Како што неодамна најави, францускиот произведувач одлучил да врати во живот некои од најуспешните автомобили од своето минати, во рамки на проектор наречен „Renaulution“. Оваа стратегија предвидува лансирање на концептот Рено 5 Прототип чиј дизајн е инспириран од моделот 5 од втората половина на 20 век.
Љубителите на класичните Рено автомобили ќе ги препознаат стилските детали од моделот кој бил многу популарен во 1970-те и 1980-те години.
И додека надворешноста на автомобилот јасно го отсликува изгледот на оригиналниот модел 5, Рено не ја покажа внатрешноста на автомобилот. Но судејќи по сличните електрични концептни возила, треба да се очекува минималистички дизајн со целосно дигитализирана командна табла.
Што се однесува до моторизацијата, единствено е јасно дека станува збор за целосно електричен погон и дека Рено нема во план верзии кои ќе бидат опремени со мотори со внатрешно согорување.
Рено 5 Прототип го претстави шефот на дизајн на францускиот произведувач, Жил Видал, кој во оваа компанија пристигнал од ривалот ПСА.
За продукциската верзија ќе треба да почекаме уште некое време, а по моделот 5, Французите ќе обноват и друга легенда од своето минато- моделот Рено 4, кој исто така ќе има исклучиво електричен погон.
Во план е до 2025 година дури 30% од продажбата на компанијата да бидат исклучиво автомобили на струја, а новиот Рено 5 треба да одигра важна улога во оваа стратегија.