Македонија

Приватните превозници утре на мирен протест пред дирекцијата на ЈСП

Приватните превозници утре во 9 часот излегуваат на протест пред седиштето на јавното сообраќајно претпријатие  во Автокоманда но засега без автобусите.

Како што информираа од здружението „Мак екпрес“ протестот е со цел да се оствари средба со раковдството на ЈСП за да си ги побараат парите во висина од околу полована милион евра што јавното претпријатие им ги должи. Според изјавата на Кемал Мурич за канал5 заедно со Мак епсрес на протестот целосно се приклучуваат и од слобода превоз кои имаат еден милион евра побарување од јсп. Автобуските превозници по денешната консулатиција со МВР главниот протест со блокади на раскрници низ главниот град се одлучија да го одложат за неделата по одбележувањето на роденденот на Гоце Делчев заради чувствителноста на состојбата.

Од град скопје за канал 5 го повторија својот став дека тие чекаат да заврши ревизијата за да имаат конкретни рагументи за разговор и се додека не заврши ревизијата не планираат средба со приватните превозници. Став од првиот човек на ЈСП дали утре ќе ги прими на разговори приватните превозници не успевме да добиеме.

Инаку според претставниците на Мак експрес контролата која ја правело УЈП во нивното претпријатие утврдила дека ЈСП им должи 480 илјади евра дедека истата контрола утврдила долг од милион евра кон слобода превоз а деновиве од ЈСП добила исплата само на 5 илјади денари без никаква назнака за што се тие.

Град Скопје објави два јавни огласи за пакет линии во јавниот градски превоз, откако го раскина договорот со приватните превозници, кои го блокираа центарот на Скопје. И на двата огласи, не се пријави ниту еден заинтересиран автобски превозник.

Во моментов, јавниот градски превоз го врши само ЈСП со многу помалку автобуси отколку што му се потребни на градот на што веќе реагираат граѓаните кои чекаат на студот каде многу често без најава некои линии се откажуваат заради дефекти а други се многу ретки. Месец и пол во главниот град не возат 208 приватни автобуси.

Свет

Хаос во Стразбур: Експлозија во воз, со кој патувале европските парламентарци

Денеска се слушнала експлозија во возот кој ги превезувал евро пратениците во Брисел и патниците биле принудени да се евакуираат.

Според извештаите, се слушнала експлозија во возот кој превезувал пратеници од Европскиот парламент во Брисел.

Од локомотивата на возот на станицата во Стразбур попладнево било пријавено дека доаѓал чад.

Противпожарните екипи се на терен.

Властите побарале од сите да останат смирени и да не паничат, пишува РТБФ.

„Имаше технички инцидент во вагонот на возот на станицата во Стразбур“, потврди прес-службата на ЕП.

Здравје

Црни прогнози:40 милиони луѓе ќе загинат до средината на векот поради инфекции, за кои нема лек

Патогени отпорни на лекови може да предизвикаат повеќе од 39 милиони смртни случаи во следните 25 години!

Ова го покажаа новите проценки објавени во вторникот во The Lancet, кој е еден од најстарите медицински списанија. Студијата, исто така, предвидува дека 169 милиони смртни случаи ќе бидат поврзани со инфекции отпорни на лекови до средината на векот, пренесе Политико.

Истражувачите ги базираат своите прогнози на анализа на неодамнешните смртни случаи и влијанието на мерките за контрола на смртните случаи од отпорност на антибиотици (АМР) со текот на времето. Тие откриле дека повеќе од милион луѓе годишно умираат од инфекции отпорни на лекови помеѓу 1990 и 2021 година. За тоа време, смртните случаи кај децата под 5-годишна возраст од АМР се намалиле за 50 проценти, додека смртните случаи кај луѓето на 70 и постари се зголемиле за повеќе од 80 проценти.

Се очекува трендовите да продолжат, при што се предвидува дека смртните случаи од АМР кај децата под 5 години ќе се преполоват до 2050 година, додека смртните случаи кај луѓето над 70 години ќе се удвојат.

Студијата, спроведена од проектот Глобално истражување за антимикробна отпорност (ГРАМ), предвидува дека смртните случаи од АМР постојано ќе се зголемуваат во наредните децении, доколку не се преземат мерки за помош.

Авторите проценуваат дека 1,91 милиони луѓе би можеле да умрат како директен резултат на АМР до 2050 година - зголемување од скоро 70 проценти во споредба со 1,14 милиони смртни случаи во 2021 година. Исто така, се предвидува дека АМР ќе придонесе за смртта на 8,22 милиони луѓе годишно - што претставува зголемување од речиси 75 проценти на 4,71 милиони поврзани смртни случаи во 2021 година.

Според студијата ГРАМ од 2022 година, АМР била директно одговорна за 1,27 милиони смртни случаи во 2019 година и придонела за уште 4,95 милиони смртни случаи. Авторите забележале дека падот на смртните случаи поврзани со АМР во 2021 година во споредба со 2019 година најверојатно се должи на мерките воведени за време на пандемијата „Ковид-19“, додавајќи дека тие веруваат дека ова било привремено.

- Наодите нагласуваат дека АМР е значајна глобална здравствена закана со децении и дека оваа закана расте. „Да се ​​разбере како трендовите на смртните случаи од АМР се менуваат со текот на времето и како тие веројатно ќе се променат во иднина е од витално значење за донесување информирани одлуки кои ќе помогнат да се спасат животи“, рече авторот на студијата Мохсен Нагави од Универзитетот во Вашингтон.

Глобалните лидери ќе се соберат на состанокот на високо ниво на Генералното собрание на Обединетите нации следната недела за да ја потпишат долгоочекуваната политичка декларација која ќе ги обедини глобалните планови за борба против АМР.

Македонија

Средба Божиновска-Пјат на маргините на конференцијата за чиста и безбедна енергија во Истанбул

На маргините на Конференцијата за чиста и безбедна енергија, министерката за енергетика, рударство и минерални суровини Сања Божиновска, оствари средба со Џефри Пјат, помошник државен секретар за енергетски ресурси во Стејт Департментот.

На маргините на Конференцијата за чиста и безбедна енергија, организирана од америкаснкиот Атлантски совет, денес, во Истанбул, министерката за енергетика, рударство и минерални суровини на Македонија, Сања Божиновска, оствари средба со Џефри Пјат, помошник државен секретар за енергетски ресурси во Стејт Департментот.

На средбата, министерката Божиновска и помошник државниот секретар Пјат разговараа за гасните интерконектори со Грција и Србија како клучни стратешки проекти за обезбедување стабилна енергетска иднина за нашата држава и регионот.

Овие проекти се од суштинско значење за диверзификација на изворите на енергија и зголемување на енергетската независност на земјата.

"Гасните конектори со соседите се од огромно значење за нашата енергетска стратегија. Тие не само што ќе ја зголемат нашата сигурност во снабдувањето, туку и ќе ја подобрат нашата конкурентност на пазарот", истакна министерката Божиновска.

Исто така, на средбата беше дискутирано и за стратешката соработка со САД во областа на енергетиката, при што министерката ја акцентираше важноста на американската поддршка во развојот на проекти за обновливи извори на енергија и технологија за енергетска ефикасност, но и важноста од споделување искуства со САД во делот на борбата со корупцијата во доментот на енергетиката.

"Нашата соработка со САД е од клучно значење за имплементацијата на иновациите во енергетскиот сектор. Заедно можеме да создадеме одржливи решенија кои ќе придонесат за развојот на регионот", додаде таа.

На крајот, министерката Божиновска и помошник државниот секретар Пјат разговараа за идната соработка и регионалните иницијативи, нагласувајќи ја потребата за продолжување на дијалогот и партнерството меѓу државите во областа на енергетиката, соопштуваат од Министерството.

притисни ентер