Фудбал

Продолжува лошата резултатска серија на Хановер

Ниту по одигрувањето на шестото коло екипата на Хановер не успеа да ја запише првата победа. Синоќа на свој терен Хановер загуби од Штутгарт и остана на дното на табелата во Бундеслигата со само еден нерешен резултат и пет порази.

Без полн погодок оваа сезона е и тимот на Хофенхајм кој има само едно реми повеќе од Хановер, но е првиот тим кој успеа да остане непоразен во дуелите со Борусија Дортмунд.

Резултати на синоќешните бундеслигашки средби од 6.коло:

Шалке – Ајнтрахт 2:0,
Баер Леверкузен – Мајнц 1:0,
Борусија Менхенгладбах – Аугсбург 4:2,
Хановер – Штутгарт 1:3 и
Хофенхајм – Борусија Дортмунд 1:1.
Одиграно во вторникот:
Баерн Минхем – Волфсбург 5:1,
Херта – Келн 1:0,
Дармштад – Бремен 2:1 и
Инголштад – Хамбургер 0:1.
Табела: Баерн 18 бодови, Борусија Дортмунд 16, Шалке 13, Волфсбург 11, Херта 10, Хамбургер 10, Келн 10, Инголштад 10,...

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

Формула

Верстапен го израмни рекордот во Ф1 за последователни пол-позиции

Возачот на Ред Бул, Макс Верстапен, повтори достигнување кое не беше постигнато повеќе од 30 години.

Холанѓанецот беше најбрз во денешните квалификации за Големата награда на Емилија-Ромања и го повтори рекордот на уште еден трикратен шампион во Формула 1, Аиртон Сена, освојувајќи осум пол-позиции по ред. Сена успеа да го стори тоа во 1988-1989 година.

Покрај тоа, Верстапен го повтори рекордот за последователни пол-позиции на почетокот на сезоната - во 1993 година, Ален Прост освои седум квалификации по ред.

Главната трка на патеката „Енцо и Дино Ферари“ ќе се вози утре со почеток во 15 часот. /МИА

притисни ентер