Причината зошто Мако се откажа од сè , е љубовта - нејзиниот сопруг е обичен човек што го запознала на колеџ.

Мако Комуро (30) сега работи во азиската уметничка колекција на култниот музеј и помага да се постави изложба на слики инспирирани од животот на монасите од 13 век, кои го претставуваат будизмот, пишува Japan Times.

Музејот се наоѓа на Апер Ист Сајд и е на 10 минути возење од еднособниот стан во Хелс Кјчен кој го дели со сопругот, идниот адвокат Кеи Комуро (30). Иако живеат во еднособен стан, тој наводно е луксузно уреден. Зградата е опремена со велосипедска теретана Peloton, студио за јога, внатрешен спа простор, симулатор за голф, скара, пинг-понг, библиотека и консиерж. Апартманите со една спална соба во таа зграда се изнајмуваат за 4.809 долари месечно, додека апартманите со две спални се по цена од 7.085 долари .

Двојката беше свршена осум години пред да се венчаат минатиот октомври. Нивната венчавка беше мала граѓанска церемонија во Токио. Бидејќи само на машките членови на јапонското царско семејство им е дозволено да се венчаат со обични луѓе, Мако одлучи дека повеќе нема да биде принцеза, а нејзините синови нема да бидат во ред за тронот.

Мако и Кеи се запознале во 2013 година кога и двајцата студирале на Меѓународниот христијански универзитет во близина на Токио, каде што таа студирала уметност и културно наследство. Потоа продолжила да работи како специјален истражувач во Музејот на Универзитетот во Токио. Студирала и историја на уметност на Универзитетот во Единбург во Шкотска и магистрирала музејски и галериски студии на Универзитетот во Лестер во Англија во 2016 година, пренесува People.

"Таа е квалификувана и веројатно се занимава со предмети од колекцијата. Тоа е работа која бара многу подготовка и честопати значи многу време во библиотеката", рече поранешниот кустос за новата работа на поранешната принцеза.

Мако е ќерка на престолонаследникот Фумихито и внука на владејачкиот јапонски император Нарухито. Таа и Кеи „неофицијално се свршија“ во 2017 година, а планирале свадба во ноември 2018 година.

Најпрво веста во Јапонија беше дочекана со ентузијазам, но потоа избувна скандал кога беше откриено дека неговата мајка, вдовицата Кајо, не вратила 35.000 долари на својот поранешен вереник за да ја плати школарината на нејзиниот син. Критичарите веднаш го нападнаа Кеи дека сака да се омажи за принцезата само поради пари или слава.

Рече дека тоа е подарок, а не заем и дека ќе ги врати парите, но не се знае дали ги вратил.

Во 2020 година, Мако јавно побара од јапонската јавност да ја поддржи нејзината одлука да се омажи за обичен човек.

„За нас, нема никој друг, нема друга личност на која можеме да се потпреме и во среќни и во несреќни моменти“, рече таа.

Тие се венчаа во октомври минатата година, а кралската куќа соопшти дека младенците не сакаат голема свадба „бидејќи нивниот брак не го слават многу луѓе“. Пред да се преселат во Њујорк, Мако ги одби 1,3 милиони долари кои ѝ следувале откако го напушти кралското семејство.

Нејзиниот сопруг се обидува да положи правосуден испит во државата Њујорк за да стане адвокат откако не успеал минатото лето. Повторно полагал во февруари, но не се знае со каков успех.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.