Преставата „Кога бев мртов“ на Словенскиот народен театар вечерва на „Охридско лето“ - Канал 5

Култура

Преставата „Кога бев мртов“ на Словенскиот народен театар вечерва на „Охридско лето“

Драмскиот дел од програмата на годинешното „Охридско лето“ започнува вечерва со настапот на актерите од Словенско народно гледалишче, кои во предворјето на „Света Софија“ ќе ја одиграат претставата „Кога бев мртов“, инспирирана од истоимената бурлеска на германскиот режисер Ернст Лубич од 1916 година.

Преставата „Кога бев мртов“ на Словенскиот народен театар вечерва на „Охридско лето“
Претставувајќи ја претставата нејзиниот режисер Диего де Бреа на денешната прес-конференција рече дека станува збор за специфична претстава, работена според нем филм од кој единствената копија била неодамна откриена токму во Словенија.

- Гледајќи ја премиерата во Љубљана, видовме дека филмот не беше цел така што ние требаше да додадеме содржина, а сето тоа да се спакува во театарска игра, доколку е тоа можно без говор како најважниот орган што ја претставува театарската база. Јас и актерите што се решивме да направиме претстава според филмот, прво почнавме да работиме некаква банална пантомима, што подоцна прерасна во нешто сосема непознато, претстава што наспроти филмот отвара многу повеќе илузии, и простор за фантазија, рече Де Бреа.

Тој нагласи дека пронашле јазик што исто така е мотивирачки како и психолошкиот реализам, со таа разлика што бурлеската како игра е многу поекспресивна, ја нагласува играта на телото, но ни малку не изостанува внатрешнатата мотивација кај актерите.

- Тоа е претстава во која дејството е активно проследено музичка подлога изведувана во живо на пијано, нешто како цртан филм, во кој дејството е точно фиксирано, а сепак секоја изведба е премиера оттаму што некои работи се изменуваат на сцена, појасни Де Бреа.

Улогите во претставата ги толкуваат Алојз Свете, Јанез Шкоф, Јернеј Шугман и Борис Михаљ, првенци на словенската театарска сцена и актери кои играле главни улоги во класични дела, овојпат толкуваат смешни улоги, во еден гротескен трилер.

Јернеј Шугман рече дека по долго време работа на класици, работиме комедија, нешто смешно, притоа макотрпно барајќи го театаркисот јазик, израз за оваа претстава во која нема дијалози.

- Копирањето на самиот филм немаше никава смисла, така што најголем дел од работата на претставата отпадна во потрагата по тој театарски израз што би соодветствувал на аншите замисли, рече Шугман, објаснувајќи го неговото ново искуство за првпат како и другите актери од претставата да работи бурлеска.

Темпото на играта во претставата и контролата врз самото дејство можеби во најголем дел е во рацете на пијанистот Јоже Шалеј, кој рече дека наспроти немите филмови со музичка заднина, во оваа претстава тој и самиот игра.

- Доколку јас го намалам интензитетот на музиката, актерите се опуштаат, оттаму морам постојано да форсирам темпо. Тоа не е бурлеска, тоа не е нем филм, тоа е како цртан филм, барем кога станува збор за музиката. Во потрагата по елемент што ќе даде уште поголем акцент на одредено дејство во претставата, доаѓа до одредени измени, така што и после одиграни повече од 150 изведби, „Кога бев мртов“ во себе содржи елементи на премиера, истакна Шалеј.

Претставата „Кога бев мртов“ ќе се игра на сцената во Предворјето на катедралната црква „Света Софија“, со почеток од 21 часот.

Инаку, селекторот на драмскиот дел на „Охридско лето“ Ѓорѓи Јолевски претставувајќи ја драмската понуда на годинешното издание на фестивалот, рече дека таа ќе биде мошне богата, со десетина театарски претстави од кои дури 60 проценти премиерни изведби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер