Автомобилизам

Продажбата на Фолксвагени падна за речиси една четвртина поради недостигот на чипови

Германскиот автомобилски гигант Фолксваген објави дека продал четвртина помалку возила во првите пет месеци од оваа година поради недостиг на чипови отколку во истиот период минатата година.

Во периодот од јануари до мај се продадени 3,07 милиони возила, според VW.

Така, продажбата е намалена за четвртина, а истиот процентуален пад е забележан и во последниот месец од тој период, со продадени 658.000 возила. Недостигот на микрочипови создава проблеми, а продажбата на важниот кинески пазар дури сега почнува да се опоравува од ефектите на карантинот, истакнуваат од компанијата.

Но, ситуацијата со микрочиповите и продажбата во Кина треба да се подобри до крајот на годината, вели извршниот директор Херберт Дис. Во Западна Европа продажбата паднала за 22,9 отсто, а во Кина за 23,8 отсто. Централната марка VW продала 23,3 отсто помалку возила, но Škoda забележала уште поголем пад, за дури 39,3 отсто.

Продажбата на Audi паднала за 21,3 отсто, а продажбата на Porsche за 10,4 отсто. Тратон продаде значително повеќе камиони и автобуси од MAN, Scania, Navistar и јужноамериканскиот бренд VW Caminhoes e Onibus, со стапка на раст од 15,8 отсто, само затоа што VW го вклучи Navistar во САД од јули минатата година. Без Навистар, Тратон ќе паднеше, покажуваат податоците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

За светските шампиони Фабијан Руиз и Гави – 150 килограми домати!

Освојувањето на Светското првенство им носи бројни награди на фудбалерите, но подарокот што го добија Фабијан Руиз и Гави е секако еден од најнеобичните.

Двајца членови на шпанската репрезентација беа наградени со количина домати што одговара на нивната телесна тежина.

Руиз и Гави се вратија во својот роден град Лос Паласиос и Вилјафранка – место јужно од Севиља со помалку од 40.000 жители – каде што во средата им беше приреден свечен пречек во градското собрание.

Фудбалерот на „Пари Сен Жермен“, кој беше стартер во финалето против Аргентина, и играчот од средниот ред на „Барселона“ се појавија со златни медали околу вратот, а беа пречекани од градските власти и голем број навивачи.

За да го прослават својот успех, Руиз и Гави застанаа на вагата за да се одреди количината на подароци.

Резултатот беше:

Фабијан Руиз – 85 килограми домати

Гави – 68,5 килограми домати

Orang lain juara Piala Dunia mungkin dapet uang atau mobil. Gavi sama Fabian Ruiz malah dikasih tomat sesuai berat badan mereka.

Fabian dapat 84 kg tomat, sementara Gavi dapat 68 kg.
Ternyata ini tradisi dari kampung halaman mereka, Los Palacios y Villafranca. Jesus Navas juga…
— Akun Bola Asbun (@AkunAsbunAja) July 23, 2026

Локалните власти наведуваат дека оваа традиција станала „заштитен знак на општината“ кога станува збор за оддавање чест на врвни спортисти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Отворен целосно реконструираниот градски базен во Кавадарци

Градскиот базен во Кавадарци денес официјално е пуштен во употреба по завршената реконструкција.

Во реконструкцијата како што појасни градоначалникот Митко Јанчев, биле вложени околу 1 милион евра преку владин јавен повик.

Обновени се големиот и малиот базен, системот за филтрација и пречистување на водата, соблекувалните, санитарните јазли и останатите придружни содржини, а поставени се и нови водни атракции и детски реквизити.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето го оштети системот на Македонска пошта – три дена се доцни со достава на пратките

Невремето во Скопје предизвика проблеми и во Македонска пошта.

Поради обилниот дожд била оштетена серверската соба, односно електронскиот систем за распределба на пратките, поради што веќе три дена има доцнење во доставата.

Директорот на Македонска пошта, Куртиши, уверува дека проблемот се санира и очекува од утре доставата да се нормализира.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.