Принцот Хари и Меган Маркл доаѓаат во Европа, но не сакаат да ја посетат Британија - Канал 5

Живот

Принцот Хари и Меган Маркл доаѓаат во Европа, но не сакаат да ја посетат Британија

Принцот Хари и Меган Маркл треба да дојдат заедно во Европа овој викенд, за прв пат откако ги напуштија кралските должности пред точно две години.

Принцот Хари и Меган Маркл доаѓаат во Европа, но не сакаат да ја посетат Британија

Оттогаш, принцот Хари дојде во Велика Британија двапати (за погребот на дедо му Филип и откривањето на споменикот на мајка му Дијана), но неговата сопруга Меган не била.

Нивната ќерка Лилибет никогаш не била во Британија ниту пак семејството ја запознало. Двојката пропушти и важни настани во Лондон, како што е церемонијата што неодамна се одржа во спомен на принцот Филип кој почина минатата година.

Очигледно е дека парот не сака да дојде во Велика Британија, а медиумите шпекулираат за нивните причини

Принцот Хари вели дека неговото семејство не се чувствува безбедно во Британија, бидејќи институцијата на кралското семејство им го одземала обезбедувањето. Пред платинестиот јубилеј на кралицата, принцот Хари побара тој и неговото семејство да добијат државно осигурување, но тие одбија. Принцот, наводно, понудил сам да ѝ плати на полицијата, но предлогот бил одбиен, со образложение дека државната полиција не може да биде ангажирана.

Затоа Хари е на суд со администрацијата на кралицата.

Меган и Хари го сакаат обезбедувањњето што го имаат постарите членови на кралското семејство (како Кејт и Вилијам), но тие го загубија тој статус со оставката од кралската функција. Двајцата плаќаат за приватно осигурување во САД, но такво осигурување не може да имаат во Британија. Затоа тие двајца, како што велат, нема да дојдат во Велика Британија до понатамошно известување.

Принцот Хари и Меган изјавија дека нивното семејство е во голема опасност во Велика Британија, а тој изјавил дека на последната посета бил прогонуван од папараците. Од друга страна, минатата година нема ниту една папарацо снимка на принцот Хари од Лондон.

Веста дека Хари и Меган викендов ќе дојдат во Холандија каде нема да добијат државно осигурување, разбесни некои Британци. Тие двајца, покрај принцот Ендру, се двете најнепопуларни личности од кралското семејство и нивната популарност тоне од анкета во анкета.

Според кралскиот експерт и писател Роберт Џобсон, отсуството на Хари од Британија и неговата подготвеност да патува во Холандија нема никаква врска со безбедноста.

Во Холандија, каде што го поканиле на игрите Invictus, тој едноставно се чувствува посакуван и сакан, додека тоа не е случај во Велика Британија, објаснува експертот. Тој додава дека е јасно дека Хари е во катастрофални односи со семејството, особено со татко му, маќеата и брат му.

„Ќе се слави во Хаг. Неговите браќа и сестри по оружје, минатото и сегашноста, ќе го фалат како авганистански ветеран кој не ги заборавил“, заклучува Џобсон.

Сѐ повеќе се шпекулира дека во Холандија ќе ги следи тимот на Нетфликс кој ќе ги снима за новото шоу, додека такво нешто не би било возможно во резиденциите на кралското семејство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лула или Болсонаро- Бразилците гласаат во вториот круг на претседателските избори

Граѓаните на Бразил денеска гласаат во вториот круг од претседателските избори.

Лула или Болсонаро- Бразилците гласаат во вториот круг на претседателските избори

Граѓаните на Бразил денеска гласаат во вториот круг од претседателските избори, на кои за шеф на државата се натпреваруваат актуелниот претседател, левичарот Луис Инасио Лула да Силва (80), кој се бори за четврти, без последователен мандат, и десничарскиот сенатор Флавио Болсонаро (45), син на поранешниот претседател Жаир Болсонаро.

Флавио Болсонаро постигна најдобар резултат во првиот круг од изборите, одржан на 4 октомври, што претседателот на Соединетите Американски Држави, Доналд Трамп, го оцени како „многу голема“ победа, јави Би-би-си.

Поддржувачите на Флавио Болсонаро на последните предизборни митинзи изразија уверување дека тој ќе донесе промени во Бразил, ветувајќи тешка борба против организираниот криминал, како и намалување на даноците и јавната потрошувачка.

Во пресрет на изборниот молк, Болсонаро одржа митинг во Бело Хоризонте, главниот град на сојузната држава Минас Жераис, кој се смета за важен за претседателските кандидати од 1980-тите.

„Речиси дојде време. Остануваат само неколку часа пред да ја обликуваме иднината на нашата нација во следните 30 или 40 години“, рече Болсонаро во видеото објавено на социјалните мрежи.

Тој, исто така, вети дека ќе го ослободи својот татко, кој беше осуден на 27 години затвор за заговор за државен удар по поразот од Лула на изборите во 2022 година.

На големиот митинг на плажата Копакабана во Рио де Жанеиро во саботата, Лула рече дека изборите се за „суверенитет“ и дека граѓаните ќе избираат помеѓу кандидатот кој го бакнува бразилското знаме и оној што го бакнува американското знаме.

Администрацијата на Лула ги обвини САД за мешање во изборите во Бразил, тврдење кое Вашингтон го отфрли како „неосновано“.

Ќе победиме на изборите од една едноставна причина: вистина е дека народот сака промени, но сака да оди напред, а не назад“, рече Лула.

Лула и неговата Работничка партија ги претставија изборите како „битка за демократија“, тврдејќи дека пресудата против Жаир Болсонаро за заговор за државен удар покажува дека болсонарското движење претставува закана за демократските институции на Бразил.

Тој инсистираше на тоа дека Бразил „не се вклопува во ничиј двор“, што се толкува како одговор на таканаречената „Донерска доктрина“ на Трамп, стратегијата за национална безбедност на неговата администрација според која доминацијата на САД на западната хемисфера не треба да се оспорува.

Спротивно на тоа, Болсонаро тврди дека соработката со Вашингтон во борбата против моќните криминални групи, кои имаат големо влијание во одредени делови на Бразил, ќе и овозможи на државата да го врати суверенитетот над териториите контролирани од бандите.

Во првиот круг од претседателските избори, одржан на 4 октомври, Болсонаро освои 47,03 отсто, а Лула 45,16 отсто од гласовите, што значеше дека се кандидираа за вториот круг на изборите.

Тагови: Болсонаро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп гласаше на Флорида, па си залепи налепница (ВИДЕО)

Американскиот претседател Доналд Трамп гласаше вчера на гласачко место во Флорида, заедно со неговата сопруга, првата дама Меланија Трамп, пред среднорочните избори во САД на 3 ноември.

Трамп гласаше на Флорида, па си залепи налепница (ВИДЕО)

Претседателот гласаше лично во Вест Палм Бич, недалеку од неговиот имот Мар-а-Лаго, каде што го поминува викендот. По гласањето, Трамп залепи на своето одело налепница со натпис „Јас гласав“. Критичарите претходно истакнаа дека Трамп претходно гласал по пошта, и покрај неговото противење на таков метод на гласање.

Анкети: Демократите треба да го преземат Претставничкиот дом

Пред среднорочните избори, Трамп се залагаше за построги правила за гласање по пошта, тврдејќи дека промените ќе помогнат во спречувањето на изборни измами. Критичарите го обвинуваат дека се обидува да ја ослабне поддршката за опозициските демократи, чии гласачи традиционално имаат поголема веројатност да гласаат по пошта.

Овие избори ќе одредат кој ќе ја има контролата врз Конгресот во текот на последните две години од претседателствувањето на Трамп. Републиканците на Трамп се надеваат дека ќе одбранат тесни мнозинства во двата дома на Конгресот.

Анкетите покажуваат дека демократите имаат добри шанси да ја преземат контролата врз Претставничкиот дом. Се верува дека промената на владата ќе биде потешка во Сенатот, бидејќи се избираат само една третина од местата, но промената на контролата е сè уште можна.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ гласаше, откако два часа чекаше во ред со сопругата (ВИДЕО)

Александар Вучиќ, лидерот на листата „Александар Вучиќ - Единствена Србија“, гласаше утрово во Нов Белград. 

Вучиќ гласаше, откако два часа чекаше во ред со сопругата (ВИДЕО)

Тој пристигна на гласачкото место околу 8:05 часот со сопругата Тамара, а поради големата толпа, неговиот ред дојде дури по 10 часот наутро.

Вучиќ гласаше на гласачкото место број 140 во зградата на градинката „Тесла - Наука за живот“. Долга редица се формираше пред гласачкото место уште од рано наутро, па чекаше речиси два часа за да гласа заедно со другите граѓани.

Висок одѕив од утрово

Висок одѕив е забележан и на другите гласачки места во Србија. Според податоците од CeSID и Ipsos објавени од Europe Elects, одѕивот до 9 часот наутро по UTC бил 12 проценти, повеќе од двојно во споредба со истото време на парламентарните избори во 2023 година, кога изнесувал 5,2 проценти.

На денешните предвремени парламентарни избори се избираат 250 претставници, а на гласачкото ливче има 18 изборни листи. Право на глас имаат повеќе од 6,45 милиони гласачи.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер