека мајката одлучила да оди на плажа со своето дете навечер токму поради влошената здравствена состојба на нејзиното дете. Вреди да се напомене дека од трите деца, само детето во количката носело костим за капење.

Истрагата е во тек.

Тагови: Мајката плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер