Премиерот Христијан Мицкоски денеска на средбата во Скопје со високата претставничка на Европската Унија за надворешни работи и безбедносна политика Каја Калас, меѓу другото, разговарале и за билатералната средба со бугарската страна, за нејзиниот формат, кој се би можел на неа да присустуствува и каде би можела да се одржи. Претстојниот Самитот на НАТО во Хаг е добра можност за средбата, на неа би присустувале претедателката Сиљановска Давкова, претседателот на Европскиот совет Антонио Кошта, претседателката на ЕК Урсула Фон дер Лајен, високата претставничка на ЕУ Каја Калас, а составот, како што посочи Мицкоски го прошириле и со можноста за присуство на генералниот секретар на НАТО Марк Руте.

-Оваа тема започна уште од средбата и посетата на претседателот на Европскиот совет, господинот Кошта. За време на Хашкиот самит во НАТО да има билатерална средба помеѓу претставниците од кај нас од Македонија и од Бугарија, бидејќи таму ќе биде претседателката. Тоа би била одлична можност да има билатерална средба, на која би присуствувала и претседателката на ЕК, госпоѓата Урсула Фон дер Лајен, претседателот на Европскиот совет, господинот Антонио Кошта, нормално високата претставничка за надворешна и безбедносна политика Каја Калас. Го проширивме тој состав и со генералниот секретар на НАТО. Дел од земјите членки во НАТО, нели од нив најголемите тоа се САД, за да можеме да ги кажеме на билатерална средба аргументите, истакна Мицкоски на заедничката прес-конференција со Калас, одговарајќи на новинарско прашање за евентуалната средба на Сиљановска Давкова со бугарскиот претседател Радев и за тоа во каков формат се планира.

Тој истакна дека таа средба би била мошне полезна, бидеќи двете страни изнесуваат свои аргументи и оти е потребно да се седне на иста маса и да се разговара без ралика, колку ќе траат тие разговори.

-Ние веднаш го прифативме тоа. Не знам каков е одговорот од Бугарија. Но ние тоа го прифативме. И денеска повторно тоа заедно со госпоѓата Каја Калас разговаравме на таа тема и апсолутно ја потврдивме нашата определба да опстоиме на тоа што сме го кажале и го прифативме тоа. Разговаравме и со претседателката Сиљановска. Ќе се подготвиме најдобро што знаеме. И мислам добро да има таква средба, на која што ќе може да се слушнат аргументите од двете страни, посебно на маргините на НАТО Самитот, бидејќи како што беше и претходното прашање сето тоа има фоскус и на безбедноста во регионот. Како земја-членка на НАТО ние рефлектираме безбедност, посочи Мицкоски.

Додаде дека тоа го потврдила и Калас во своето обраќање за македонскиот придонес во регионалните безбедносни иницијативи како што е АЛТЕА во Босна, но тука е и поддршката на земјава за Украина. Мицкоски посочи дека ние сме во првите пет земји контрибутори по глава на жител за Украина и додаде дека и натаму ќе продолжиме да помагаме.

-Така што, ние сме фактор на стабилност, и така треба да се однесуваме во регионот. И затоа треба да зрачиме со стабилност. За жал, има сили во регионот коишто рефлектираат, сакаат да рефлектираат нестабилност. И затоа добро би било да ги имаме сите аргументи на еден ваков билатерален состанок, би било многу добро тие да се слушнат...Можеби од таа страна ќе слушнеме некои аргументи коишто до сега не сме ги знаеле, каде исчезнаа, да речеме, 200 илјади Македонци во Западна Бугаијра од '56 до '65, истакна Мицкоски.

Во однос на тоа дали ќе прифати медијација за да се надминат разликите со Бугарија, Мицкоски одговори потврдно.

-Да. Апсолутно подготвени сме да разговараме на ниво на билатерални разговори, на ниво на партнерски односи во рамките на НАТО Алијансата. Кој било, кој што сака да помогне подоготвени сме да разговараме. Со секого сме подготвени да седнеме и да разговарме и да прифатиме каква било медијација...Ние сакаме решение, решение коешто ќе биде достоинствено и долготрајно. Се изморивме од континуирани блокади коишто се однесуваат на билатерални прашања. Дајте решение коешто ќе биде единствено континуирано и оставете ние да си ја завршиме дома домашната задача, па да видиме кој ќе биде фронтранер, кој нема да биде, нека судат потоа сите оние, рече Мицкоски.

На прашањето дали се работи на нова дефиниција на уставните измени, тој потенцира дека најголемиот виновник зошто се наоѓаме сега во ваква ситуација е претходната влада.

-Не би се согласил дека недостасуваа неколку гласови, бидејќи не беше ставено да се гласа за да знаеме колку гласови, дали се неколку или неколку десетици гласови. Така што, ако го посочиме главниот виновник, тоа е јасно, тогашниот премиер, министерот за евроинтеграции, министерот за надворешни работи. Тие се тие коишто денеска ја доведоа состојбата ваква каква што е, додаде Мицкоски.

Македонско друштво „Илинден”-Тирана на новата влада на премиерот Еди Рама и посакува успех и исполнување на предизвиците, но во исто време бара да го посвети потребното внимание на положбата и условите за живот на Македонците во областите Голо Брдо, Преспа и Гора, како и Врбник.

Се додава дека Македонците таму се соочуваат со сериозни економски и социјални потешкотии и заслужуваат конкретна и континуирана поддршка од новата Владата.

Од Македонско друштво „Илинден”-Тирана потсетуваат и на прашањето со граничниот премин Требиште – Џепиште, област Голо Брдо, кој беше отворен во мај 2013 година и на „седница на владите на Албанија и Македонија одржана во Поградец на 15 декември 2017 година, донесена одлука овој премин да работи 24 часа и оти тоа сè уште не е реализирана".

- Сметаме дека е крајно време овој граничен премин да премине од премин од локален карактер во режим на целодневно 24-часовно функционирање, со што значително би се олеснила комуникацијата на жителите од Голо Брдо со Македонија, со која тие секојдневно имаат лични, здравствени, образовни и економски потреби, додаваат од друштвото.

Од име на Македонците, бара Владата и министерството да посветат посебно внимание и позитивно да одговорат на барањето за настава на мајчин македонски јазик за децата во областите Голо Брдо и Гора, и насекаде каде има значителен број.

Бараме, се нагласува, Владата да изврши промена на територијална организација на локалната самоуправа и да ги прифати како посебни општини областите Голо Брдо и Гора, каде живеат Македонци.

- Македонско друштво „Илинден”-Тирана го изразува своето жалење затоа што официјална Софија ја продолжува својата антимакедонска пропаганда меѓу Македонците во областа Голо Брдо, Преспа, Гора и Врбник, обидувајќи се да ги претстави како “Бугари“. Апелира до Владата да преземе сериозни мерки во насока на поголема грижа за положбата и правата на македонскиот народ во Република Албанија, посочува друштвото.

Оценува и бара Комитетот за национални малцинства од консултативно тело на Владата да прерасне во Агенција за национални малцинства со посериозни и обврзувачки ингеренции за афирмација на националните малцинства во Република Албанија, зашто „сметаме дека комитетот за националните малцинства треба да биде активен глас на малцинствата во Република Албанија".

- Истовремено, веруваме дека новата Влада предводена од премиерот Еди Рама ќе работи да се подобрат правата на Македонците во Република Албанија. Ви посакувам успех во работата и во реализацијата на програмата, стои во барањето потпишано од претседателот Никола Ѓурѓај и координаторот за областа Голо Брдо, Фатри Фетаху.

Реал Мадрид официјално објави дека се разделува од тренерот Карло Анчелоти по завршувањето на тековната сезона 2024/25. Ова се случи долго време откако Бразил објави дека италијанскиот стручњак ќе стане селектор на репрезентацијата на земјата од крајот на мај.

Последниот натпревар на Анчелоти на чело на мадридскиот гигант ќе биде домашниот натпревар против Реал Сосиедад . Така, тој ќе одигра вкупно 353 натпревари на чело на Реал Мадрид, а во двата периода во клубот освои 15 трофеи - три Лиги на шампиони, две титули во Ла Лига, две титули Светски клупски шампион, два Суперкупа на Шпанија, два Кралски Купа, три Суперкупа на Европа и еднаш Интерконтиненталниот куп.

-Карло Анчелоти сега е дел од семејството на Мадрид засекогаш. Горди сме што можевме да ги користиме услугите на еден од најдобрите тренери, кој ни помогна да постигнеме многу успеси и да освоиме многу трофеи, претставувајќи ги вредностите на нашиот клуб на импресивен начин, рече претседателот на Реал, Флорентино Перез, за Италијанецот.

Клубот им посака на Анчелоти и на неговото семејство многу среќа и успех во новата фаза од неговиот живот.